BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ تامارا دۇيسەنوۆانى قىزمەتىنەن بوساتتى

فوتو: primeminister.kz

نازاربايەۆتىڭ جارلىعىمەن ەڭبەك جانە حالىقتى الەۋمەتتىك قورعاۋ ٴمينيسترى تامارا دۇيسەنوۆا قىزمەتىنەن بوساتىلدى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

ونىڭ ورنىنا پرەزيدەنت ۇلتتىق ەكونوميكانىڭ ۆيسە-مينيسترى بولعان مادينا ٴابىلقاسىموۆانى تاعايىندادى.

ەستەرىڭىزگە سالا كەتسەك، بۇگىن ەلباسى نۇرسۇلتان نازاربايەۆ ۇكىمەتتىڭ كەڭەيتىلگەن وتىرىسى كەزىندە ەڭبەك جانە حالىقتى الەۋمەتتىك قورعاۋ ٴمينيسترى تامارا دۇيسەنوۆاعا ەسكەرتۋ جاساعان بولاتىن.

«بىزگە مىندەتتى الەۋمەتتىك مەديسينالىق ساقتاندىرۋدىڭ ەنگىزىلۋىن كەيىنگە قالدىرۋعا تۋرا كەلدى. بۇنىڭ نەگىزگى سەبەبى ٴوزىن-وزى جۇمىسپەن قامتىعاندار مەن بەيرەسمي جۇمىس ىستەيتىن حالىقتى جۇيەگە تارتۋ پروبلەماسى بولدى. ولار سالىق تولەمەيدى. قىسقاسىن ايتقاندا، «كولەڭكەدە تۇر». مەنىڭ وسى تۋرالى ايتىپ كەلە جاتقانىما كەم دەگەندە بەس جىل بولدى. ناقتى تاپسىرمالار بەردىم. دەگەنمەن، ولارمەن ەشكىم دۇرىستاپ اينالىسپايدى. مەن مينيستر دۇيسەنوۆاعا بىرنەشە رەت ايتقانمىن. تامارا، نە بولدى، ايتشى؟ نەمەسە، وسى جۇمىستان شارشادىڭ با؟» - دەگەن ەدى ۇكىمەتتىڭ كەڭەيتىلگەن وتىرىسىندا نازاربايەۆ.

ٴمادينا ٴابىلقاسىموۆا 1978 جىلى الماتى قالاسىندا دۇنيەگە كەلگەن.

1999 جىلى قازاق مەملەكەتتىك باسقارۋ اكادەمياسىن «حالىقارالىق ەكونوميكالىق قاتىناستار» ماماندىعى بويىنشا بىتىرگەن. 2002 جىلى كولۋمبيا ۋنيۆەرسيتەتىن حالىقارالىق قاتىناستار ماگيسترى دارەجەسىمەن «ەكونوميكالىق ساياساتتى باسقارۋ» ماماندىعى بويىنشا ٴتامامداعان. 2011 جىلى گارۆارد ۋنيۆەرسيتەتىنىڭ كەننەدي اتىنداعى مەملەكەتتىك باسقارۋ مەكتەبىن «مەملەكەتتىك باسقارۋ ماگيسترى» ماماندىعى بويىنشا اياقتاعان.

ٴتۇرلى جىلدارى ستراتەگيالىق جوسپارلاۋ اگەنتتىگىنىڭ باس مامانى، ەكونوميكا جانە بيۋدجەتتىك جوسپارلاۋ مينيسترلىگىنىڭ ستراتەگيالىق جوسپارلاۋ باسقارماسىنىڭ باسشىسى، «ماركەتينگتىك-تالدامالىق زەرتتەۋلەر ورتالىعى» اق مەملەكەتتىك ساياساتتى تالداۋ دەپارتامەنتىنىڭ ديرەكتورى بولىپ ەڭبەك ەتكەن.

2006 – 2008 جىلدارى م. ٴابىلقاسىموۆا قر پرەمەر-مينيسترى كەڭسەسىنىڭ الەۋمەتتىك-ەكونوميكالىق ٴبولىم مەڭگەرۋشىسىنىڭ ورىنباسارى بولعان، ودان كەيىن قر پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى بولىپ تاعايىندالعان.

2011 جىلعى قىركۇيەكتەن 2013 جىلعى اقپانعا دەيىن قر ەكونوميكالىق دامۋ جانە ساۋدا ۆيسە-مينيسترى لاۋازىمىن اتقارعان.

2012 جىلدان باستاپ — دۇنيەجۇزىلىك بانكتىڭ قازاقستانداعى باسقارۋشىسىنىڭ ورىنباسارى.

2013 – 2014 جج. — قر ەكونوميكا جانە بيۋدجەتتىك جوسپارلاۋ ۆيسە-مينيسترى.

2014 جىلدىڭ تامىز ايىنان باستاپ قازىرگى تاڭعا دەيىن قر ۇلتتىق ەكونوميكا ۆيسە-مينيسترى قىزمەتىن اتقارعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي