BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردالىق جۋرناليستەردىڭ ماتەريالدارى كىتاپ بولىپ باسىلىپ شىعادى

استانا، baq.kz. ەلوردانىڭ 20 جىلدىعىن مەرەكەلەۋدىڭ اياسىندا جەرگىلىكتى «استانا اقشامى» مەن «ۆەچەرنيايا استانا» گازەتتەرىندە جاريالانعان ماتەريالداردىڭ نەگىزىندە ەكى تىلدە ەلوردانىڭ كۇندەلىكتى تىرشىلىگى مەن ٴار جىلى وتكەن ماڭىزدى ماقالالارى كىتاپ بولىپ باسىلىپ شىعادى. بۇل تۋرالى استانا قالاسى اكىمدىگىنىڭ رەسمي سايتى جازدى.

جوبا جەتەكشىسى قايسار جۇماباي ۇلى ماتەريالدار باسپاعا بەرىلمەس بۇرىن كوپتەگەن جۇمىستاردىڭ اتقارىلعانىن ايتادى.

«مۇنداي كىتاپتاردى شىعارۋ يدەياسى بىرنەشە جىل بۇرىن پايدا بولدى. «استانا اقشامى» مەن «ۆەچەرنيايا استانا» گازەتتەرىنىڭ بۇرىنعى نومەرلەرىندەگى ماتەريالداردى وقي وتىرىپ، مەن قالانىڭ قالاي وسكەندىگى، ونداعى قۇرىلىستىڭ قالاي جۇرگىزىلگەنى، ونىڭ دامۋ قارقىندىلىعى، ٴتۇرلى كەڭ-اۋقىمدى ساياسي، مادەني ٴىس-شارالار تۋرالى قىزىقتى ماتەريالدارمەن تانىستىم، قۇندى فوتوسۋرەتتەردى كوردىم. استانا تۇرعىندارى ٴۇشىن 20 جىل ىشىندە ەلوردامىزدىڭ قالاي وزگەرگەندىگىن كورۋ قىزىق بولادى دەپ ويلايمىن. ەڭ الدىمەن بۇل ماتەريالداردى گازەتتەرىمىزدىڭ بەتتەرىندە ارنايى ايدارمەن جاريالاۋدى ٴجون سانادىق. جىل باسىنان گازەتتەرىمىزدىڭ 20 ٴنومىرىن بەلگىلى ٴبىر جىلى جازىلعان ماتەريالدارعا ارنادىق. ەندى مىنە كىتاپتارىمىزدىڭ باسپادان شىققانىن كۇتىپ وتىرمىز»، - دەيدى «elorda aqparat» ٴجشس-نىڭ ديرەكتورى قايسار جۇماباي ۇلى.

ول، سونداي-اق، ٴار كىتاپتىڭ بىرەگەي بولاتىنىن ايتتى.

«قازاق تىلىندە شىعاتىن كىتاپ «استانا اقشامى» گازەتىندەگى ماتەريالدارعا، ورىس تىلىندەگى كىتاپ «ۆەچەرنيايا استانا» گازەتىندەگى ماتەريالدارعا نەگىزدەلگەن. ٴبىر قالاداعى شارالار بولعان سوڭ، ەكى كىتاپتاعى ماتەريالدار ۇقساس بولۋى مۇمكىن، ارينە. دەسەك تە، بۇل اۋدارما ەمەس. بۇل – ٴار ٴتۇرلى جۋرناليستەردىڭ جازعان ماقالالارى. كىتاپتىڭ اتاۋلارى ٴالى بەكىتىلگەن جوق. ولار «ەلوردا شەجىرەسى» جانە «سەردسە موە – استانا» دەگەن اتاۋمەن شىعادى دەپ جوسپارلاپ وتىرمىز»، - دەپ ٴبولىستى قايسار جۇماباي ۇلى.

ايتا كەتەيىك، جوسپار بويىنشا استانانىڭ 20 جىلدىعىنا وراي باسىپ شىعارىلاتىن كىتاپتار وسى جىلدىڭ قاراشا ايىندا تانىستىرىلماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي