BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيلىكتە قانداي وزگەرىستەر بولدى؟

قازاقستان رەسپۋبليكاسى پرەزيدەنتىنىڭ جارلىعى

ق.ب.ساۋدابايەۆتى قازاقستان رەسپۋبليكاسىنىڭ مەملەكەتتىك حاتشىسى قىزمەتىنە تاعايىنداۋ تۋرالى

قانات بەكمىرزا ۇلى ساۋدابايەۆ قازاقستان رەسپۋبليكا­سىنىڭ مەملەكەتتىك حاتشىسى بولىپ تاعايىندالسىن.

قازاقستان رەسپۋبليكاسىنىڭ پرەزيدەنتى ن.نازاربايەۆ.

استانا، اقوردا، 2011 جىلعى ٴساۋىردىڭ ٴ12-سى.    №28

__________________________________________

قازاقستان رەسپۋبليكاسى پرەزيدەنتىنىڭ جارلىعى

ب.س.كاماليەۆتى قازاقستان رەسپۋبليكاسىنىڭ كولىك جانە كوممۋنيكاسيا ٴمينيسترى قىزمەتىنە تاعايىنداۋ تۋرالى

بەرىك سايلاۋ ۇلى كاماليەۆ قازاقستان رەسپۋبليكاسىنىڭ كولىك جانە كوممۋنيكاسيا ٴمينيسترى بولىپ تاعايىندالسىن.

قازاقستان رەسپۋبليكاسىنىڭ پرەزيدەنتى ن. نازاربايەۆ.

استانا، اقوردا، 2011 جىلعى ٴساۋىردىڭ ٴ12-سى.    №14

__________________________

بەرىك سايلاۋ ۇلى كاماليەۆ

1960 جىلى تۋعان. قاراعاندى پوليتەحني­كالىق ينستيتۋتىن، قاراعاندى مەملەكەتتىك ۋنيۆەرسيتەتىن، رەسەي فەدەراسياسى پرەزي­دەنتىنىڭ جانىنداعى رەسەي مەملەكەتتىك قىز­مەت اكادەمياسىن بىتىرگەن، ماماندىعى بوي­ىنشا – قۇرىلىسشى ينجەنەر، ەكونوميست، مەملەكەتتىك جانە مۋنيسيپالدى باسقارۋ مەنەدجەرى، ەكونوميكا عىلىمدارىنىڭ كان­ديداتى.

ەڭبەك جولىن اسكەري بولىمشەنىڭ قۇرى­لىس-قۇراستىرۋ ۋچاسكەسىنىڭ پرورابى بولىپ باستادى. قاراعاندى وبلىسىنىڭ مەملەكەتتىك باسقارۋ ورگاندارىندا باسشى لاۋازىمداردا قىزمەت اتقاردى. «سامال» ساۋدا ورتالىعى» توو باس ديرەكتورى، ديرەكتورلار كەڭەسىنىڭ ٴتوراعاسى، قاراعاندى وبلىستىق اۆتوموبيل جولدارى باسقارماسىنىڭ باستىعى بولىپ جۇ­مىس ىستەدى. رەسپۋبليكا پرەمەر-مينيسترىنىڭ كەڭەسشىسى، كولىك جانە كوممۋنيكاسيا مينيسترلىگى كولىك ينفراقۇرىلىمىن دا­مىتۋ كوميتەتىنىڭ ٴتوراعاسى، قاراعاندى وبلىسى اكىمىنىڭ ورىنباسارى، كەيىننەن اكىمنىڭ ٴبىرىنشى ورىنباسارى قىزمەتتەرىنە تاعايىندالدى. «سا­رىارقا» الەۋمەتتىك-كاسىپكەرلىك كورپوراسياسى» ۇلتتىق كومپا­نيا­سى­نىڭ باسقارما ٴتوراعاسى بولدى.

2010 جىلعى ناۋرىزدان – قازاقستان رەسپۋبليكاسى يندۋستريا جانە جاڭا تەحنولوگيالار ۆيسە-مينيسترى.

__________________________________________

قازاقستان رەسپۋبليكاسى پرەزيدەنتىنىڭ جارلىعى

ق.ن.قاسىموۆتى قازاقستان رەسپۋبليكاسىنىڭ ىشكى ىستەر ٴمينيسترى قىزمەتىنە تاعايىنداۋ تۋرالى

قالمۇحانبەت نۇرمۇحانبەت ۇلى قاسىموۆ قازاقستان رەس­پۋب­لي­كاسىنىڭ ىشكى ىستەر ٴمينيسترى بولىپ تاعايىندالسىن.

قازاقستان رەسپۋبليكاسىنىڭ پرەزيدەنتى ن. نازاربايەۆ.

استانا، اقوردا، 2011 جىلعى ٴساۋىردىڭ ٴ12-سى.     №26

_____________________________________

قالمۇحانبەت نۇرمۇحانبەت ۇلى قاسىموۆ

1957 جىلى تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن، ماماندىعى بويىنشا – زاڭگەر. پوليسيا گەنەرال-مايورى اتاعى بار.

ۋنيۆەرسيتەتتى بىتىرگەننەن كەيىن الماتى وبلىسىنىڭ ىشكى ىستەر ورگاندارىندا جۇمىس ىستەپ، تەرگەۋشىدەن وبلىستىق ىشكى ىستەر باس­قارماسى باستىعىنىڭ ٴبىرىنشى ورىنباسارىنا دەيىنگى جولدان ٴوتتى. رەسپۋبليكا ىشكى ىستەر مينيسترلىگىنىڭ كريمينالدىق پوليسيا دە­پار­تامەنتىنىڭ باستىعى، الماتى قالاسى ىشكى ىستەر باس باسقارماسىنىڭ باستىعى جانە الماتى وبلىسى ىشكى ىستەر دەپارتامەنتىنىڭ باستىعى قىزمەتتەرىن اتقاردى. قازاقستان رەسپۋبليكاسى ىشكى ىستەر ۆيسە-مينيسترى، ٴبىرىنشى ۆيسە-مينيسترى قىزمەتتەرىنە تاعايىندالدى.

2009 جىلعى قىركۇيەكتەن – شىعىس قازاقستان وبلىستىق ىشكى ىستەر دەپارتامەنتىنىڭ باستىعى.

 

تاعايىنداۋلار

مەملەكەت باسشىسىنىڭ جارلىقتارىمەن:

ادىلبەك رىسكەلدى ۇلى جاقسىبەكوۆ قازاقستان رەسپۋبليكاسىنىڭ قورعانىس ٴمينيسترى قىزمەتىنە;

اسقار قۋانىش ۇلى جۇماعاليەۆ قازاقستان رەسپۋبليكاسىنىڭ بايلانىس جانە اقپارات ٴمينيسترى قىزمەتىنە;

باقىتجان تۇرسىن ۇلى جۇماعۇلوۆ قازاقستان رەسپۋبليكاسىنىڭ ٴبىلىم جانە عىلىم ٴمينيسترى قىزمەتىنە;

ساليدات زەكەنقىزى قايىربەكوۆا قازاقستان رەسپۋبليكاسىنىڭ دەنساۋلىق ساقتاۋ ٴمينيسترى قىزمەتىنە;

گۇلشارا ناۋشاقىزى ٴابدىقالىقوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ٴمينيسترى قىزمەتىنە;

بولات بيداحمەت ۇلى جامىشەۆ قازاقستان رەسپۋبليكاسىنىڭ قارجى ٴمينيسترى قىزمەتىنە;

نۇرعالي ٴسادۋاقاس ۇلى ٴاشىم قازاقستان رەسپۋبليكاسىنىڭ قورشا­عان ورتانى قورعاۋ ٴمينيسترى قىزمەتىنە;

مۇحتار ابرار ۇلى قۇل-مۇحاممەد قازاقستان رەسپۋبليكاسىنىڭ مادەنيەت ٴمينيسترى قىزمەتىنە;

ساۋات مۇحامەتباي ۇلى مىڭبايەۆ قازاقستان رەسپۋبليكاسىنىڭ مۇناي جانە گاز ٴمينيسترى قىزمەتىنە;

ۆلاديمير كارپوۆيچ بوجكو قازاقستان رەسپۋبليكاسىنىڭ توتەنشە جاعدايلار ٴمينيسترى قىزمەتىنە تاعايىندالدى.

*  *  *

مەملەكەت باسشىسىنىڭ جارلىقتارىمەن:

يمانعالي نۇرعالي ۇلى تاسماعامبەتوۆ استانا قالاسىنىڭ اكىمى قىزمەتىنە;

سەرگەي الەكساندروۆيچ دياچەنكو اقمولا وبلىسىنىڭ اكىمى قىزمەتىنە;

سەرىك نىعمەت ۇلى احمەتوۆ قاراعاندى وبلىسىنىڭ اكىمى قىزمەتىنە;

سەرگەي ۆيتالەۆيچ كۋلاگين قوستاناي وبلىسىنىڭ اكىمى قىزمەتىنە;

بولاتبەك بايان ۇلى قۋاندىقوۆ قىزىلوردا وبلىسىنىڭ اكىمى قىزمەتىنە;

سەرىك سۇلتانعازى ۇلى ٴبىلالوۆ سولتۇستىك قازاقستان وبلىسىنىڭ اكىمى قىزمەتىنە تاعايىندالدى.

بەردىبەك ماشبەك ۇلى ساپاربايەۆ شىعىس قازاقستان وبلىسىنىڭ اكىمى قىزمەتىنە;

باقىتجان ٴابدىر ۇلى ساعىنتايەۆ پاۆلودار وبلىسىنىڭ اكىمى قىزمەتىنە تاعايىندالدى.

__________________________________________

قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىنىڭ قارجى نارىعىن مەملەكەتتىك رەتتەۋ جۇيەسىن ٴارى قاراي جەتىلدىرۋ تۋرالى

قازاقستان رەسپۋبليكاسى كونستيتۋسياسىنىڭ 44-بابىنىڭ 5) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسىنىڭ الماتى قا­لا­سىن­داعى وڭىرلىك قارجى ورتالىعىنىڭ قىز­مەتىن رەتتەۋ اگەنتتىگى مەن قازاقستان رەسپۋب­لي­كاسىنىڭ قارجى نارىعىن جانە قارجى ۇيىم­دارىن رەتتەۋ مەن قا­دا­عالاۋ اگەنتتىگى (بۇدان ٴارى – اگەنتتىكتەر) ولاردىڭ فۋنك­سيا­لارى مەن وكىلەتتىكتەرىنىڭ قازاقستان رەسپۋب­لي­كاسىنىڭ ۇلتتىق بانكىنە بەرىلۋىمەن تاراتىلسىن.

2. قازاقستان رەسپۋبليكاسىنىڭ ۇلتتىق بانكى تاراتىلاتىن اگەنتتىكتەردىڭ مىندەتتەمەلەرى بويىنشا قۇقىقتى يەلەنۋشى بولىپ انىقتالسىن.

3. قازاقستان رەسپۋبليكاسىنىڭ ۇكىمەتى جانە قازاقستان رەسپۋبليكاسىنىڭ ۇلتتىق بانكى وسى جار­لىقتى ىسكە اسىرۋ بويىنشا شارالاردى قابىلداسىن.

4. وسى جارلىقتىڭ ورىندالۋىن باقىلاۋ قا­زاقستان رەسپۋبليكاسى پرەزيدەنتىنىڭ اكىمشىلى­گىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن. نازاربايەۆ.

استانا، اقوردا، 2011 جىلعى ٴساۋىردىڭ ٴ12-ى.     № 25

 http://www.egemen.kz/302167.html


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي