BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ: مەملەكەت باسشىسىنىڭ كوڭىل ٴبولۋىنىڭ ناتيجەسىندە ارالدىڭ قازاقستاندىق بولىگى قالپىنا كەلدى

قر پرەمەر-مينيسترى باقىتجان ساعىنتايەۆ قىزىلوردا وبلىسىنا جۇمىس ساپارى اياسىندا ارال ٴوڭىرىنىڭ جۇرتشىلىعى مەن اكتيۆىمەن سولتۇستىك ارالدى دامىتۋ ماسەلەلەرى جونىندە كەزدەسۋ وتكىزدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

كەزدەسۋ بارىسىندا سولتۇستىك ارال جوبالارىن ىسكە اسىرۋ، اۋىل شارۋاشىلىعىن دامىتۋ، سونىڭ ىشىندە سۋارمالى جەرلەردى جاقسارتۋ ماسەلەلەرى تالقىلاندى.

بۇگىندە اۋدان ەكونوميكاسىن دامىتۋ بويىنشا شارالار كەشەنى ىسكە اسىرىلۋدا. ارال اۋدانىنىڭ بيۋدجەتى جەتى ەسەگە ۇلعايتىلدى، سونىڭ ارقاسىندا جاڭا ٴوندىرىس ورىندارى مەن الەۋمەتتىك نىساندار اشىلدى. مەملەكەت باسشىسىنىڭ باستاماسىمەن قۇرىلعان ارالدى قۇتقارۋدىڭ حالىقارالىق قورىنا 25 جىل تولدى. بۇل شەشىم ارال ماڭى تۇرعىندارى ٴۇشىن عانا ەمەس، سونداي-اق بۇكىل ەل ٴۇشىن ماڭىزدى وقيعا بولدى — ارالدىڭ قازاقستاندىق سەكتورى قايتا قالپىنا كەلدى.

قىزىلوردا وبلىسىنىڭ اكىمى ق. كوشەربايەۆ سولتۇستىك ارال جوبالارى تۋرالى تولىعىراق بايانداپ بەردى. اكىمنىڭ ايتۋىنشا، ارالدى قايتا قالپىنا كەلتىرۋگە بايلانىستى ايماق ەكونوميكاسىنىڭ جاقسارۋىنىڭ ارقاسىندا كاسپيي، بالقاش جانە قاپشاعايعا كەتكەن بالىقشىلار وڭىرگە قايتا ورالعان.

قر اۋىل شارۋاشىلىعى مينيسترلىگىنىڭ سۋ رەسۋرستارى كوميتەتىنىڭ ٴتوراعاسى ي. ابىشەۆ سۋارمالى جەرلەردى جاقسارتۋ تۋرالى بايانداما جاسادى.

بۇدان وزگە، ماسەلەنى تالقىلاۋ بارىسىندا ەڭبەك ارداگەرى، قازاق كسر بالىق شارۋاشىلىعىنىڭ بۇرىنعى ٴمينيسترى ق. سارجانوۆ پىكىر ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي