BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت سەنات ٴتوراعالىعىنا قايرات ٴماميدىڭ كانديداتۋراسىن ۇسىندى

استانا. ٴساۋىردىڭ ٴ15-ى. baq.kz – بۇگىن قر پارلامەنتى سەناتىنىڭ جالپى وتىرىسىندا پرەزيدەنت نۇرسۇلتان نازاربايەۆ سەنات ٴتوراعاسى لاۋازىمىنا قايرات ٴماميدىڭ كانديداتۋراسىن ۇسىندى.

قازاقستان رەسپۋبليكاسى پرەزيدەنتىنىڭ 2009 جىلعى 3 ساۋىردەگى جارلىعىمەن قايرات ٴمامي قازاقستان رەسپۋبليكاسى باس پروكۋرورى قىزمەتىنە تاعايىندالعان بولاتىن جانە بۇگىنگە دەيىن وسى قىزمەتتى اتقارىپ كەلەدى.

قايرات ٴابدىرازاق ۇلى ٴمامي 1954 جىلدىڭ 9 مامىرىندا الماتى وبلىسى جامبىل اۋدانىندا دۇنيەگە كەلگەن. 1981 جىلى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن ٴبىتىردى. 1995 جىلى زاڭ عىلىمدارىنىڭ كانديداتى بولدى. 2004 جىلى «قازاقستان رەسپۋبليكاسىنداعى كونستيتۋسيالىق زاڭدىلىق پەن سوت بيلىگى: نەگىزگى تەندەنسيالار مەن باسىمدىقتار» اتتى تاقىرىپتا دوكتورلىق ديسسەرتاسيا قورعادى. پروفەسسور (2005 جىل). 

ەڭبەك جولىن تالىمگەر رەتىندە باستاپ، گۋرەۆ وبلىستىق سوتىنىڭ سۋدياسى، ٴتوراعاسىنىڭ ورىنباسارى، ٴتوراعاسى، قازاقستان رەسپۋبليكاسى جوعارعى سوتىنىڭ مۇشەسى، الماتى قالالىق سوتىنىڭ ٴتوراعاسى، جوعارعى سوتتىڭ قىلمىستىق ىستەر جونىندەگى سوت القاسىنىڭ ٴتوراعاسى، قازاقستان رەسپۋبليكاسى ادىلەت ۆيسە-مينيسترى، قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى، جوعارعى سوتتىڭ ٴتوراعاسى قىزمەتتەرىن اتقاردى. قازاقستان رەسپۋبليكاسى پرەزيدەنتىنىڭ 2009 جىلعى 3 ساۋىردەگى جارلىعىمەن قازاقستان رەسپۋبليكاسى باس پروكۋرورى قىزمەتىنە تاعايىندالدى. 2010 جىلعى 5 مامىردا ٴ1-شى سىنىپتى مەملەكەتتىك ادىلەت كەڭەسشىسى سىنىپتىق شەنى بەرىلدى.

بۇدان بۇرىن حابارلاعانىمىزداي،  قاسىم-جومارت توقايەۆ بۇۇ-نىڭ باس حاتشىسىنىڭ ورىنباسارى، بۇۇ-نىڭ جەنەۆاداعى ٴبولىمىنىڭ باس ديرەكتورى بولىپ تاعايىندالعان بولاتىن. ق. توقايەۆ  وسى لاۋازىمداعى ازيانىڭ تۇڭعىش وكىلى بولىپ وتىر جانە ول رەسەيلىك ديپلومات سەرگەي وردجونيكيدزەنى الماستىرادى. بۇۇ باس حاتشىسىنىڭ جاڭا ورىنباسارى ٴوز لاۋازىم اۋقىمىنىڭ اياسىندا جەنەۆادا جۇمىس ىستەيتىن قارۋسىزدانۋ جونىندەگى كونفەرەنسيانىڭ باس حاتشىسى بولادى.

http://www.bnews.kz/ru/100/nazarbaev-predstavil-novogo-spikera-senata

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي