BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴمامي دە ٴجۇز پايىز داۋىس الدى

استانا. 15 ٴساۋىر. قازاقپارات /قانات مامەتقازى ۇلى/ - بۇگىن قر پارلامەنتى سەناتىنىڭ جالپى وتىرىسىندا مەملەكەت باسشىسى نۇرسۇلتان نازاربايەۆتىڭ ۇسىنىسىمەن قر پارلامەنتى سەناتىنىڭ ٴتوراعاسى بولىپ قايرات ٴمامي سايلاندى.

قازاقستان رەسپۋبليكاسى كونستيتۋسياسىنىڭ 58-بابىنا سايكەس ەلباسى ۇسىنعان سەنات ٴتوراعاسىنىڭ كانديداتۋراسىن پالاتا  دەپۋتاتتارى جاسىرىن داۋىس بەرۋ ارقىلى سايلايدى. سايلاۋعا 44 سەناتور قاتىسىپ، بارلىعى قر پارلامەنتى سەناتىنىڭ ٴتوراعالىعىنا ۇسىنىلعان قايرات ٴماميدىڭ كانديداتۋراسىن جاقتاپ، داۋىس بەردى.

بۇدان بۇرىن حابارلاعانىمىزداي،  بۇگىن قر پارلامەنت سەناتىنىڭ جالپى وتىرىسىندا بىرىككەن ۇلتتار ۇيىمىنىڭ جەنەۆاداعى ٴبولىمىنىڭ باس ديرەكتورى بولىپ تاعايىندالۋىنا بايلانىستى قاسىم-جومارت توقايەۆ قر پارلامەنتى سەناتىنىڭ ٴتوراعاسى قىزمەتىنەن بوساتىلدى. قر ورتالىق سايلاۋ كوميسسياسىنىڭ ٴتوراعاسى قۋاندىق تۇرعانقۇلوۆ قايرات ٴمامي قر پارلامەنتى سەناتىنىڭ دەپۋتاتى بولىپ تاعايىندالعانىن ايتىپ، وعان توسبەلگى مەن سەناتوردىڭ كۋالىگىن تابىس ەتتى. وسى پروسەدۋرادان كەيىن مەملەكەت باسشىسى نۇرسۇلتان نازاربايەۆ سەنات ٴتوراعاسى قىزمەتىنە جاڭادان سەناتور بولىپ تاعايىندالعان قايرات ٴماميدىڭ كانديداتۋراسىن ۇسىندى.

«بۇعان دەيىن ق. ٴمامي مەن تاعايىنداعان بارلىق جەرلەردە ٴوز قىزمەتىن ادال ٴارى ٴادىل اتقاردى، ٴوزىنىڭ كاسىبيلىگىن تانىتتى. سوت كورپۋسى الدىندا دا، سونداي-اق قۇقىق قورعاۋ ورگاندارى الدىنداعى دا ونىڭ بەدەلى جوعارى. جۇكتەلگەن بارلىق مىندەتتەردى جوعارى دەڭگەيدە اتقارادى. سوعان وراي، مەن قايرات ٴابدىرازاق ۇلىن سەنات جۇمىسىن ٴتيىمدى قامتاماسىز ەتەدى جانە وسى لاۋازىمعا لايىق دەپ ەسەپتەيمىن»،-دەدى مەملەكەت باسشىسى.

قازاقستان رەسپۋبليكاسىنىڭ كونستيتۋسياسىنا سايكەس، پارلامەنت سەناتىن مەملەكەتتىك ٴتىلدى ەركىن مەڭگەرگەن ٴوز دەپۋتاتتارىنىڭ اراسىنان جاسىرىن داۋىس بەرۋ ارقىلى پالاتا دەپۋتاتتارى جالپى سانىنىڭ كوپشىلىك داۋىسىمەن سايلانعان ٴتوراعا باسقارادى. سەنات ٴتوراعاسىنىڭ قىزمەتىنە كانديداتۋرانى قازاقستان رەسپۋبليكاسىنىڭ پرەزيدەنتى ۇسىنادى. قازاقستان رەسپۋبليكاسى پرەزيدەنتىنىڭ 2009 جىلعى 3 ساۋىردەگى جارلىعىمەن قايرات ٴمامي قازاقستان رەسپۋبليكاسى باس پروكۋرورى قىزمەتىنە تاعايىندالعان بولاتىن جانە بۇگىنگە دەيىن وسى قىزمەتتى اتقارىپ كەلدى.

قايرات ٴابدىرازاق ۇلى ٴمامي 1954 جىلدىڭ 9 مامىرىندا الماتى وبلىسى جامبىل اۋدانىندا دۇنيەگە كەلگەن. 1981 جىلى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن ٴبىتىردى. 1995 جىلى زاڭ عىلىمدارىنىڭ كانديداتى بولدى. 2004 جىلى «قازاقستان رەسپۋبليكاسىنداعى كونستيتۋسيالىق زاڭدىلىق پەن سوت بيلىگى: نەگىزگى تەندەنسيالار مەن باسىمدىقتار» اتتى تاقىرىپتا دوكتورلىق ديسسەرتاسيا قورعادى. پروفەسسور (2005 جىل). 

ەڭبەك جولىن تالىمگەر رەتىندە باستاپ، گۋرەۆ وبلىستىق سوتىنىڭ سۋدياسى، ٴتوراعاسىنىڭ ورىنباسارى، ٴتوراعاسى، قازاقستان رەسپۋبليكاسى جوعارعى سوتىنىڭ مۇشەسى، الماتى قالالىق سوتىنىڭ ٴتوراعاسى، جوعارعى سوتتىڭ قىلمىستىق ىستەر جونىندەگى سوت القاسىنىڭ ٴتوراعاسى، قازاقستان رەسپۋبليكاسى ادىلەت ۆيسە-مينيسترى، قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى، جوعارعى سوتتىڭ ٴتوراعاسى قىزمەتتەرىن اتقاردى. قازاقستان رەسپۋبليكاسى پرەزيدەنتىنىڭ 2009 جىلعى 3 ساۋىردەگى جارلىعىمەن قازاقستان رەسپۋبليكاسى باس پروكۋرورى قىزمەتىنە تاعايىندالدى. 2010 جىلعى 5 مامىردا ٴ1-شى سىنىپتى مەملەكەتتىك ادىلەت كەڭەسشىسى سىنىپتىق شەنى بەرىلدى.

باستاپقى تاقىرىبى: قر پارلامەنتى سەناتىنىڭ ٴتوراعاسى بولىپ قايرات ٴمامي سايلاندى

http://www.inform.kz/kaz/article/2371146


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي