BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوجامجاروۆ تمد باس پروكۋرورلارىنىڭ ۇيلەستىرۋ كەڭەسىنە قاتىستى 

فوتو: интернеттен

قازاقستان رەسپۋبليكاسىنىڭ باس پروكۋرورى قايرات قوجامجاروۆ دۋشانبە قالاسىندا (تاجىكستان رەسپۋبليكاسى) وتكەن تمد قاتىسۋشى مەملەكەتتەردىڭ باس پروكۋرورلارى ۇيلەستىرۋ كەڭەسىنىڭ 28-وتىرىسىنا قاتىستى، دەپ حابارلايدى baq.kz اقپارات اگەنتتىگى.

ۇيلەستىرۋ كەڭەسىنىڭ الاڭى – زاڭدىلىقتىڭ جاي-كۇيىندەگى پروبلەمالاردى، قىلمىسپەن كۇرەس جانە قۇقىقتىق ٴتارتىپتى كۇشەيتۋدەگى جاڭا ادىس-تاسىلدەردى تالقىلاۋعا ٴتيىمدى.

جىل سايىن وتىرىستارعا تمد مەملەكەتتەرىنىڭ – رەسەيدىڭ، بەلارۋس، تاجىكستان، وزبەكستان، قىرعىزستان، ارمەنيا، ازەربايجان جوعارى قاداعالاۋ ورگاندارىنىڭ باسشىلارى قاتىسادى.

بيىل شاقىرىلعان قوناق رەتىندە ساۋد ارابياسى كورولدىگىنىڭ باس پروكۋرورى كەلدى.

قازاقستاندىق دەلەگاسيا شەتەلدىك ارىپتەستەرىنە قۇقىق قورعاۋ جۇيەسىن سيفرلاندىرۋ جانە پروكۋرورلىق قاداعالاۋعا it-تەحنولوگيالارىن ەنگىزۋ جۇمىستارىمەن تانىستىردى.

«قازىرگى كەزدە پرەزيدەنت ن.نازاربايەۆتىڭ تاپسىرماسى بويىنشا سيفرلىق تەحنولوگيالاردى ەنگىزە وتىرىپ، قىلمىستىق پروسەستى رەفورمالاۋدى جالعاستىرىپ جاتىرمىز. باس پروكۋراتۋرا بۇل جۇمىستى ۇيلەستىرەدى. پروكۋرورلىق قاداعالاۋ دا بەلسەندى تۇردە ەلەكتروندى فورماتقا اۋىستىرىلۋدا»، - دەپ اتاپ ٴوتتى قوجامجاروۆ.

قازاقستاننىڭ قىلمىستىق ىستەردى ەلەكتروندى فورماتتا تەرگەپ-تەكسەرۋ، اكىمشىلىك ٴىس جۇرگىزۋ جانە وتىنىشتەردى قاراۋدى سيفرلاندىرۋ، تەكسەرۋلەردى اۆتوماتتاندىرۋ، سونداي-اق تالداۋ جانە اقپاراتتىق جۇيەلەردى قولدانۋ جونىندەگى تاجىريبەسى ايرىقشا قىزىعۋشىلىق تۋدىردى.

بۇگىنگى كۇنى 7 مىڭنان استام ٴىس ەلەكتروندى فورماتتا تەرگەپ-تەكسەرىلۋدە، ونىڭ جارتىسى سوتقا جولدانعان. سوت ەكى مىڭنان استامىن قارادى.

ق. قوجامجاروۆ شانحاي ىنتىماقتاستىق ۇيىمىنا قاتىسۋشى مەملەكەتتەر باس پروكۋرورلارىنىڭ وتىرىسىنا قاتىستى.

سونىمەن قاتار، قازاقستان دەلەگاسياسىنىڭ دۋشانبە قالاسىنا (تاجىكستان رەسپۋبليكاسى) جاساعان ساپارى اياسىندا قازاقستاننىڭ باس پروكۋرورى قايرات قوجامجاروۆ شانحاي ىنتىماقتاستىق ۇيىمىنا قاتىسۋشى مەملەكەتتەر باس پروكۋرورلارىنىڭ 16-وتىرىس جۇمىسىنا قاتىستى.

جيىنعا شىۇ مەملەكەتتەرى – رەسەي، قىتاي، ٴۇندىستان، قىرعىزستان، تاجىكستان، وزبەكستاننىڭ، سونداي-اق باقىلاۋشى مەملەكەتتەر مەن ديالوگ بويىنشا سەرىكتەستەردىڭ جوعارى قاداعالاۋ ورگاندارىنىڭ باسشىلارى جينالدى.

قاتىسۋشىلار تەرروريزم مەن ەكسترەميزمگە قارسى ٴىس-قيمىل بويىنشا تاجىريبەلەرىمەن ٴبولىستى، اقپارات الماسۋ جانە ىنتىماقتاستىقتى ودان ٴارى كەڭەيتۋ ماسەلەلەرىن تالقىلادى.

ق. قوجامجاروۆ قازاقستان پرەزيدەنتى ن. نازاربايەۆتىڭ بيىلعى جىلدىڭ قاڭتار ايىندا بۇۇ الاڭىندا ۇسىنعان تەرروريزمنەن ازات بەيبىتشىلىككە قول جەتكىزۋ جونىندەگى كودەكستى قابىلداۋ تۋرالى باستاماسىن ەرەكشە اتاپ ٴوتتى.

باس پروكۋرور اتالعان كەزدەسۋلەردىڭ تيىمدىلىگى مەن ماڭىزدىلىعىن ايتىپ، ەلىمىزدەگى شارالارعا جەكە توقتالدى.

بۇگىندە قازاقستان 16 حالىقارالىق امبەباپ كونۆەنسيا مەن حاتتاماعا قوسىلدى. ەلدە 24 ۇيىم سوت تارتىبىمەن تەرروريستىك جانە ەكسترەميستىك دەپ تانىلدى، ولاردىڭ جۇمىسىنا تىيىم سالىندى.

«تەرروريستىك ٴقاۋىپتىڭ جاھاندىق سيپاتىن تۇسىنە وتىرىپ جانە وعان تولىقتاي توزبەۋشىلىك كورسەتۋ ارقىلى، ٴبىزدىڭ كوپجاقتى ٴوزارا ٴىس-قيمىلدى كۇشەيتۋ قاجەت»، - دەگەن وي ٴبىلدىردى باس پروكۋرور.

كيبەرتەرروريزم كورىنىستەرىنىڭ ارتۋىن ەسكەرە كەلە، ق. قوجامجاروۆ شىۇ شەڭبەرىندە ينتەرنەت كەڭىستىكتەگى تەرروريزمگە قارسى ٴىس-قيمىل بويىنشا بىرلەسكەن قۇقىقتىق قۇجاتتى قابىلداۋ تۋرالى ۇسىنىس جاسادى.

تالقىلاۋ قورىتىندىسى بويىنشا تاراپتار ەكسترەميزم، تەرروريزم جانە سەپاراتيزمگە، زاڭسىز ەسىرتكى اينالىمىنا، ادام ساۋداسىنا، ەكسترەميزم مەن تەرروريزمدى قارجىلاندىرۋ ٴۇشىن قىلمىستىق جولمەن الىنعان كىرىستى زاڭداستىرۋعا قارسى كۇرەس بويىنشا شىۇ قاتىسۋشى مەملەكەتتەر پروكۋراتۋرالارىنىڭ كۇش-جىگەرىن بىرىكتىرۋگە ۋاعدالاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي