BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەتتە قانداي دەڭگەيدە ٴاۋىس-تۇيىس بولۋى مۇمكىن؟

ٴازىمباي عالي، ساياساتتانۋشى:
- جىلدىڭ باسىندا بولادى دەگەن وزگەرىستەر بولمايتىن سياقتى. ول كەزدە «كارىم ٴماسىموۆ، ٴومىرزاق شوكەەۆ، قايرات ماميلەر قىزمەت اۋىستىرادى» دەگەن بولجامدار ايتىلعان. ونىڭ ٴبارى ورىندالعان جوق. ٴبىراق جىلدىڭ ورتاسىنا دەيىن كارىم ٴماسىموۆ قىزمەتتەن كەتۋى مۇمكىن. ويتكەنى ينفلياسيا ٴقازىردىڭ وزىندە 8 پايىزعا جەتتى. ول ٴىى توقساندا ودان جوعارىلاماسا، تومەندەمەيدى. جانار-جاعارماي، ازىق-تۇلىك باعاسى كۇن ساناپ كوتەرىلۋدە. وسى جاعداي ەكونوميكالىق بلوكتا، ياعني ەكونوميكالىق احۋالعا جاۋاپتى ٴبىراز جەتەكشى تۇلعانىڭ قىزمەتپەن قوش ايتىسۋىنا الىپ كەلۋى ابدەن مۇمكىن. سەبەبى ينفلياسيا - نەگىزگى كورسەتكىشتىڭ ٴبىرى.
سوسىن پرەزيدەنت اكىمشىلىگىندە، سونداي-اق جەرگىلىكتى اكىمشىلىكتەردە ٴبىراز وزگەرىستەر بولۋى عاجاپ ەمەس. ٴبىراق ول بىرتىندەپ، قىزمەت كورسەتكىشتەرىنە قاراي جۇزەگە اسادى دەپ ويلايمىن.

سەيداحمەت قۇتتىقادام، «مىسل» جۋرنالىنىڭ باس رەداكتورى:
- وسى جولى ۇلكەندەۋ وزگەرىس بولاتىن شىعار دەپ حالىق كۇتتى، ۇمىتتەندى. ٴبىراق وكىنىشكە قاراي، پرەمەر-مينيستر ٴوز ورنىندا قالدى. دەمەك، ۇكىمەت قۇرامىندا سونشالىقتى ٴاۋىس-تۇيىس بولمايدى دەپ ويلايمىن. مەنىڭ ويىمشا، وسىنداي جاڭا، كۇردەلى، قيىن كەزەڭدە، الەمنىڭ ٴبارى وزگەرىپ جاتقاندا ۇكىمەتتىڭ كوشباسشىسى باسقا بولۋى كەرەك ەدى. سوسىن پارلامەنتتىڭ سايلاۋى بولادى. وعان كەمىندە ٴۇش پارتيا كىرەدى دەپ ويلايمىن. بۇل تۇرعىدا ٴبىرشاما وزگەرىس بولادى.
تاعى ٴبىر وزگەرىس قاسىم-جومارت توقايەۆ سەنات ٴتوراعالىعىنان باسقا قىزمەتكە كەتتى. ەندى ونىڭ ورنىنا جاڭا ادام وتىرادى. ەندى وسى وزگەرىستەر قالاي جۇزەگە اسادى؟ جۇيەلى تۇردە مە، الدە جەڭىل-جەلپى تۇردە مە دەگەن ماسەلە تۇر. ول جاعىن ۋاقىت كورسەتەدى.

دوس كوشىم، ساياساتتانۋشى:
- نەگىزى، مەنى ۇكىمەتتەگى ٴاۋىس-تۇيىس ەش ۋاقىتتا قىزىقتىرمايدى. سەبەبى «ٴاۋىس-تۇيىس بولدى» دەگەن كۇننىڭ وزىندە جاڭادان كەلگەن ادامدار بەلگىلى ٴبىر دەڭگەيدە توڭكەرىس جاسايدى دەگەنگە سەنبەيمىن. مەندە وسى جولى اتقارۋشى بيلىك اۋىسادى دەگەن ۇلكەن ٴۇمىت بولعان. جاڭا توپ، جاڭا ۇكىمەتتىڭ كومانداسى كەلەدى دەپ ويلاعانمىن. پرەمەر-مينيستر ورنىندا قالدى، قالعاندارى دا بۇرىنعىشا قىزمەتتەرىن جاساي بەرەدى. وزگەرىستەر بولعان كۇننىڭ وزىندە اسا ٴبىر ايتارلىقتاي دەڭگەيدە بولادى دەپ ويلامايمىن.

ساۋالنامانى جۇرگىزگەن - گۇلنار جۇمابايقىزى

http://www.aikyn.kz/index.php؟option=com_content&task=view&id=7184&itemid=2


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي