BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىز بۇۇ-دا يران يادرولىق باعدارلاماسىن رەتتەۋ جوسپارىن قولداۋدى جالعاستىرادى

استانا، baq.kz. قازاقستان يراننىڭ يادرولىق باعدارلاماسىنا قاتىستى جان-جاقتى قامتىلعان بىرلەسكەن ٴىس-قيمىلدار جوسپارىن (ٴجقبىج) ايماقتاعى يادرولىق قاۋىپسىزدىكتى قامتاماسىز ەتۋدىڭ ٴتۇيىندى قۇجاتى رەتىندە قاراستىرادى. بۇل جونىندە قازاقستاننىڭ بۇۇ جانىنداعى تۇراقتى وكىلى قايرات وماروۆ بۇۇ قاۋىپسىزدىك كەڭەسىنىڭ اشىق وتىرىسىندا جاريا ەتتى.

بۇۇ قاۋىپسىزدىك كەڭەسى 12 جەلتوقساندا بۇۇ باس حاتشىسىنىڭ 2231 قارارىنىڭ ورىندالۋى تۋرالى التىنشى جارتىجىلدىق بايانداماسىن قاراستىردى. باياندامانىڭ نەگىزگى مازمۇنىمەن كەڭەس مۇشەلەرىن بۇۇ باس حاتشىسىنىڭ ساياسي ماسەلەلەر جونىندەگى ورىنباسارى روزماري ديكارلو تانىستىردى. وتىرىسقا اقش مەملەكەتتىك حاتشىسى مايكل پومپەو قاتىستى.

«قازاقستان پرەزيدەنتى نۇرسۇلتان نازاربايەۆتىڭ بۇۇ قاۋىپسىزدىك كەڭەسىنە ارناعان ساياسي جولداۋىندا اتالعانداي، قازاقستان يران يادرولىق باعدارلاماسى توڭىرەگىندەگى احۋالدى رەتتەۋ بويىنشا بىرلەسكەن ٴىس-قيمىلدار جوسپارىنا جانە ونىڭ ودان ٴارى جۇزەگە اسىرىلۋىنا ٴوز قولداۋىن جالعاستىرىپ كەلەدى. ٴبىز بۇل قۇجاتتىڭ ايماقتاعى بەيبىتشىلىك پەن تۇراقتىلىقتى ساقتاپ قالۋداعى ماڭىزدى ٴرولىن، سونداي-اق يراننىڭ ٴتۇرلى سالالارداعى ىنتىماقتاستىعىنىڭ جاڭا كەلەشەگى ٴۇشىن ماڭىزى زور ەكەندىگىنە سەنىمدىمىز»، - دەدى ق. وماروۆ.

بۇۇ باس حاتشىسىنىڭ بايانداماسىندا: «ٴجقبىج- يادرولىق قارۋدى تاراتپاۋ سالاسىنداعى ماڭىزدى جەتىستىك، ٴارى ديالوگ پەن ديپلوماتيا تيىمدىلىگىنىڭ كورنەكتى دالەلى» - دەلىنگەن. قازاقستان وسى كەلىسسوزدەر ۇدەرىسىنە 2013 جىلى الماتىدا ەكى سىندارلى كەزدەسۋلەر ۇيىمداستىرۋ ارقىلى تاريحي كەلىسىمگە قول جەتكىزۋگە ٴوز ۇلەسىن قوسقانىن ماقتان تۇتادى.

قازاقستاندىق دەلەگاسيا باسشىسى كەلىسىمنىڭ ىسكە اسىرىلۋىنان ونىڭ بارلىق تاراپتارى پايداسىن كورۋى ٴتيىس دەگەن بۇۇ باس حاتشىسىنىڭ ۇندەۋىن قولداپ ٴوتتى. سونىمەن قاتار، كەلىسىم تاراپتارىنىڭ ٴوز ەكونوميكالىق وپەراتورلارىنا يرانمەن زاڭدى ىنتىماقتاستىعىن بۇۇ قاۋىپسىزدىك كەڭەسى قارارىنىڭ تالاپتارى اياسىندا جۇزەگە اسىرۋ بوستاندىعىن قامتاماسىز ەتۋ ۇمتىلىستارىنا دا پىكىرلەستىگىن ٴبىلدىردى.

ق. وماروۆ قازاقستاننىڭ گەوگرافيالىق جاعدايى مەن ترانزيتتىك الەۋەتىن ەسكەرە وتىرىپ، ايماقتىڭ بارلىق ەلدەرىمەن بەلسەندى ارىپتەستىكتى دامىتۋداعى زاڭدى مۇددەلەرىنە نازار اۋداردى. ٴجقبىج-نىڭ ورىندالۋىنىڭ ارقاسىندا ايماقتاعى ساۋدا-ەكونوميكالىق ىنتىماقتاستىق پەن دامۋدىڭ ايتارلىقتاي جاندانا ٴتۇسۋى اتاپ ٴوتىلدى.

«قازاقستان جان-جاقتى قامتىلعان بىرلەسكەن ٴىس-قيمىلدار جوسپارى مەن 2231 قارارىنىڭ تاراتپاۋ رەجيمىن نىعايتۋعا جانە ايماقتاعى تۇراقتىلىق پەن بەيبىتشىلىكتى قامتاماسىز ەتۋگە ودان ٴارى ۇلەسىن قوسا بەرەدى دەگەن ۇمىتپەن قاۋىپسىزدىك كەڭەسىندەگى ٴوز جۇمىسىن اياقتاۋ ۇستىندە»، - دەدى قر ەلشىسى ٴوز سوزىندە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي