BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا ۇكىمەتتىڭ قۇرامى كەلەسى اپتانىڭ ىشىندە بەلگىلى بولماق

استانا. 8 ٴساۋىر. قازاقپارات /ايدار وسپاناليەۆ/ - جاڭا ۇكىمەتتىڭ مۇشەلەرىن تاعايىنداۋ تۋرالى ماسەلە كەلەسى اپتانىڭ ىشىندە شەشىلەتىن بولادى. بۇگىن قر پارلامەنتى ماجىلىسىندە پالاتا دەپۋتاتتارى قر پرەمەر-مينيسترى لاۋازىمىنا كارىم ٴماسىموۆتى تاعايىنداۋعا  كەلىسىمىن بەرگەننەن كەيىن سويلەگەن سوزىندە ەلباسى نۇرسۇلتان نازاربايەۆ وسىلاي ايتتى.

«ارينە، قازىرگى ۋاقىتتا كىمدى جانە قايدا تاعايىندايدى ەكەن دەگەن اڭگىمە جۇرۋدە. كەلەسى اپتانىڭ ىشىندە ٴبىز بۇل ماسەلەلەردى شەشەمىز دەپ ويلايمىن»، - دەدى پرەزيدەنت.

مەملەكەت باسشىسى مەملەكەتتىڭ الدىندا اۋقىمدى مىندەتتەر تۇرعاندىعىن، ونى شەشۋ ٴۇشىن ەلدىڭ ىنتىماعى مەن بىرلىگى قاجەت ەكەندىگىن قاداپ ايتتى. پرەزيدەنت ەلدىڭ بىرلىگى مەملەكەتتىك بيلىكتىڭ بىرلىگىنەن باستالاتىندىعىن اتاپ كورسەتتى. سوندىقتان بيلىكتىڭ بارلىق تارماعى ٴوزارا كەلىسە وتىرىپ جۇمىس ىستەۋلەرى ٴتيىس.

ايتا كەتەيىك، بۇگىن استاناداعى تاۋەلسىزدىك سارايىندا 2011 جىلدىڭ 3 ساۋىرىندە وتكەن قر پرەزيدەنتىنىڭ كەزەكتەن تىس سايلاۋىندا جاڭا مەرزىمگە قايتا سايلانعان پرەزيدەنت نۇرسۇلتان نازاربايەۆتى ۇلىقتاۋ ٴراسىمى ٴوتىپ، ەلباسى  قازاقستان حالقىنىڭ الدىندا انت قابىلداپ، پرەزيدەنتتىك قىزمەتىنە رەسمي كىرىستى. سودان كەيىن ۇكىمەتتىڭ شۇعىل وتىرىسى ٴوتىپ، ونىڭ بارىندا قر كونستيتۋسياسىنىڭ 70-بابىنىڭ 1-تارماعىنا سايكەس كارىم ٴماسىموۆ باسقارعان قازاقستاننىڭ جەتىنشى ۇكىمەتى جاڭادان سايلانعان قازاقستان رەسپۋبليكاسى پرەزيدەنتىنىڭ الدىندا ٴوز وكىلەتتىگىن دوعاردى.    

ال تۇستەن كەيىن استانادا وتكەن قر پارلامەنتى ٴماجىلىسىنىڭ جالپى وتىرىسىندا مەملەكەت باسشىسى نۇرسۇلتان نازاربايەۆ قازاقستان رەسپۋبليكاسىنىڭ پرەمەر-مينيسترى لاۋازىمىنا تاعى دا كارىم ٴماسىموۆتىڭ كانديداتۋراسىن ۇسىندى.

«ويلانىپ-تولعانىپ، مەن سىزدەردەن كارىم ٴماسىموۆتى پرەمەر-مينيستر ەتىپ تاعايىنداۋعا كەلىسىمدەرىڭىزدى بەرۋدى وتىنەمىن»، - دەدى ن. نازاربايەۆ جالپى وتىرىستا دەپۋتاتتارعا قاراتىپ ايتقان سوزىندە.

ەلباسى وسى جىلدار ىشىندە الدىڭعى ۇكىمەتتىڭ قۇرامى مەن پارلامەنت قويان-قولتىق جۇمىس ىستەگەنىن، سول كەزەڭدە كۇردەلى داعدارىستى جاعدايلار بولعاندىعىن، مەملەكەت ول قيىندىقتاردى ەڭسەرگەندىگىن اتاپ كورسەتتى. "ەكىنشى جاعىنان ٴبىز يندۋستريالىق باعدارلامانى جۇزەگە اسىرۋدامىز. الەمدە ەشكىم دە وتكەن داعدارىستى قايتادان قايتالانبايدى دەپ ەسەپتەي المايدى. وسىعان بايلانىستى جانە پرەمەر-مينيستردىڭ ٴوزى پارلامەنتپەن تىعىز جۇمىس ىستەگەندىكتەن كارىم ٴماسىموۆتىڭ كانديداتۋراسىن قولداۋدى سۇرايمىن»، دەدى ن. نازاربايەۆ.

ەلباسى الدىڭعى ۇكىمەت «ٴبىر جاعادان، ٴبىر جەڭنەن قول» شىعارىپ جۇمىس ىستەگەندىگىن اتاپ كورسەتتى. «بۇگىنگى كۇن ٴۇشىن جانە ۇكىمەتتىڭ ٴتيىمدى جۇمىس ىستەۋى ٴۇشىن وسى كانديداتۋرانى بارىنشا قولايلى دەپ بىلەمىن»، - دەدى ن. نازاربايەۆ.

پرەزيدەنتتىڭ پىكىرىنشە، كارىم ٴماسىموۆ ۇكىمەت باسشىسى لاۋازىمىندا ٴوزىن الدىعا قويىلعان مىندەتتەردى ورىنداي الاتىن،  ارىپتەستەرىنىڭ ىنتىماقتى جۇمىسىن ۇيىمداستىرا بىلەتىن كاسىبي ادام رەتىندە كورسەتە الدى. پرەزيدەنت كارىم ماسىموۆكە ۇكىمەتتىڭ الدىڭعى قۇرامى ازىرلەگەن باعدارلامالاردى جۇزەگە اسىرۋدى جۇكتەگەنىن اتاپ كورسەتتى.

سودان كەيىن  ٴماجىلىس دەپۋتاتتارى قازاقستان رەسپۋبليكاسىنىڭ پرەمەر-مينيسترى لاۋازىمىنا مەملەكەت باسشىسى نۇرسۇلتان نازاربايەۆ ۇسىنعان  كارىم ٴماسىموۆتىڭ كانديداتۋراسىن ٴبىراۋىزدان قولداپ، داۋىس بەردى.

سول جەردە مەملەكەت باسشىسى نۇرسۇلتان نازاربايەۆ كارىم ٴماسىموۆتى قر پرەمەر-مينيسترى ەتىپ تاعايىنداۋ تۋرالى جارلىققا قول قويدى.

http://www.inform.kz/kaz/article/2368680


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي