BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ۇلى تۇلعالاردى ەسكە الدى 

استانا، baq.kz ٴتىلشىسى. ەلوردادا « ۇلىلىققا تاعزىم» اتتى تاريحي تانىمدىق شاراسى ٴوتتى.

تىلدەردى دامىتۋ جانە ارحيۆ ٴىسى باسقارماسى جانە «رۋحانيات» مەكەمەسى ٴماشھۇر ٴجۇسىپ كوپەي ۇلى مەن شاكارىم قۇدايبەردى ۇلىنىڭ 160 جىلدىعىنا، حالەل دوسمۇحامەد ۇلىنىڭ 135 جىلدىعىنا، امىرە قاشاۋبايەۆتىڭ 130 جىلدىعى جانە سۇلتانماحمۇت تورايعىروۆتىڭ 125 جىلدىعىن ەسكە الۋعا ارنالعان تاريحي-تانىمدىق كەش ۇيىمداستىردى.

شاراعا ف.ع.ك.، شاكارىمتانۋشى ومار جالەل ۇلى، ٴماشھۇر ٴجۇسىپ كوپەي ۇلىنىڭ ۇرپاعى، بەلگىلى عالىم، ف.ع.د. نارتاي ٴجۇسىپ، قوعام قايراتكەرى بەرىك ٴابدىعالي، قر ەڭبەك سىڭىرگەن قايراتكەرى، عالىم جارقىن شاكەرىم، ٴداستۇرلى ٴانشى بەرىك وماروۆ قاتىستى.

«رۋحاني» جاڭعىرۋ باعدارلاماسى اياسىندا « ۇلىلىققا تاعزىم» اتتى تاريحي تانىمدىق شارا ۇيىمداستىردىق. ول قازاق تاريحىندا اتى التىن ارىپپەن جازىلعان تۇلعالاردىڭ ەسىمى مەن ەڭبەگىن ۇلىقتاۋعا، سول ارقىلى جاس ۇرپاقتىڭ ٴبىلىم كوكجيەگىن كەڭەيتۋگە باعىتتالعان»، - دەدى «رۋحانيات» مەكەمەسىنىڭ باسشىسى ەرجان ەڭسەباي.

شارا بارىسىندا الاشتىڭ اياۋلى ازاماتتارى تۋرالى بەينەسيۋجەتتەر كورسەتىلىپ، بەلگىلى اقىندار ولەڭدەرىن وقىدى.

سونىمەن قاتار كەشتە تاريحي تۇلعالاردىڭ شىعارماشىلىق جولىن زەرتتەۋشى عالىمدار وي-پىكىرلەرىن ورتاعا سالىپ، قاليبەك قۋانىشبايەۆ اتىنداعى اكادەميالىق قازاق مۋزىكالىق دراما تەاترى اكتەرلارىنىڭ قاتىسۋىمەن ادەبي كومپوزيسيالار ورىندالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي