BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى شالعاي اۋىلدارعا حقو-لاردىڭ "ٴوزى باراتىن" بولدى

استانا. 13 ٴساۋىر. قازاقپارات /قانات مامەتقازى ۇلى/ - حالىققا قىزمەت كورسەتۋ ورتالىقتارى جانىنان شالعاي اۋىلدارعا بارىپ قىزمەت كورسەتەتىن «ۇتقىر كەڭسەلەر» اشىلادى.

بۇگىن قر پارلامەنتى ٴماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىققا قىزمەت كورسەتۋ ورتالىقتارىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ بارىسىندا بايلانىس جانە اقپارات ٴمينيسترى اسقار جۇماعاليەۆ وسىلاي ٴمالىم ەتتى.

«جالپى شالعايداعى اۋىلدان اۋدانداعى حالىققا قىزمەت كورسەتۋ  ورتالىعىنا جەتۋ ٴۇشىن قاراپايىم حالىقتىڭ قالتاسىنا ٴبىرشاما سالماق تۇسەدى. ماسەلەن، جول قاتىناسى، انىقتامالار الۋعا قاتىستى باسقا دا قىزمەتتەردى قوسا ەسەپتەگەندە مەملەكەتتىك قىزمەتتى جۇزەگە اسىرۋ بارىسىندا ٴبىر ادامعا 7 مىڭ تەڭگەدەن استام شىعىن كەتەدى ەكەن. سوندىقتان دا، ٴبىز قاراپايىم حالىقتىڭ قالتاسىنا سالماق سالماۋ ٴۇشىن «ۇتقىر قىزمەت كورسەتۋ» جۇمىسىن قالىپتاستىراتىن بولامىز. بۇل رەتتە حالىققا قىزمەت كورسەتۋ ورتالىعىنىڭ  «ۇتقىر كەڭسەسى»  قۇرىلىپ، اپتانىڭ بەلگىلى ٴبىر كۇنىندە اۋىلداردى ارالىپ، حالىقتىڭ قاجەتتى ارىزدارىن، وتىنىشتەرىن جيناپ، سودان كەيىن بارلىق ۇدەرىستەردى جەرگىلىكتى ورىنداردا اتقارىپ، كەيىننەن انىقتاماسىن دا اۋىلعا اپارىپ تاراتاتىن بولادى. وسى باعىتتاعى جوسپارىمىز بارشىلىق»، - دەدى مينيستر ا. جۇماعاليەۆ. ونىڭ ايتۋىنشا، «ۇتقىر كەڭسەلەرگە» قاتىستى اكىمدىكتەر دە قولداۋ بىلدىرگەن. ەندى بيۋدجەتتەن ارنايى قاراجات بولىنسە، جوبا ىسكە اسپاق.

ەستەرىڭىزگە سالا كەتەيىك، ٴماجىلىس دەپۋتاتتارى باستاماشى بولعان زاڭ جوباسى بويىنشا حالىققا قىزمەت كورسەتۋ ورتالىقتارى اكىمدىكتەر قاراماعىنان الىنىپ، بايلانىس جانە اقپارات مينيسترلىگىنىڭ قاراماعىنا وتەتىن بولادى. توقتالا كەتەتىن جايت، حالىققا قىزمەت كورسەتۋ ورتالىقتارى 2005-2009 جىلدار ارالىعىندا ادىلەت مينيسترلىگىنىڭ قۇزىرىندا بولىپ كەلگەن ەدى. 2010 جىلى ورتالىقتار جەرگىلىكتى اتقارۋشى ورگانداردىڭ قاراماعىنا وتكەن بولاتىن.

http://www.inform.kz/kaz/article/2370285


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي