BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەكتاس بەكنازاروۆ قر جوعارعى سوتىنىڭ ٴتوراعاسى قىزمەتىنە تاعايىندالدى

استانا. 15 ٴساۋىر. قازاقپارات /قانات مامەتقازى ۇلى/ - بۇگىن قر پارلامەنتى سەناتىنىڭ جالپى وتىرىسىندا مەملەكەت باسشىسىنىڭ ۇسىنىسى بويىنشا بەكتاس بەكنازاروۆ قر جوعارعى سوتىنىڭ ٴتوراعاسى قىزمەتىنە تاعايىندالدى.

«بەكنازاروۆتىڭ كانديداتۋراسىن سىزدەردىڭ قۇاراۋلارىڭىزعا شىعارامىن»، - دەدى سەناتتىڭ جالپى وتىرىسىندا سويلەگەن سوزىندە ن. نازاربايەۆ. سەناتورلار ەلباسىنىڭ ۇسىنىسىن ٴبىراۋىزدان قولدادى. ايتا كەتەيىك، ب. بەكنازاروۆ بۇعان دەيىن اقتوبە وبلىستىق سوتىنىڭ ٴتوراعاسى قىزمەتىن اتقارعان.

 بۇدان بۇرىن حابارلاعانىمىزداي، مۇسابەك الىمبەكوۆ قر جوعارعى سوتىنىڭ  ٴتوراعاسى قىزمەتىنەن بوساتىلدى.

بۇگىن قر پارلامەنتى سەناتىنىڭ جالپى وتىرىسىندا مەملەكەت باسشىسى نۇرسۇلتان نازاربايەۆ پالاتا دەپۋتاتارىنا مۇسابەك الىمبەكوۆتى قر جوعارعى سوتىنىڭ ٴتوراعىسى قىزمەتىنەن بوساتۋ تۋرالى ۇسىنىس جاسادى. «سەناتتىڭ قاراۋىنا مۇسابەك الىمبەكوۆتى قر جوعارعى سوتىنىڭ ٴتوراعىسى قىزمەتىنەن بوساتۋ تۋرالى ماسەلەنى ەنگىزەمىن. جوعارعى سوتتىڭ التى سۋدياسىن قىزمەتتەرىنەن بوساتۋ تۋرالى كەشە سىزدەر قابىلداعان شەشىمنەن كەيىن ول (مۇسابەك الىمبەكوۆ-رەد). ماعان ٴوتىنىش (قىزمەتىننە بوساتۋ تۋرالى-رەد.)| ٴوتىنىش جازدى»، - دەدى پرەزيدەنت.
وسى ورايدا مەملەكەت باسشىسى م. الىمبەكوۆتىڭ جەكە ٴوز باسىنا كىنا تاقپايتىندىعىن، ونىڭ تازا ٴارى دۇرىس قىزمەت ىستەي الاتىن كاسىبيلىگىن اتاپ ٴوتتى. سەنات دەپۋتاتارى مەملەكەت باسشىسىنىڭ ۇسىنىسىن قولدادى. وسى ورايدا  مۇسابەك الىمبەكوۆ قر جوعارى سوتىنىڭ سۋدياسى قىزمەتى ساقتالا وتىرىپ، قر  جوعارعى سوتىنىڭ ٴتوراعاسى قىزمەتىنەن بوساتىلدى.

ايتا كەتەيىك، مۇسابەك الىمبەكوۆ قر جوعارعى سوتىنىڭ ٴتوراعاسى بولىپ 2009 جىلدىڭ ٴساۋىر ايىندا تاعايىندالعان بولاتىن.

 ەستەرىڭىزگە سالا كەتەيىك، كەشە، 14 ساۋىردە  قر پارلامەنتى  سەناتىنىڭ جالپى وتىرىسىندا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ مەملەكەت باسشىسىنىڭ اتىنا جاساعان ۇسىنىسى بويىنشا قر جوعارعى سوتىنىڭ ٴبىرقاتار سۋديالارى قىزمەتتەرىنەن بوساتىلدى.

«مەملەكەت باسشىسىنىڭ تاپسىرماسىنا سايكەس، مىنانى حابارلاۋعا رۇقسات ەتىڭىزدەر. ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى قر پرەزيدەنتىنىڭ اتىنا ٴبىرقاتار سۋديالاردى قر جوعارعى سوتىنىڭ سۋدياسى قىزمەتىنەن بوساتۋ تۋرالى ۇسىنىس جاسادى. ولار: الماز تاشەنوۆا، ماقسات ٴابىلقايىر، ٴمارزيا بالتاباي، سايلاۋبەك جاكىشەۆ، باقىتجان جاقىپوۆ، ماركلەن قامنازاروۆ»، - دەدى سەنات دەپۋتاتتارى الدىندا مەملەكەت باسشىسىنىڭ وكىلدىگى بويىنشا ٴسوز سويلەگەن قر پرەزيدەنتى اكىمشىلىگىنىڭ باسشىسى اسلان مۋسين.

سودان كەيىن قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ٴتوراعاسى قايرات قوجامجاروۆ ٴسوز سويلەپ، جوعارىدا اتالعان سۋديالاردىڭ سىبايلاس جەمقورلىق قىلمىسقا بارعاندىعى تۋرالى فاكتىلەردى جاريا ەتتى. تالقىلاۋدان كەيىن سەناتورلار اتتارى اتالعان سۋديالاردى قىزمەتتەرىنەن بوساتۋ تۋرالى شەشىم قابىلدادى.

http://www.inform.kz/kaz/article/2371180

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي