BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەلباسىمەن بىرگە – ەل ٴۇشىن»

«نۇر وتان» پارتياسى جانىنداعى «جاس وتان» جاستار قاناتىنىڭ ۇيىتقى بولۋىمەن 200-دەن استام جاستار ۇيىمدارىنىڭ 3 مىڭ مۇشەسى جانە روزا رىمبايەۆا باستاعان قازاق ەستراداسىنىڭ انشىلەرى مەملەكەت باسشىسى نۇرسۇلتان نازاربايەۆتىڭ وكىلەتتىلىگىن 2020 جىلعا دەيىن ۇزارتۋ جونىندەگى رەسپۋبليكالىق رەفەرەندۋمعا قولداۋ كورسەتىپ، «ەلباسىمەن بىرگە - ەل ٴۇشىن!» دەگەن اتپەن پاتريوتتىق فورۋم وتكىزدى.
 «ەلباسى - قازاقستان، قازاقستان - «جاس وتان» دەپ ۇرانداتقان قوعامنىڭ قوزعاۋشى كۇشتەرى قازاقستاندىق پاتريوتيزم مەن وتانسۇيگىشتىكتى ناسيحاتتاپ، ەلباسىنىڭ جاستارعا تيگىزىپ وتىرعان شاراپاتىنا ريزاشىلىقتارىن ٴبىلدىردى. سارابدال ساياسات پەن كەمەڭگەر وي يەسىنىڭ بارلىق باستامالارىن قۇپ كورەتىندىكتەرىن جايىپ سالعان جاستار ەلباسىعا سەنەتىندىكتەرىن جانە قازاقستاننىڭ تىزگىنى تۇڭعىش پرەزيدەنتتىڭ قولىندا بولعاندىعىن قالايتىندىقتارىن جەتكىزدى. فورۋم بارىسىندا قازاقستان جاستار كونگرەسى مەن «جۇلدىز» رەسپۋبليكالىق وداعىنىڭ مۇشەلەرى پرەزيدەنت نۇرسۇلتان نازاربايەۆ جاساعان قازاقستاننىڭ ۇزاق مەرزىمدى ستراتەگياسى ەلدىڭ جارقىن بولاشاعى مەن كەمەل كەلەشەگىنە كەپىل بولاتىندىعىن ايتسا، قازاقستان ستۋدەنتتەر اليانسىنىڭ كوشباسشىلارى اقىل-ويلارى مەن قاجىر-قايراتتارىن پرەزيدەنتتىڭ اۋقىمدى جوبالارىن جۇزەگە اسىرۋعا جۇمسايتىندىقتارىنا ۋادە بەردى. ٴوز كەزەگىندە «جاسىل ەل» باعدارلاماسىنىڭ جاساقتارى: «ٴبىز نۇرسۇلتان نازاربايەۆتى قولدايمىز. ٴبىز ەلىمىز ٴۇشىن ەرىنبەي ەڭبەك ەتەمىز. ٴبىزدىڭ ماقساتىمىز - جارقىن بولاشاقتا ٴومىر ٴسۇرۋ»، - دەسە، جاستار ٴماسليحاتىنىڭ جەتەكشىلەرى: «بىزگە مەملەكەتتىك ىسكە ارالاسۋعا جان-جاقتى جاعداي جاسالىپ جاتىر. ٴبىز 2020 جىلعا دەيىن پرەزيدەنتىمىزدىڭ العا قويعان جوسپارلارى مەن ماقساتتارىن اقيقاتقا اينالدىرۋعا تىرىسامىز»، - دەدى. ال «ديپلوممەن اۋىلعا» جوباسىنىڭ وكىلدەرى: «قازاقستاننىڭ بۇگىنگى جەتىستىكتەرى ەشبىر ەلدىڭ تاريحىندا بولماعان زور تابىستارمەن سيپاتتالادى. ٴبىز تاۋەلسىز قازاقستاننىڭ تاريحىن ەلباسى نۇرسۇلتان نازاربايەۆپەن بىرگە قالىپتاستىرىپ كەلەمىز. پرەزيدەنت ەگەمەن ەلدىڭ وسىپ-وركەندەۋى مەن دامۋىنا عانا ەمەس، جاستارعا دا قولداۋ كورسەتىپ وتىر. وعان «ديپلوممەن - اۋىلعا» باعدارلاماسى بىردەن-بىر دالەل»، - دەدى. قانات ماحامبەت استانا http://www.aikyn.kz/index.php؟option=com_content&task=view&id=5788&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي