BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا مەن بەرلين ىنتىماقتاستىقتىڭ ستراتەگيالىق سيپاتىن راستادى

استانا، baq.kz. قازاقستان مەن گەرمانيا ديپلوماتيالىق وكىلدەرى كەزدەستى.

گەرمانياعا جۇمىس ساپارى بارىسىندا قازاقستان رەسپۋبليكاسى سىرتقى ىستەر ٴمينيسترىنىڭ ورىنباسارى رومان ۆاسيلەنكو گەرمانيا سىرتقى ىستەرىنىڭ مەملەكەتتىك ٴمينيسترى نيلس اننەنمەن جانە گفر فەدەرالدى ۇكىمەتىنىڭ جاھاندىق ماسەلەلەر (بۇۇ) جانە قارۋسىزداندىرۋ مەن تاراتپاۋ جونىندەگى وكىلى مىندەتىن اتقارۋشى ريۋديگەر بونمەن وتكىزگەن كەزدەسۋلەرى بارىسىندا قازاقستان-گەرمان قارىم-قاتىناسى كۇن تارتىبىندەگى ەكىجاقتى جانە كوپجاقتى وزەكتى ماسەلەلەر بويىنشا پىكىر الماستى.

كەزدەسۋ بارىسىندا قر پرەزيدەنتىنىڭ جاھاندىق قاۋىپسىزدىك پەن تۇراقتى دامۋدى قامتاماسىز ەتۋ، سونىڭ ىشىندە استانادا رەسەي، قحر، ەو جانە اقش كوشباسشىلارىنىڭ حالىقارالىق قاۋىپسىزدىك ماسەلەلەرىن تالقىلاۋ ٴۇشىن سامميت ۇيىمداستىرۋ تۋرالى جاقىندا ۇسىنىلعان باستاماسى قاراستىرىلدى. تاراپتاردىڭ پىكىرىنشە، 2017-2018 جج. كەزەڭىندەگى قازاقستاننىڭ بۇۇ قاۋىپسىزدىك كەڭەسىنىڭ تۇراقسىز مۇشەسى رەتىندەگى قىزمەتى، سونداي-اق گەرمانيانىڭ اتالعان ماڭىزدى حالىقارالىق ورگانداعى 2019-2020 جج. الداعى قىزمەتى بۇل ماسەلەدەگى تىكەلەي قاتىسى بار باسىمدىق بولۋى مۇمكىن.

قازاقستاندىق ديپلومات نەمىس تاراپىن بۇۇ قاۋىپسىزدىك كەڭەسىنىڭ تۇراقسىز مۇشەسى رەتىندە سايلانۋىمەن قۇتتىقتادى جانە اتالعان ورگان اياسىندا ەكى ەلدىڭ باسىمدىقتارىن جۇزەگە اسىرۋدا تاراپتاردىڭ تىعىز ٴوزارا ارەكەتىن اتاپ ايتتى. نەمىس تاراپى ٴوز كەزەگىندە وسى لاۋازىمعا گەرمانيا كانديداتۋراسىن قولداعانى ٴۇشىن قازاقستانعا العىس ٴبىلدىردى جانە حالىقارالىق ۇيىم اياسىنداعى تىعىز قارىم-قاتىناستى جالعاستىرۋعا دايىن ەكەنىن راستادى.

2019 جىلى قابىلدانۋى كۇتىلەتىن ەو-نىڭ ورتالىق ازيامەن ىنتىماقتاستىعى جونىندەگى جاڭا ستراتەگياسى تۋرالى ايتا كەلە، تاراپتار ايماقتىڭ ٴىرى الەمدىك نارىقتارى اراسىنداعى ستراتەگيالىق كوپىر رەتىندەگى ٴرولى جانە ايماقارالىق قارىم-قاتىناستاردى ارى قاراي نىعايتۋ قاجەتتىگى تۋرالى بىردەي پىكىرگە كەلىستى.

گفر ٴسىم باسشىلىعىمەن كەزدەسۋ بارىسىندا سونداي-اق ەكىجاقتى ستراتەگيالىق ىنتىماقتاستىقتى ارتتىرۋ ماسەلەلەرى تالقىلاندى، بۇل رەتتە تاراپتار قازاقستان منە گەرمانيا اراسىنداعى سەنىمدى ساياسي ديالوگ جانە تابىستى ساۋدا-ەكونوميكالىق ٴوزارا قارىم-قاتىناستىڭ ورناتىلعانىن ايتتى. ن. اننەن جاقىندا استاناعا جاساعان جۇمىس ساپارى قورىتىندىسىن جوعارى باعالادى. ساپار بارىسىندا ول قر سىرتقى ىستەر ٴمينيسترى قايرات ٴابدىراحمانوۆ جانە قر پرەزيدەنتىنىڭ كومەكشىسى نۇرلان ونجانوۆپەن ەكونوميكا مەن ساياسات سالاسىنداعى ماڭىزدى تاقىرىپتار جونىندە كەلىسسوزدەر جۇرگىزدى.

قازاقستاندىق ديپلومات ٴوز كەزەگىندە ن. اننەن مىرزانى ٴبىر اپتا بۇرىن نەمىس استاناسىندا وتكەن قازاقستان-گەرمان ىسكەرلىك كەڭەسى وتىرىسىنىڭ تابىستى ناتيجەلەرى تۋرالى حاباردار ەتتى. ر. ۆاسيلەنكونىڭ ايتۋىنشا، جاسىل ەكونوميكا، سيفرلاندىرۋ جانە اۋىل شارۋاشىلىعى ٴوندىرىسى سالالارىندا سەرىكتەس بولىپ تابىلاتىن قازاقستان مەن گەرمانيا ٴۇشىن قارجى سالاسىندا، سونىڭ ىشىندە «استانا» حالىقارالىق قارجى ورتالىعىمەن ٴوزارا ارەكەتتەستىك الەۋەتىن بەلسەندى تۇردە ارتتىرۋ ٴتيىمدى بولار ەدى.

گەرمانيا – قازاقستاننىڭ ٴىرى ساۋدا-ەكونوميكالىق سەرىكتەسى بولىپ تابىلادى. 2017 جىلى ەكىجاقتى ساۋدا اينالىمى 4،856 ملرد. ەۋرونى قۇراپ، وتكەن جىلمەن سالىستىرعاندا 21،8 %-عا ارتقاندىعىن كورسەتسە، اعىمداعى جىلدىڭ سوڭعى التى ايىندا بۇل كورسەتكىش 2،885 ملرد. دوللاردى قۇراپ، ٴوسۋدىڭ جالعاسۋىن كورسەتەدى. 2005-2017 جىلدار ارالىعىندا نەمىس كومپانيالارى قازاقستانعا 4،231 ملرد. دوللار ينۆەستيسيا سالدى، ونىڭ 90 % ەكونوميكانىڭ شيكىزاتتىق ەمەس سەكتورىنا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي