BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان تاريحى پورتالىنىڭ اشىلعانىنا 5 جىل تولدى

فوتو: скриншот

بۇگىن وتان تاريحى مەن ەل تاريحىن سۇيەر قاۋىمنىڭ بىرەگەي كوممۋنيكاسيالىق پلاتفورماسىنا اينالعان قازكونتەنت اق-نا قاراستى national digital history پورتالىنا (e-history.kz) 5 جىل توللى، دەپ حابارلايدى baq.kz اقپارات اگەنتتىگى.

national digital history پورتالى - قازاقستاننىڭ وتكەن تاريحى تۋرالى ناقتى جانە تولىق اقپاراتتى بەرۋ، تاريح سالاسىنداعى عىلىمي زەرتتەۋلەردىڭ الدىڭعى قاتارلى جەتىستىكتەرىن جەدەل اقپاراتتاندىرۋ ٴۇشىن قۇرىلا وتىرىپ، قازاق ەلىنىڭ مادەني، تاريحي تابىستارىن الەمنىڭ تۇپكىر-تۇكپىرىنە ساپالى كونتەنتتەر ارقىلى تانىتۋ.

پورتال وسىدان 5 جىل بۇرىن، سول ۋاقىتتاعى قر مەملەكەتتىك حاتشىسى مارات ٴتاجيننىڭ توراعالىعىمەن 2013 جىلدىڭ 5 شىلدەسىندە وتكەن مەكەمەارالىق جۇمىس توبىنىڭ (ماجەت) كەڭەيتىلگەن وتىرىسىندا قابىلدانعان شەشىم نەگىزىندە قۇرىلدى.

2013 جىلدىڭ 25 قىركۇيەگىندە قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاسيالار قىزمەتى بازاسىندا «قازاقستان تاريحى» ينتەرنەت-جوباسىنىڭ تۇساۋكەسەر ٴراسىمى ٴوتتى.

پورتالدىڭ باستى ەرەكشەلىگى بارلىق جاستاعى وقىرماندارعا ارنالعان. مەكتەپ وقۋشىلارىنان باستاپ، ستۋدەنتتەر مەن عالىمداردىڭ ەل تاريحى جايلى جازعان عىلىمي جازبالارىنىڭ ەلەكتروندى نۇسقاسىن تابۋعا بولادى.

ينتەرنەت-جوبا ٴوز وقىرماندارى ٴۇشىن تانىمال تاريحشىلارمەن جانە قوعام قايراتكەرلەرىمەن بەينە سۇحباتتار ٴتۇسىرىپ، زاماناۋي تۇرعىدا سيرەك كەزدەسەتىن قۇجاتتار مەن فوتولاردى، ينفوگرافيكالاردى ۇسىنىپ، الەۋمەتتىك جانە دەرەكتى فيلمدەر تۇسىرۋدە.

پورتالدا قازاقستان تاريحىنىڭ بەس كەزەڭىنىڭ ۇلكەن ەلەكتروندى قورى جيناقتالعان. وقىرمان قاۋىم مۇنداعى اقپاراتتاردى ونلاين تۇردە وقىپ، وقۋشىلار مەن ستۋدەنتتەر رەفەرات، كۋرستىق، ديپلومدىق جۇمىستارىنا الا الادى. ٴاربىر وقىرمان اقپاراتتارى وقي وتىرىپ، پىكىر، رەسەنزيا قالدىرا الادى.

وقىرماندارعا ٴۇش تىلدە: قازاق، ورىس، اعىلشىن تىلدەرىندە قىزمەت كورسەتەدى. قازىرگى ۋاقىتتا پورتالدا مىڭنان اسا كىتاپ ارحيۆتىك قۇجاتى مەن زەرتتەۋشى عالىمداردىڭ ماقالالارى توپتاستىرىلعان.

«national digital history – قازاقستان تاريحى» – ۇلتتىق تاريح پەن مادەنيەتتى ينتەرنەت ارقىلى كوپشىلىككە تاراتۋ ٴۇشىن قۇرىلعان بىرەگەي ٴبىلىم جوباسى. پورتالدا «قازاقستان تاۋەلسىزدىگىنە 25 جىل»، «ٴاليحان بوكەيحان 150 جىل»، «بولاشاق قازاقستان»، « ۇلى دالا»، «فولكلور»، «تاريحشىنىڭ ٴبىر كۇنى»، «تەاتر تاريح الەمىندە»، «يادرولىق قارۋسىز الەم – باستى ماقساتىمىز»، «قيىرداعى قازاقتار»، «ەتنوگرافيا ەنسيكلوپەدياسى» سىندى ارنايى جوبالارى شەڭبەرىندە بەلسەندى تۇردە قىزمەت اتقارۋ ۇستىندە.

ايتا كەتەر جايت ەلىمىزدەگى بارلىق سالالىق عىلىمي-زەرتتەۋ ورتالىقتارى، مۋزەيلەردەن، مۇراعاتتاردان جانە جوو تاريح، ارحەولوگيا فاكۋلتتەرىنەن كەلىپ تۇسكەن ماقالالار پورتال بەتىندە جارىق كورىپ، ارنايى تاريحشى-ساراپشىلار مالىمەتتەردى سۇزگىدەن وتكىزىپ وتىرادى.

2013 جىلى «ۇلتتىق award.kz ينتەرنەت-سىيلىعىندا» «بالا تاربيەسى، ٴبىلىم جانە عىلىم» ايدارى بويىنشا ۇزدىك دەپ تانىلدى. بۇنىڭ ٴبارى اشىلعانىنا بەس جىل تولىپ وتىرعان پورتال ٴۇشىن از جەتىستىك بولماسا كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي