BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لاتىن گرافيكاسىنداعى تۇڭعىش گازەت تانىستىرىلدى

استانا، baq.kz ٴتىلشىسى. بۇگىن قر ۇلتتىق اكادەميالىق كىتاپحانادا لاتىن الىپبيىندە جارىق كورەتىن «til-qazyna» رەسپۋبليكالىق اقپاراتتىق-تانىمدىق گازەتىنىڭ تانىستىرىلىمى ٴوتتى.

جاڭا الىپبيدە جارىق كورىپ وتىرعان تۇڭعىش باسىلىم قاراشا ايىنان باستاپ ايىنا ەكى مارتە باسىلادى. سونداي-اق، ەلباسى نۇرسۇلتان نازاربايەۆتىڭ 19 اقپانداعى №637 جارلىعىندا بەكىتىلگەن لاتىن نەگىزدى قازاق ٴالىپبيىن ناسيحاتتايتىن، جاڭا الىپبيگە قاتىستى اقپاراتپەن، تانىمدىق ماتەريالدارمەن بولىسەتىن بىرەگەي باسىلىم بولماق.

شاراعا قر مادەنيەت جانە سپورت ٴمينيسترى ارىستانبەك مۇحامەدي ۇلى ارنايى قاتىسىپ، گازەت ۇجىمىن جانە ونىڭ شىعۋىنا ۇيىتقى بولىپ وتىرعان ٴتىل ساياساتى كوميتەتى مەن شايسۇلتان شاياحمەتوۆ اتىنداعى «til-qazyna» ۇلتتىق عىلىمي-پراكتيكالىق ورتالىعىنا العىسىن ايتىپ، قۇتتىقتادى.

جاڭا باسىلىمنىڭ العاشقى سانىمەن تانىسقان قوعام جانە مەملەكەت قايراتكەرى مىرزاتاي جولداسبەكوۆ، گازەتتىڭ تولىقتاي جاڭا الىپبيىندە جارىق كورۋىن قۇپتادى.

«لاتىن الىپبيىنە كوشۋ تۋرالى ماسەلە سوناۋ تاۋەلسىزدىكتىڭ العاشقى جىلدارى كوتەرىلگەن بولاتىن. سول كەزدە ەلباسىمىز: «ونىڭ ٴوز ۋاقىتى كەلەدى» دەگەن ەدى. مىنە، سول ۋاقىت بۇگىن كەلدى. ٴبىزدىڭ كيريلليساعا ۇيرەنىپ قالعانىمىز سانشولىق، لاتىن الىپبيىندەگى ٴماتىندى وقۋ قيىنعا سوعاتىنداي كورىنەتىن. ٴبىراق، ولاي ەمەس ەكەن. مىنا گازەتتى ەجىكتەمەي جاپ-جاقسى وقىپ وتىرمىن. بىزگە لاتىن ٴالىپبيى ورالدى. قۇتتى بولسىن!» - دەدى مىرزاتاي جولداسبەكوۆ.

گازەت تانىستىرىلىمى بارىسىندا وتكەن عاسىردا لاتىن الىپبيىندە جارىق كورگەن قازاق باسىلىمدارىنىڭ تاريحىنا شولۋ جاسالىپ، لاتىن گرافيكاسىنداعى قازاق ٴتىلى الىپبيىنە كوشۋ كەزەڭدەرىندە جۇرگىزىلىپ جاتقان جۇمىستار بارىسى پىسىقتالادى. سونىمەن قاتار گازەتتىڭ الداعى ۋاقىتتاعى باعىتى تالقىلانىپ، بۇگىنگى قوعامنىڭ كۇن تارتىبىندە تۇرعان ەملە ماسەلەلەرى جايىندا ۇسىنىس-پىكىرلەر تىڭدالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي