BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا قر پرەزيدەنتى ن. نازاربايەۆتى ۇلىقتاۋ ٴراسىمى باستالدى

 استانا. 8 ٴساۋىر. قازاقپارات / قانات مامەتقازى ۇلى/  - بۇگىن استاناداعى تاۋەلسىزدىك سارايىندا 2011 جىلدىڭ 3 ساۋىرىندە وتكەن قر پرەزيدەنتىنىڭ كەزەكتەن تىس سايلاۋىندا قايتا سايلانعان پرەزيدەنت نۇرسۇلتان نازاربايەۆتى ۇلىقتاۋ ٴراسىمى باستالدى. پرەزيدەنت كورتەجى اقورداداعى رەزيدەنسيادان شىعىپ، «قازاق ەلى» مونۋمەنتىنە قاراي بەت الدى.

ن. نازاربايەۆتى ۇلىقتاۋ راسىمىنە  ۇكىمەت مۇشەلەرى، پارلامەنت دەپۋتاتتارى، كونستيتۋسيالىق كەڭەس مۇشەلەرi، جوعارعى سوت سۋديالارى، قازاقستاندا تىركەلگەن ديپلوماتيالىق كورپۋس وكىلدەرى جانە باسقا دا شاقىرىلعان قوناقتار قاتىسۋدا. سالتاناتتى ٴىس-شارانىڭ حاتتامالىق شارالارىن رەسپۋبليكالىق ۇلاننىڭ استانا قالاسىندا ورنالاسقان 0112 اسكەري ٴبولىمىنىڭ جەكە قۇرامى قامتاماسىز ەتەدى.  شۇعىل ماقساتتاعى باتالوننىڭ جاۋىنگەرلەرى دە ەلباسىن ۇلىقتاۋ راسىمىنە جۇمىلدىرىلعان، ولار پرەزيدەنت الدىندا بولاتىن سالتاناتتى شەپ تۇزەۋگە قاتىسادى. ۇلىقتاۋ ٴراسىمىن «قازاق ەلى» مونۋمەنتىنىڭ الدىنا جينالعان استانا تۇرعىندارى مەن قالا قوناقتارى دا تاماشالاۋدا.

 ەستەرىڭىزگە سالا كەتەيىك،  قر ورتالىق سايلاۋ كوميسسياسىنىڭ 5 ساۋىردە جاريالاعان ناقتى قورىتىندىسى بويىنشا 2011 جىلدىڭ 3 ساۋىرىندە وتكەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا مەملەكەت باسشىسى نۇرسۇلتان نازاربايەۆ سايلاۋشىلاردىڭ 95،55 پايىز داۋىسىن الىپ، جەڭىسكە جەتتى. وسك -نىڭ مالىمەتتەرى بويىنشا نۇرسۇلتان نازاربايەۆقا سايلاۋعا قاتىسقان 8 ميلليون 279 مىڭ 676 سايلاۋشىنىڭ 7 ملن.  850 مىڭ ٴ958-ى داۋىس بەرگەن. ال وسك-نىڭ 6 ساۋىردە وتكەن ٴماجىىسىنىڭ بارىسىندا ن.نازاربايەۆتى قر پرەزيدەنتى ەتىپ تىركەۋ، سونداي-اق وعان قر پرەزيدەنتىنىڭ جاڭا كۋالىگى مەن ومىراۋ بەلگىسىن تابىس ەتۋ تۋرالى قاۋلى قابىلداندى.

 بۇگىنگى 8 ساۋىردەگى يناۋگۋراسيا - تاۋەلسىز قازاقستان تاريحىنداعى ٴتورتىنشى ۇلىقتاۋ ٴراسىمى. تاۋەلسىز قازاقستاننىڭ تۇڭعىش پرەزيدەنتى 1991 جىلى  العاش رەت انت بەرگەن بولاتىن. ول سالتاناتتى ٴراسىم 10 جەلتوقساندا الماتىداعى رەسپۋبليكا سارايىندا ٴوتتى. سونىمەن قاتار 1999 جىلى 10 قاڭتاردا وتكەن ەكىنشى جالپىحالىقتىق سايلاۋدا دا جەڭىسكە جەتكەن ن. نازاربەۆ قازاقستان رەسپۋبليكاسىنىڭ كونستيتۋسياسىنا الاقانىن قويىپ تۇرىپ انت بەردى. ال سودان كەيىن 2005 جىلى 4 جەلتوقساندا وتكەن ٴۇشىنشى جالپىحالىقتىق سايلاۋدىڭ ناتيجەسى بويىنشا تاعى دا حالىق سەنىمىن ارقالاعان ەلباسىنىڭ ۇلىقتاۋ سالتاناتى 2006 جىلعى 11 قاڭتاردا اقوردادا وتكەن بولاتىن. ول يناۋگۋراسياعا الەمنىڭ 70-تەن استام مەملەكەتىنەن كەلگەن جوعارى لاۋازىمدى تۇلعالار قاتىستى.

http://www.inform.kz/kaz/article/2368419


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي