BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قر كونستيتۋسيالىق كەڭەسى قر پرەزيدەنتىنىڭ وكىلەتتىگىن رەفەرەندۋمدا ۇزارتۋ ماسەلەسى بويىنشا اتا زاڭعا ەنگىزىلگەن وزگەرتۋ مەن تولىقتىرۋدى قر كونستيتۋسياسىنا سايكەس ەمەس دەپ تانىدى

استانا. 31 قاڭتار. قازاقپارات  /قانات مامەتقازى ۇلى/ - قر كونستيتۋسيالىق كەڭەسى قر  پرەزيدەنتىنىڭ وكىلەتتىگىن رەفەرەندۋمدا ۇزارتۋ ماسەلەسى بويىنشا اتا زاڭعا ەنگىزىلگەن وزگەرتۋ مەن تولىقتىرۋدى قر كونستيتۋسياسىنا سايكەس ەمەس دەپ تانىدى. «كونستيتۋسيالىق كەڭەس قر پارلامەتنىنىڭ 2011 جىلعى 14 قاڭتاردا پارلامەنت قابىلداعان قازاقستان رەسپۋبليكاسىنىڭ كونستيتۋسياسىنا وزگەرىس پەن تولىقتىرۋ ەنگىزۋ تۋرالى زاڭدى كونستيتۋسياعا سايكەس ەمەس دەپ تانۋدى قاۋلى ەتەدى»، -دەدى ي. روگوۆ.
ونىڭ تۇسىندىرۋىنشە، كونستيتۋسيالىق كەڭەستىڭ شەشىمىنە سايكەس، كونستيتۋسيا رەسپۋبليكالىق رەفەرەندۋمدى حالىقتىڭ ٴوز بيلىگىن تىكەلەي جۇزەگە اسىرۋىنىڭ نىسانى جانە مەملەكەت ٴومىرىنىڭ اسا ماڭىزدى ماسەلەلەرىن شەشۋدىڭ دەموكراتيالىق ٴادىسى دەپ ايقىندايدى. دەمەك، تۇڭعىش پرەزيدەنتتىڭ - ەلباسىنىڭ پرەزيدەنتتىك وكىلەتتىگىن ۇزارتۋ دا وسىنداي ماسەلە بولۋى مۇمكىن. زاڭدى زەردەلەۋ بارىسىندا كونستيتۋسيالىق كەڭەس بۇل زاڭنىڭ پرەزيدەنتتىڭ وكىلەتتىگىن ۇزارتۋدى كوزدەيتىن نورماسى زاڭدىق تۇرعىدان ٴدال جازىلماعاندىعىن انىقتادى. زاڭنىڭ ٴبىرىنشى تارماعىنان قر تۇڭعىش پرەزيدەنتىنىڭ - ەلباسىنىڭ پرەزيدەنتتىك وكىلەتتىگى قاي مەرزىمگە ۇزارتىلاتىندىعى بايقالمايدى. مۇنداي ۇزارتۋدىڭ ٴبىر جولعى، الدە قايتالاناتىنى سيپاتتا بولاتىنى، نە بولماسا مەملەكەت باسشىسىن سايلاۋدان تولىعىمەن باس تارتۋ كوزدەلەتىنى انىق ەمەس. وسى كونستيتۋسيالىق نورمانىڭ انىق جازىلماۋى كونستيتۋتسيادا كوزدەلگەن. مەملەكەتتىك جانە قوعامدىق ينستيتۋتتاردىڭ پراكتيكا جۇزىندە ۇيلەسپەۋشىلىگىنە اكەپ سوقتىرۋى مۇمكىن. «سوندىقتان، ەل پرەزيدەنتىنىڭ پارلامەنت قابىلداعان زاڭنىڭ كونستيتۋسيالىعىنا كۇمان كەلتىرۋى ابدەن نەگىزدى بولىپ شىقتى دەپ اتاپ وتۋگە بولادى.  كونستيتۋسيالىق كەڭەس بۇل زاڭدى كونستيتۋسياعا سايكەس ەمەس دەپ تاپتى. سوندىقتان بۇل زاڭعا قول قويىلمايتىن جانە ونىڭ قولدانىسقا ەنگىزىلمەيتىندىگىن بىلدىرەدى. سونىمەن بىرگە كونستيتۋسياعا سايكەس قازاقستان رەسپۋبليكاسىنىڭ پرەزيدەنتى كونستيتۋسيالىق كەڭەستىڭ شەشىمىنە 1 اي ىشىندە قارسىلىق بىلدىرۋگە قۇقىلى ەكەندىگىن نازاردا ۇستاۋ كەرەك»،-دەدى كونستيتۋسيالىق كەڭەستىڭ ٴتوراعاسى يگور روگوۆ. ەستەرىڭىزگە سالايىق، 2011 جىلعى 17 قاڭتاردا قر كونستيتۋسيالىق كەڭەسى قر پرەزيدەنتىنىڭ قر پارلامەنتى قابىلداعان «قر كونستيتۋسياسىنا وزگەرىس پەن تولىقتىرۋ ەنگىزۋ تۋرالى» قر زاڭىنىڭ كونستيتۋسياعا سايكەستىگىن قاراۋ تۋرالى ٴوتىنىشىن وندىرىسكە الدى. قر تۇڭعىش پرەزيدەنتى - ەلباسى ن. نازاربايەۆتىڭ پرەزيدەنتتىك وكىلەتتىگىن رەفەرەندۋمدا ۇزارتۋ مۇمكىندىگىن كوزدەيتىن بۇل زاڭ پارلامەنت پالاتالارىنىڭ بىرلەسكەن وتىرىسىندا 14 قاڭتاردا قابىلدانعان بولاتىن. سول كۇنى مەملەكەت باسشىسى زاڭنىڭ كونستيتۋسياعا سايكەستىگىن قاراۋ تۋرالى ٴوتىنىشتى كونستيتۋسيالىق كەڭەسكە جولداعان. زاڭنىڭ وزەكتىلىگىن جانە قوعامدىق ساياسي تۇرعىدان ماڭىزدىلىعىن ەسكەرە وتىرىپ، كونستيتۋسيالىق كەڭەس اتالعان ٴوتىنىشتى 17 قاڭتاردا ٴوزىنىڭ وتىرىسىندا قاراپ، ٴىس جۇرگىزۋگە قابىلداعان بولاتىن. كونستيتۋسياعا سايكەس، كونستيتۋسيالىق ٴىس جۇرگىزۋدىڭ باستالۋى پارلامەنت قابىلداعان زاڭعا قول قويۋ ٴۇشىن مەملەكەت باسشىسىنا بولىنگەن 1 ايلىق مەرزىمدى توقتاتا تۇرادى. سونداي-اق كونستيتۋسيالىق كەڭەس رەسپۋبليكا پرەزيدەنتىنىڭ ٴوتىنىشىن قاراپ شىعىپ، ونىڭ ٴمان-جايى بويىنشا 1 اي مەرزىم ىشىندە قورىتىندى شەشىم شىعارۋى ٴتيىس. «قر كونستيتۋسيالىق كەڭەسى قر پرەزيدەنتىنىڭ پارلامەنت قابىلداعان «قر كونستيتۋسياسىنا وزگەرىس پەن تولىقتىرۋ ەنگىزۋ تۋرالى» زاڭىنىڭ كونستيتۋسياعا سايكەستىگىن قاراۋ تۋرالى ٴوتىنىشىن قاراپ، ٴبىر اي مەرزىمى ىشىندە قورىتىندى شىعاراتىن بولادى»، - دەپ اتاپ كورسەتكەن بولاتىن 17 قاڭتاردا مەملەكەت باسشىسىنىڭ وتىنىشىنە بايلانىستى وتكەن قر كونستيتۋسيالىق كەڭەس مۇشەلەرىنىڭ وتىرىسىندا قر كونستيتۋسيالىق كەڭەسى ٴتوراعاسىنىڭ مىندەتىن اتقارۋشى نيكولوي بەلورۋكوۆ. «كونستيتۋسيالىق كەڭەس 17 قاڭتاردا ەلباسىنىڭ ٴوتىنىشىن وندىرىسكە العاننان كەيىن، مەملەكەتتىك ورگانداردىڭ وكىلدەرى اراسىنان كونستيتۋسيالىق ٴىس جۇرگىزۋگە قاتىسۋشىلار توبىن ايقىنداۋ، سونداي-اق قاجەتتى قۇجاتتار مەن وزگە دە ماتەريالداردى جيناقتاۋ جانە زەردەلەۋ جونىندەگى دايىندىق جۇمىسىن باستادى. بۇدان بولەك، ٴوتىنىشتى قاراۋعا ٴارتۇرلى كاسىپ وكىلدەرىنىڭ كەڭىنەن قاتىسۋىن جانە ولاردىڭ پىكىرلەرى تالدانۋىن قامتاماسىز ەتۋ ماقساتىندا وتاندىق جانە شەتەلدىك ەڭ بىلىكتى ساراپشىلار قاتىستىرىلاتىن بولادى.  ەلىمىزدىڭ نەگىزگى زاڭىنا سايكەس، كونستيتۋسيالىق كەڭەس رەسپۋبليكا پرەزيدەنتىنىڭ ٴوتىنىشىن قاراپ شىعىپ، ونىڭ ٴمان-جايى بويىنشا ٴبىر اي مەرزىمى ىشىندە قورىتىندى شەشىم شاعاراتىن بولادى»، - دەپ اتاپ كورسەتكەن بولاتىنن. بەلورۋكوۆ. قر كونستيتۋسيفلىق كەڭەستىڭ 17 قاڭتاردا تاراتقان  ٴباسپاسوز بايانىندا اتاپ كورسەتىلگەنىندەي، ەلباسى ۇندەۋىن قاراۋعا قابىلداعانننا كەيىن مەملەكەتتىك  ورگانداردىڭ  وكىلدەرىنىڭ قاتارىنان كونستيتۋسيالىق   وندىرىسكە  قاتىسۋشىلاردى انىقتاۋ، قاجەتتى    قۇجاتتار  مەن باسقا دا ماتەريالداردى   جيناۋ جانە زەردەلەۋ جونىندەگى   دايىندىق جۇمىستارى باستالعان.  بۇل جۇمىسقا  ەڭ بىلىكتى      وتاندىق  جانە  شەتەلدىك ساراپشىلار تارتىلعان. http://www.inform.kz/kaz/article/2346364

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي