BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى دالانىڭ جەتى قىرى. قازاقتىڭ داڭقتى تۇلعالارى بۇكىل الەم ەلىكتەۋگە لايىق

استانا، baq.kz. قر پرەزيدەنتى نۇرسۇلتان نازاربايەۆ « ۇلى دالانىڭ جەتى قىرى» اتتى ماقالاسىندا «تاريحتىڭ كينو ونەرى مەن تەلەۆيزياداعى كورىنىسى» اتتى جوباسىن جۇزەگە اسىرۋدى ۇسىندى.

«قازىرگى زامانداعى حالىقتاردىڭ تاريحي تانىم-تۇيسىگىندە كينو ونەرى ەرەكشە ورىن الادى. جالپى حالىقتىڭ ساناسىندا فيلمدەردەگى جارقىن كينووبرازدار ىرگەلى عىلىمي مونوگرافيالارداعى دەرەكتى پورترەتتەردەن گورى ماڭىزدىراق ٴرول اتقارادى. سوندىقتان، تەز ارادا قازاقستاننىڭ وركەنيەت تاريحىنىڭ ۇزدىكسىز دامۋىن كورسەتەتىن دەرەكتى-قويىلىمدىق فيلمدەردىڭ، تەلەۆيزيالىق سەريالدار مەن تولىقمەتراجدى كوركەم كارتينالاردىڭ ارنايى سيكلىن وندىرىسكە ەنگىزۋ كەرەك»، - دەپ جازدى ەلباسى.

مەملەكەت باسشىسى اتالعان جوبالار كەڭ حالىقارالىق ىنتىماقتاستىق اياسىندا وتاندىق جانە شەتەلدىك ۇزدىك سسەناريستەردى، رەجيسسەرلەردى، اكتەرلەردى، پروديۋسەرلەردى جانە زاماناۋي كينو ٴوندىرىسىنىڭ باسقا دا ماماندارىن تارتۋ ارقىلى جۇزەگە اسىرىلۋعا ٴتيىس دەپ اتاپ كورسەتتى.

«قىزىقتى ٴارى مەلودرامالىق سارىندارمەن قاتار، كورەرمەندەر ٴۇشىن تانىمال فەنتەزي جانە شىتىرمان وقيعالى بلوكباستەرلەردىڭ ەلەمەنتتەرىن قوسا وتىرىپ، جاڭا تاريحي تەلە-كينو تۋىندىلاردىڭ جانرلارىن بارىنشا كەڭەيتۋ قاجەت. وسى ماقساتپەن ۇلى دالانىڭ باي ميفولوگيالىق جانە فولكلورلىق ماتەريالدارىن پايدالانۋعا بولادى. ۇلت قاھارماندارىن ۇلگى تۇتۋ ٴۇردىسىن قالىپتاستىرۋعا جول اشاتىن ساپالى بالالار فيلمدەرى مەن مۋلتيپليكاسيالىق سەريالداردى اسا قاجەت ەتەتىن وسكەلەڭ ۇرپاقتىڭ دا تالعامىنا ەرەكشە نازار اۋدارۋ كەرەك»، - دەلىنگەنمەملەكەت باسشىسىنىڭ ماقالاسىندا.

پرەزيدەنت قازاقتىڭ داڭقتى باتىرلارى، ويشىلدارى مەن ەل بيلەۋشىلەرى – تەك قازاقستان عانا ەمەس، سونداي-اق، بۇكىل الەم بويىنشا ەلىكتەۋگە لايىقتى تۇلعالار دەپ ايتى.

ەسكە سالا كەتسەك، بۇگىن باق بەتتەرىندە قر پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسى جاريالانعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي