BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان تاۋەلسىزدىك جولىندا بارلىق قيىندىقتاردى جەڭىپ شىقتى – پروفەسسور

استانا، baq.kz. بوسنيا مەن گەرسەگوۆينا استاناسى سارايەۆو قالاسىندا بوسنيالىق تىلدە باسىلىپ شىققان نۇرسۇلتان نازاربايەۆتىڭ «تاۋەلسىزدىك ٴداۋىرى» كىتابىنىڭ تۇساۋكەسەرى ٴوتتى.

قازاقستاننىڭ حورۆاتيادا، بوسنيا مەن گەرسەگوۆينادا جانە چەرنوگورياداعى ەلشىلىگىنىڭ ۇيىمداستىرعان ٴىس-شاراسىنا الەۋمەتتىك-ساياسي، ىسكەرلىك جانە اكادەميالىق توپتاردىڭ وكىلدەرى، ديپلوماتتار مەن جۋرناليستەر، سونداي-اق ستۋدەنتتەر مەن جاستار قاتىستى.

تۇساۋكەسەردى اشقان قازاقستاننىڭ ەلشىسى تولەجان بارلىبايەۆ «تاۋەلسىزدىك ٴداۋىرى» كىتابى تاۋەلسىز قازاقستاننىڭ قۇرىلۋىنىڭ بارلىق ساتىلارىنىڭ ىرگەلى جانە جان-جاقتى سيپاتتاماسىن، مەملەكەتتىك رەفورمالاردىڭ اۋقىمىن جانە تەرەڭدىگىن كورسەتىپ، قازاقستاننىڭ بىرەگەي جانە ٴساتتى دامۋ مودەلىن قۇرۋداعى ەڭ كۇردەلى مىندەتتەردى ەڭسەرۋ ەكەنىن اتاپ ٴوتتى. ديپلومات ٴوزىنىڭ قۇرۋشىسى جانە ساۋلەتشىسى بولىپ تابىلاتىن نۇرسۇلتان نازاربايەۆ جازعان تاۋەلسىزدىك شەجىرەسى كوپتەگەن وقىرماندارعا قىزىعۋشىلىق تۋعىزاتىنىنا سەنىم ٴبىلدىردى.

باسىلىمنىڭ اۋدارماسىن رەداكسيالاعان بوسنيالىق قوعام قايراتكەرى، پروفەسسور حيلميا بايگوريچ «تاۋەلسىزدىك ٴداۋىرى» كىتابىنىڭ مازمۇنى مەن قازاقستان رەسپۋبليكاسىنىڭ كوشباسشىسىنىڭ قىزمەتىنە دەگەن تاڭدانىسىن جاسىرا المادى.

«پرەزيدەنت ن.نازاربايەۆ كۇردەلى تاريحي داعدارىس كەزەڭىندە جەتەكشىلىك ەتتىپ، الايدا، قىيندىقتارعا قاراماستان، ەلدەگى جاعدايدى تۇبەگەيلى وزگەرتەتىن كەڭ اۋقىمدى ساياسي جانە ەكونوميكالىق رەفورمالاردى باستاپ، ولاردى تابىستى جۇزەگە اسىردى»، - دەپ اتاپ ٴوتتى ول.

قازاقستان كوشباسشىسىنىڭ ەڭ ماڭىزدى ىزگىلىگىنىڭ ٴبىرى رەتىندە، عالىمنىڭ ايتۋىنشا، ونىڭ ەل تاعدىرى مەن حالقىنا بايلانىستى جاۋاپكەرشىلىگى.

«نۇرسۇلتان نازاربايەۆتىڭ جانە وعان ۇلكەن سەنىم ارتقان قازاقستاندىقتاردىڭ ارقاسىندا، قازاقستان تاۋەلسىزدىك جولىندا بارلىق قيىندىقتاردى جەڭىپ شىقتى، كوپۇلتتى قوعامدا بەيبىتشىلىك پەن كەلىسىمدى ساقتاپ قالدى»، - دەپ پروفەسسور ٴوز پىكىرىن ٴبىلدىردى.

سونىمەن قاتار، كىتاپتى جارىققا شىعارۋعا ات سالىسقان قازاقستان رەسپۋبليكاسىنىڭ بوسنياداعى قۇرمەتتى كونسۋلى امەل ديزدارەۆيچتە قازاقستاننىڭ كوشباسشىسىنىڭ جاڭا مەملەكەتتىڭ قۇرىلىسىنا قوسقان تاريحي ۇلەسىن جوعارى باعالادى. نۇرسۇلتان نازاربايەۆ جاۋاپكەرشىلىكتىڭ بارلىق اۋىرتپالىعىن وزىنە الىپ، قازاق حاندىعىنىڭ نەگىزىن قالاۋشىلارى جانىبەك پەن كەرەي سەكىلدى قازاقستان حالقىن جارقىن بولاشاققا شيراق قاداممەن باستادى. قازاقستان كوشباسشىسى قازاق حالقىنىڭ جاڭا تاريحىنىڭ اۆتورى رەتىندە، ٴحح-ححى عاسىرداعى ەڭ كورنەكتى الەمدىك ساياسي كوشباسشىلاردىڭ ٴبىرى جانە «تاۋەلسىزدىك ٴداۋىرىنىڭ» كىتابىن جاريالاۋعا قاتىسقانى ٴۇشىن ماقتان تۇتاتىنىن، سونىمەن بىرگە، قازاقستاندا تۇرعان كەزىندە ٴومىردىڭ جەكە اسەرلەرى مەن ەلدەگى بولعان اۋقىمدى وزگەرىستەرىن تەرەڭ تۇسىنگەنى تۋرالى باياندادى.

بوسنيا جانە گەرسەگوۆينا تۇڭعىش پرەزيدەنتى مۋزەيىندە وتكەن «تاۋەلسىزدىك ٴداۋىرى» كىتابىنىڭ تۇساۋكەسەرى قوعام مەن بۇقارالىق اقپارات قۇرالدارىنىڭ اراسىندا كەڭ كولەمدە رەزونانسقا يە بولدى. قازاقستان ەلشىلىگى كىتاپتىڭ سىيلىق باسىلىمدارىن بوسنيا جانە گەرسەگوۆيناداعى قوعامدىق جانە ۋنيۆەرسيتەتتىك كىتاپحانالارىنا جولدايتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي