BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴقازىر ٴدىني ٴىلىم ىزدەگەن مۇسىلمانعا بارلىق مۇمكىندىك جاسالعان – باس ٴمۇفتي

24 - 26 قىركۇيەك كۇندەرى قمدب ٴتوراعاسى، باس ٴمۇفتي سەرىكباي قاجى ساتىبالدى ۇلى اقتوبە وبلىسىنا كەلىپ، وتە تىعىز گرافيكپەن جۇمىس ىستەدى. دۇيسەنبى كۇنى تاڭەرتەڭ وبلىس اكىمى بەردىبەك ساپاربايەۆپەن كەزدەستى، دەپ حابارلايدى baq.kz اقپارات اگەنتتىگى.

وبلىس اكىمى وڭىردەگى ٴدىني ماسەلەلەر تۋرالى اڭگىمەلەدى.

«ٴقازىر ٴبىزدىڭ وبلىستا 67 مەشىت بار، وندا 117 يمام جۇمىس ىستەيدى. وتكەن جىلى رەسپۋبليكا دەڭگەيىندە تانىمال 30-دان استام تەولوگتى ارنايى شاقىرىپ، جەرگىلىكتى تۇرعىندار اراسىندا ٴتۇسىندىرۋ شارالارىن جۇرگىزدىك. ٴدəستۇرلى دىنگە بەت بۇرىپ جاتقان ازاماتتار سانى دا جىل سايىن ارتىپ كەلەدى. قايىرىمدىلىق باعىتىنداعى جۇمىستارعا دا كوڭىل اۋدارىپ كەلەمىز. ٴقازىر ٴبىزدىڭ وبلىستا جەتىم بالالار ٴۇيى جوق"، - دەدى ب.ساپاربايەۆ

وبلىستىق انتيتەرروريستىك كوميسسيانىڭ ماجىلىسىنە قاتىستى. اقتوبە وبلىسىنىڭ اكىمدىگى، قمدب جانە «ۋاقىپ» قايىرىمدىلىق قورى ٴدىني ەكسترەميزمنىڭ، راديكاليزم مەن تەرروريزمنىڭ الدىن الۋداعى ىنتىماقتاستىق تۋرالى مەموراندۋمعا قول قويدى. مۇنىڭ وڭ ناتيجەسى جاقىن ۋاقىتتا كورىنە باستايدى. سەبەبى، وبلىس اۋماعىندا جۇمىس ىستەيتىن يمامداردىڭ ساۋاتتىلىعىن ۇنەمى جەتىلدىرىپ وتىرۋ، مامانداردى باسپانا جانە تۇراقتى جالاقىمەن قامتاماسىز ەتۋ ماسەلەلەرى شەشىلەتىن بولدى.

تۇستەن كەيىن «نۇر وتان» پارتياسىنىڭ وبلىستىق فيليالى عيماراتىندا وبلىستىڭ زيالى قاۋىم وكىلدەرى، قوعامدىق بىرلەستىكتەر باسشىلارى، ق.جۇبانوۆ اتىنداعى ٴاومۋ وقىتۋشىلارى قاتىسقان جيىن بولدى. باس ٴمۇفتي ٴدىني باسقارمانىڭ قىزمەتىنە قىسقاشا توقتالىپ، جاسالعان شارۋالار مەن الداعى مىندەتتەرگە توقتالدى.

«2013-2015 جىلدارى «ٴدىن مەن ٴداستۇر ساباقتاستىعى» جىلى دەپ جاريالاپ، ٴسالت-داستۇرىمىز بەن اسىل ٴدىنىمىز كەڭىنەن ناسيحاتتالدى. 2016 جىل – «ٴدىن جانە تاريح تاعىلىمى» جىلى دەپ جاريالانىپ، تاريحتىڭ تاعىلىمدى بەتتەرى تۋرالى زەرتتەۋ ماقالالار مەن كىتاپتار جارىق كوردى، كونفەرەنسيالار مەن دوڭگەلەك ۇستەلدەر ۇيىمداستىرىلدى.ال 2018 جىل – «يسلام جانە وتباسى جىلى» اياسىندا «نەكە جانە وتباسى»، «جانۇيا جاراسىمى»، «ەر مەن ايەلدىڭ مىندەتتەرى»، «جانۇياداعى اكەنىڭ ٴرولى»، «بالا تاربيەسىندەگى انانىڭ ٴرولى»، «بالا تاربيەسىنىڭ مۇسىلماندىق باستاۋلارى»، «تالاق ايتۋدىڭ ادەبى»، «ازاماتتىق نەكەنىڭ زاردابى»، «قىزتەكەلىك – جامان قاسيەت»، «ٴوزىن-وزى ٴولتىرۋ – تىعىرىقتان شىعار جول ەمەس»، «قازاقتىڭ تانىم-تۇسىنىگى بويىنشا وتباسى قۇندىلىقتارى»، «ويناستىق جاساۋ – وتپەن ويناۋ» سياقتى ماڭىزدى تاقىرىپتار بويىنشا ارنايى ٴىس-شارالار وتكىزىپ كەلەمىز. بۇل جۇمىستار الداعى ۋاقىتتا دا تۇراقتى تۇردە جالعاسۋى كەرەك. كوركەم مىنەزدىڭ قاينار كوزى بولىپ تابىلاتىن ۇلتتىق تاربيە مەن ٴبىلىم بىزگە تەرىس اعىمدارعا قارسى يممۋنيتەتتى قالىپتاستىرۋ ٴۇشىن قاجەت، - دەدى سەرىكباي قاجى ساتىبالدى ۇلى.

ٴدىنباسى اقتوبەلىكتەردىڭ سۇراقتارىنا جاۋاپ بەرىپ، ولاردىڭ پىكىر-ۇسىنىستارىن تىڭدادى. قمدب-نىڭ اقتوبە وبلىسى بويىنشا وكىل-يمامى، وبلىستىق «نۇر عاسىر» مەشىتىنىڭ باس يمامى تولەبي وسپاننىڭ ايتۋىنشا، ٴقازىر ٴدىني وقۋدا جۇرگەن 172 اقتوبەلىك ديپلومدارىن العان سوڭ ەلگە ورالىپ، بارلىق مەشىتتەردە ساۋاتتى ماماندار قىزمەت ەتەتىن كورىنەدى.

باس ٴمۇفتيدىڭ كەلۋ ساپارى تۋرالى اقپارات اپتا بۇرىن حابارلاندى. كەشكە قاراي «ونەر ورتالىعىنىڭ» 1200 ورىندىق كەڭ زالىنا اقتوبە قالاسى مەن وبلىستىڭ بارلىق اۋداندارىنان كەلگەن ادامدار، اقساقالدار مەن انالار، مەدرەسە شاكىرتتەرى جينالدى. كەلۋشىلەرگە ەشقانداي شەكتەۋ قويىلعان جوق. «جاراسىمدى جانۇيا - جارقىن ەل تىرەگى» تاقىرىبىندا وتكەن رۋحاني كەشتىڭ وزەگى وتباسىنىڭ بەرىكتىگى مەن سىيلاستىعى، اتا-انانى قۇرمەتتەۋ، ەرلى-زايىپتىلاردىڭ ىنتىماعى تۋرالى ٴوربىدى.

«اللا تاعالا قاسيەتتى قۇران كىتابىندا پەندەلەرگە وتباسىنا قاتىستى كوپ اياتتار تۇسىرگەن. سونىڭ ٴبىرى «نيسا» سۇرەسىنىڭ 19-اياتىندا: «ايەلدەرىڭمەن جاقسى تۇرىپ، جاقسى قارىم-قاتىناستا بولىڭدار»، – دەپ بۇيىرعان. ەركەكتىڭ ايەلى الدىنداعى، ايەلدىڭ ەرى الدىنداعى مىندەتتەرى قۇران مەن حاديستەردە انىق كورسەتىلگەن. وتباسىنداعى باستى قۇندىلىقتاردىڭ ٴبىرى - ەر مەن əيەلدىڭ وزىنە قاتىستى مىندەتتەردى ىقىلاسپەن ورىنداۋى. جانۇيا نəپاقاسىن تابۋ، وتباسىن باسپانامەن، كيىم-كەشەكپەن قامتاماسىز ەتۋ، ناۋقاستانسا - ەمدەۋ، بالا تəربيەسى، ت.ب. امالدار ەر ادامنىڭ موينىنداعى مىندەتتەر. ال ەر ازاماتتىڭ ارى مەن ابىرويىن ساقتاپ، سىرى مەن قۇپياسىن قورعاۋ، جولداسىنا مويىنسۇنۋ، شاڭىراقتىڭ شاتتىعىن كىرگىزۋ - ايەل ادامنىڭ مىندەتتەرى. ەر مەن əيەل بىر-بىرىنە كەشىرىممەن، مەيىرىممەن قاراسا ولاردىڭ اراسىنداعى ٴوزارا سۇيىسپەنشىلىك پەن ماحاببات ارتادى. جاقىندا اقتوبە قالاسىندا بەردىبەك ماشبەك ۇلىنىڭ باستاماسىمەن "اناعا تاعزىم" اتتى ۇلكەن شارا ٴوتىپتى. راسىندا، اناسىن قادىرلەي العان ادام اللانىڭ مەيىرىمىنە بولەنەدى. ويتكەنى، اتا-انانىڭ رازىلىعى - اللانىڭ رازىلىعى بولىپ سانالادى. ۇلكەندى سىيلاۋ، ۇل-قىزداردى تاربيەلەۋدە ۇلتتىق سالت-داستۇرلەردىڭ ماڭىزى ەرەكشە"، - دەدى قمدب ٴتوراعاسى.

باس ٴمۇفتيدىڭ ۋاعىزىنان سوڭ جينالعان جاماعاتقا شاعىن كونسەرت ۇسىنىلدى. تانىمال سازگەر، تەرمەشى جاكەن وماروۆ، داۋلەسكەر كۇيشى جايلاۋ اسىلحانوۆ، ەلدوس جۇماعۇلوۆ، فەرۋزا نارمان، ادىلەت كۇزەنبايەۆ، دينارا شىناربايەۆا، جۇلدىز ورىنبەكوۆا سياقتى ونەر جۇلدىزدارى ورىنداعان ان-كۇيلەر مەن قۇندى ناسيحاتقا تۇنعان تەرمەلەردى حالىق وتە جاقسى قابىلدادى. كەشتى مادەنيەت سالاسىنىڭ ۇزدىگى، اقىن ورال-قوساي بايسەڭگىر جۇرگىزدى.

كەلەسى كۇندەرى باس ٴمۇفتي «نۇر عاسىر» جانە «نۇرداۋلەت» مەشىتتەرىندە جاماعاتپەن ناماز وقىپ، ۋاعىز ايتتى.

"پايعامبارىمىز مۇحاممەد (اللانىڭ وعان سالاۋاتى مەن سالەمى بولسىن) ٴبىر حاديسىندە: «جاقسى ادام – قوعامعا پايداسى تيگەن پەندە»، – دەگەن. دەمەك، قوعامعا پايدالى بولعانىڭ – جاقسى مۇسىلمان بولعانىڭ. ٴاربىر ازامات «قازاقستان» اتتى الىپ عيماراتقا ٴبىر كىرپىش بولىپ قالانىپ، سول ورىندا ٴوز ميسسياسىن ۇقىپتى، مۇقيات، ادال اتقارۋى ٴلازىم. əر ازامات، مۇسىلمان جاماعات وسى قاعيدانى مىقتى ۇستانۋى ٴتيىس. سوندا ٴبىزدىڭ ەلىمىزدىڭ əلەمدىك قاۋىمداستىق الدىندا مəرتەبەسى مەن مەرەيى ارتادى"، - دەدى ٴدىنباسى.

وبلىستىڭ مۇعالجار جانە العا اۋداندارىن ارالاپ، وڭىردەگى ٴدىني احۋالمەن تانىستى. اۋدان مەشىتتەرىندە حالىقپەن كەزدەسىپ، ۋاعىز ايتتى. سۇراقتارعا جاۋاپ بەردى.

«ٴبىلىم – باعا جەتپەس ولجا، ۇلكەن قارۋ. ٴبىلىمسىز وركەنيەت جوق. بۇگىنگى تاڭدا كۇش تە، قۋات تا – ٴبىلىم مەن بىرلىكتە. پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن): «ٴبىلىم مەن حيكمەت مۇسىلمانداردىڭ جوعالتقان قازىناسى، قاي جەردەن تاپسا دا يەمدەنىپ السىن»، – دەگەن. وقۋ ورىندارىندا وقىپ جۇرگەن ۇل-قىزدارىمىز، باۋىرلارىمىز ەل-جۇرتقا پايدا اكەلەر ٴبىلىم ىزدەنسە، جاھاننىڭ ەڭ وزىق تەحنولوگيالارىن ۇيرەنىپ، ونى وزگەگە ۇيرەتسە – ەلگە قوسقان ۇلەس وسى بولماق»، - دەدى سەرىكباي قاجى ساتىبالدى ۇلى.

بەستاماق اۋىلىندا ورنالاسقان اقتوبە مەدرەسە-كوللەدجىنىڭ شاكىرتتەرىمەن كەزدەسىپ، وقۋ ورنىنىڭ جاعدايىمەن مۇقيات تانىسقان ٴدىنباسى ٴبىلىم جولىنداعى بالالارعا باتاسىن بەردى.

«سىزدەر ٴبىزدىڭ ٴدىني سالاداعى بولاشاق يمام، ۇستاز، ازانشى، عالىم، ٴدىن قايراتكەرىسىزدەر. ٴقازىر ٴدىني ٴىلىم ىزدەگەن مۇسىلمانعا بارلىق مۇمكىندىك جاسالعان. وركەنيەت پەن پروگرەسس - ٴبىلىم مەن دانالىقتا. سول ٴبىلىم مەن دانالىققا لايىقتى تۇلعالار - سىزدەرسىزدەر. ٴəربىر سəتتەرىڭىزدى وقۋمەن، ونى كوڭىلگە توقۋمەن وتكىزىڭىزدەر"، - دەدى باس ٴمۇفتي.

باس ٴمۇفتي سەرىكباي قاجى ورازدىڭ اقتوبەگە ارنايى ساپارمەن كەلۋى جەرگىلىكتى جاماعاتقا ۇلكەن جىگەر بەردى. ەلدەگى بەيبىتشىلىك پەن تاتۋلىقتى، قوعامدىق كەلىسىمدى ساقتاۋدا ٴدىني فاكتوردىڭ ٴرولى ۇلكەن. بارلىق كۇش-قۋات وقۋ مەن عىلىم-بىلىمگە، دامۋ مەن بەيبىت ەڭبەككە باعىتتالسا - بەرەكەلى ٴومىر مەن تاتۋلىق نىعايا تۇسەتىنى انىق.

ايشۋاق دارمەن ۇلى، اقتوبە قالاسى.

سۋرەتتەر: ارداق ٴابدىحالىقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي