شەكارالىق اۋدانداردى جانداندىرا ٴتۇسۋ قاجەت - سەناتور - ساياسات|23 تامىز 2018، 13:22
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەكارالىق اۋدانداردى جانداندىرا ٴتۇسۋ قاجەت - سەناتور

سەنات دەپۋتاتى دۇيسەنعازى مۋسين شىعىس قازاقستان وبلىسىنىڭ قاتونقاراعاي، كۇرشىم، ۇلكەن-نارىن، جارما اۋداندارىندا بولىپ، حالىقپەن كەزدەسىپ، ال-اۋقاتىمەن تانىستى، قوردالانعان ماسەلەلەر تۋرالى تۇرعىنداردىڭ ۇسىنىستارىن تىڭدادى، دەپ حابارلايدى baq.kz اقپارات اگەنتتىگى.

ساپار بارىسىندا سەناتور اۋدان ورتالىعى – ۇلكەن نارىندا اشىلعان دوستىق ٴۇيىنىڭ جۇمىسىمەن تانىستى.

«كوپۇلتتى ەلىمىزدە تولەرانتتى ساياساتتىڭ ارقاسىندا دوستىق پەن تاتۋلىق ورنىقتى، بۇل ەلىمىزدىڭ دامۋىنا ۇلكەن ۇلەس قوسىپ وتىر»،- دەپ اتاپ ٴوتتى د.مۋسين.

ايماق حالقىمەن جۇزدەسۋدە د.مۋسين وسى سەسسيادا ەلباسىنىڭ 100 ناقتى قادام - ۇلت جوسپارىنا بايلانىستى پارلامەنت قابىرعاسىندا سەكسەن ٴتورت زاڭ قابىلدانعانىن جانە ولاردىڭ ٴبارى ەلدىڭ الەۋمەتتىك-ەكونوميكالىق جاعدايىن جاقسارتۋعا باعىتتالعانىن ايتا كەلە، اگرارلىق ماسەلەلەرگە قاتىستى زاڭنامالارعا كەڭىرەك توقتالىپ ٴوتتى. ازىق-تۇلىك قاۋىپسىزدىگىن، جەر قويناۋىن پايدالانۋ، جەر قاتىناستارىن رەتتەۋ ماسەلەلەرىن قامتيتىن زاڭدارعا ەنگىزىلگەن وزگەرىستەر مەن تولىقتىرۋلاردىڭ ٴمانىن اشتى.

جينالعان تۇرعىندار اشىق اڭگىمە بارىسىندا مەملەكەتتىك ساتىپ الۋ، اۋىل شارۋاشىلىعىنداعى سۋبسيديالاندىرۋ، شەكارالىق كوەفيسەنتتى ارتتىرۋ بويىنشا وزدەرiن تولعاندىرىپ جۇرگەن ساۋالدارىن ورتاعا سالدى. سەناتور جۇلدىز اۋىلىنا ات باسىن بۇرىپ، دەموگرافيالىق جاعدايدى رەتتەۋ جانە جۇمىسسىزدىق دەڭگەيىن تومەندەتۋ باعىتىندا ەلىمىزدە جۇزەگە اسىرىلىپ جاتقان «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» اياسىندا وڭتۇستىكتەن قونىس اۋدارىپ كەلگەن وتباسىلاردىڭ جاعدايىمەن تانىستى.

جارما اۋدانىندا دا سەناتور بىرنەشە شارۋا قوجالىقتارىنىڭ جۇمىسىمەن تانىسىپ، تۇرعىندارمەن كەزدەستى.

كۇرشىم اۋدانىنداعى مارقاكول، بوران، مارقا، مارقاكول ەلدى مەكەندەرىندەگى كەزدەسۋلەرىندە سەناتور اگرارلىق ماسەلەلەرگە، شەكارالىق ايماقتى زاماناۋي ۇردىسكە ساي دامىتۋ جانە ونىڭ مارتەبەسىن ارتتىرۋ ماسەلەسىنە ەرەكشە توقتالدى.

د.مۋسين كۇرشىم اۋدانىنداعى شەكارا بويىندا ورنالاسقان مارقا ەلدى مەكەنىندەگى «ارىن» قوجالىعىندا بولىپ، مارقاكول اۋىلدىق وكرۋگى تۇرعىندارىمەن كەزدەسۋىندە شەكارالىق ايماقتى زاماناۋي ۇردىسكە ساي دامىتۋعا كۇش سالۋ كەرەكتىگىن ايتا كەلىپ، شەكارا بويىنداعى اۋىل تۇرعىندارى سانىنىڭ كەمىپ بارا جاتقانىنا الاڭداۋشىلىق ٴبىلدىردى.

سەنات دەپۋتاتىمەن كەزدەسۋگە كەلگەن اۋىل تۇرعىندارى حالىقتىڭ اۋىلدان كەتپەي، تۇراقتاپ قالۋىن شەشۋ، مەكتەپتەردىڭ جابىلۋى، جەر ماسەلەلەرى، اۋىل شارۋاشىلىعىندا ەڭبەك ەتەتىن كادرلاردىڭ تاپشىلىعى تۋرالى جانە باسقا دا وزەكتى ماسەلەلەردى كوتەرىپ، ۇسىنىس-پىكىرلەرىمەن ٴبولىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي