BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇيمەبايەۆ: قازاقستاننىڭ بولاشاعى جارقىن بولۋى ٴۇشىن ٴاربىر ازامات وتانشىل بولۋى قاجەت

تۇركىستان، baq.kz. قازىعۇرت اۋدانىنىڭ بۇگىن تويلانىپ جاتقان 90 جىلدىق مەرەكەسىنە وراي ۇيىمداستىرىلعان «قازىعۇرت – ادامزاتتىڭ رۋحاني شىڭى» اتتى عىلىمي-تەوريالىق كونفەرەنسيادا ٴوڭىر باسشىسى وسىلاي دەدى.

"تۇركىستان وبلىسىنداعى كورىكتى ٴارى تابيعاتى باي قازىعۇرت اۋدانىنىڭ مەرەيلى مەرەكەسى بارىمىزگە ورتاق. ماقسات — توي تويلاۋ ەمەس، ٴبىر عاسىرعا جۋىق ۋاقىت ارالىعىنداعى وقيعالاردى وي ەلەگىنەن وتكىزۋ. ەلدىڭ بىرلىگىن نىعايتىپ، يگى ىسكە جۇمىلدىرۋ. تاۋەلسىز قازاقستاننىڭ بولاشاعى جارقىن بولۋى ٴۇشىن ٴاربىر ازامات وتانشىل بولۋى قاجەت. ال، ول ٴۇشىن تۋعان جەردىڭ تاريحىن، ولكەتانۋدى بىلگەن ابزال. قازىعۇرت قارىشتاپ دامي بەرمەك. سىزدەردى اتاۋلى كۇنمەن شىن جۇرەكتەن قۇتتىقتاپ، بارشاڭىزعا باق-بەرەكە، مىقتى دەنساۋلىق تىلەيمىن!"، - ج.تۇيمەبايەۆ.

مۇنان سوڭ، وبلىس باسشىسى اۋداننىڭ ٴوسىپ، وركەندەۋىنە ۇلەس قوسقان ٴبىرقاتار ازاماتتاردى اتاۋلى كۇندە قۇتتىقتاپ، سىي-سياپات جاسادى.

كونفەرەنسيا بارىسىندا ەلىمىزدە بەلگىلى ٴبىرقاتار ازاماتتار، اتاپ ايتقاندا، قر پارلامەنتى ٴماجىلىسىنىڭ دەپۋتاتى، قازىعۇرت اۋدانىنىڭ قۇرمەتتى ازاماتى س.ابدراحمانوۆ پەن قر پارلامەنتى سەناتىنىڭ دەپۋتاتى، وبلىستىڭ جانە قازىعۇرت اۋدانىنىڭ قۇرمەتتى ازاماتى ٴا.بەكتايەۆ قۇتتىقتاۋ ٴسوزىن سويلەپ، اۋدان جۇرتشىلىعىنا قازىعۇرتتى ودان ٴارى كوركەيتىپ، تۇرلەندىرۋدە ساتتىلىك تىلەدى.

سونىمەن بىرگە، جيىندا «كيەلى قازىعۇرت» جانە «قازىعۇرت اۋدانىنىڭ تاريحى» اتتى كىتاپتاردىڭ تۇساۋ كەسەرى ٴوتتى.

ٴوڭىرى كوك مايسالى، باۋ-باقشالى، گۇل جايناعان قازىعۇرت ولكەسىنىڭ ادامدارى ەڭبەكقور، مەيىرىمدى، باۋىرمال، ىنتىماعى مەن بىرلىگى جاراسقان قۇتتى مەكەن ەكەنى بەلگىلى. كيەلى دە قاسيەتتى اۋداندا ٴتۇرلى سالادا جەتىستەردىڭ بولۋى زاڭدىلىق.

ماسەلەن، قازىعۇرت اۋدانىندا اۋىل شارۋاشىلىعى بويىنشا جالپى ٴونىم كولەمى 22،1 ملرد. تەڭگە بولىپ، وتكەن جىلدىڭ 8 ايىمەن سالىستىرعاندا 3،7 ملرد. تەڭگەگە ارتقان. اۋدان قازىناسىنا 11،1 ملرد. تەڭگەگە ينۆەستيسيا تارتىلىپ، 2017 جىلدىڭ 8 ايىمەن سالىستىرعاندا 107،9 پايىزعا كوبەيىپتى. گازداندىرۋ جۇمىستارى بويىنشا 64 ەلدى مەكەننىڭ بۇگىنگى تاڭعا 56،2 پايىزى تابيعي گازعا قوسىلعان. ٴقازىر 10 ەلدى مەكەنگە تابيعي گاز قوسۋ جۇمىستارى جۇرگىزىلۋدە. جالپى اۋدان بويىنشا 46 ەلدى مەكەن تابيعي گاز جۇيەسىمەن قامتىلىپ، 71،8 پايىزدى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي