BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن. نازاربايەۆ انت قابىلداپ، پرەزيدەنتتىك قىزمەتىنە رەسمي كىرىستى

استانا. 8 ٴساۋىر. قازاقپارات - بۇگىن استانادا 2011 جىلدىڭ 3 ساۋىرىندە وتكەن قر پرەزيدەنتىنىڭ كەزەكتەن تىس سايلاۋىندا جاڭا مەرزىمگە قايتا سايلانعان پرەزيدەنت نۇرسۇلتان نازاربايەۆ قازاقستان حالقىنىڭ الدىندا انت قابىلداپ، پرەزيدەنتتىك قىزمەتىنە رەسمي كىرىستى.

ەلباسى نۇرسۇلتان نازاربايەۆتى ۇلىقتاۋ ٴراسىمى استاناداعى تاۋەلسىزدىك سارايىندا ٴوتتى.
قازاقستان رەسپۋبليكاسىنىڭ تۋى مەن قر پرەزيدەنتىنىڭ شتاندارتى، قازاقستان رەسپۋبليكاسىنىڭ كونستيتۋسياسى اكەلىنىپ، قر كونستيتۋسيالىق كەڭەسىنىڭ ٴتوراعاسى يگور روگوۆ كونستيتۋسيانى ارنايى تۇعىرىنا قويدى. نازاربايەۆ مىنگەن سالتاناتتى كولىك كورتەجى ارتيللەريادان جەتى مارتە اتىلعان سالتاناتتى زالپپەن قارسى الىندى. ال تاۋەلسىزدىك سارايىنا  كىرە بەرىستە ن. نازاربايەۆتى رەسپۋبليكالىق ۇلاننىڭ قولباسشىسى گەنەرال-لەيتەنانت تاسبولاتوۆ قارسى الىپ، سالتاناتى راسىمگە دايىندىق تۋرالى راپورت بەردى. ەلباسى سودان كەيىن تاۋەلسىزدىك سارايىنا كىرىپ اتا زاڭىمىزدىڭ 42-بابىنا سايكەس، قازاقستان رەسپۋبليكاسىنىڭ كونستيتۋسياسىن وڭ الاقانىمەن قويىپ تۇرىپ: «قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋسياسى مەن زاڭدارىن قاتال ساقتاۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، قازاقستان رەسپۋبليكاسىنىڭ وزىمە جۇكتەلگەن مارتەبەلى مىندەتىن ادال اتقارۋعا سالتاناتتى تۇردە انت ەتەمىن!"، -دەپ قازاقستان حالقىنا انت بەردى. وسىدان كەيىن قازاقستان رەسپۋبليكاسىنىڭ مەملەكەتتىك ٴانۇرانى ورىندالدى. وسىدان كەيىن ورتالىق سايلاۋ كوميسسياسىنىڭ ٴتوراعاسى قۋاندىق تۇرعانقۇلوۆ نۇرسۇلتان نازاربايەۆقا قر پرەزيدەنتىنىڭ كۇالىگىن سالتاناتتى تۇردە تابىس ەتتى. ٴسويتىپ نۇرسۇلتان نازاربايەۆ جاڭا مەرزىمدەگى پرەزيدەنتتىك قىزمەتىنە رەسمي تۇردە كىرىستى.
پرەزيدەنتتىڭ انت قابىلداۋ راسىمىنە ۇكىمەت مۇشەلەرى، پارلامەنت دەپۋتاتتارى، كونستيتۋسيالىق كەڭەس مۇشەلەرi، جوعارعى سوت سۋديالارى، قازاقستاندا تىركەلگەن شەتكەلدىك ديملوماتيالىق ميسسيالاردىڭ وكىلدەرى قاتىستى. 

http://www.inform.kz/kaz/article/2368433


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي