BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىن ٴابدىراحمان اسىلبەكوۆ دۇنيەدەن ٴوتتى

فوتو: Kaztube.kz

استانا، baq.kz. بۇل تۋرالى اقىن قالقامان سارين facebook پاراقشاسىنا جازدى.

«اقىن ٴابدىراحمان اسىلبەكوۆ اعامىز باقيلىق بولىپتى. اللا تاعالا قازانىڭ ارتىن قايىرلى ەتىپ، مارقۇمدى ٴوز راقىمىنا بولەسىن!»، - دەپ جازدى قالقامان سارين facebook پاراقشاسىنا.

ٴابدىراحمان اسىلبەكوۆ 1938 جىلى 1 مامىردا جامبىل وبلىسى تالاس اۋدانى ٴۇشارال اۋىلىندا دۇنيەگە كەلگەن.

ٴقازپي-دىڭ تاريح-فيلولوگيا فاكۋلتەتىن بىتىرگەننەن كەيىن مەكتەپتە ٴمۇعالىم بولعان. اسپيرانتۋرادا وقىپ، وبلىستىق گازەتتە، رەسپۋبليكالىق قازاق راديوسىندا، قازاق كسر مينيسترلەر كەڭەسىنىڭ باسپا، پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىندە قىزمەت جاساعان.

«جازۋشى» باسپاسى، «جالىن» باسپاسى، قازاقستان جازۋشىلار وداعىنداعى كوركەم ادەبيەتتى ناسيحاتتاۋ بيۋروسىندا، قازاقستان جازۋشىلار وداعىنىڭ جامبىل وبلىستىق بولىمشەسىندە، رەسپۋبليكالىق «ادىلەت» گازەتىندە، «مادەنيەت» گازەتىندە، «زاڭ» گازەتىندە

«كوزقاراس» گازەتىندە قىزمەت ىستەگەن.

«زاڭگەر» جۋرنالىندا ٴبولىم مەڭگەرۋشىسى، رەداكتوردىڭ ورىنباسارى، قازاقستان رەسپۋبليكاسىنىڭ باس پروكۋراتۋراسىنىڭ «قۇقىقتىق قازاقستان» گازەتىنىڭ باس رەداكتورى بولعان، قازىرگى كەزدە وسى گازەتتە باس رەداكتوردىڭ ورىنباسارى بولعان.

1955 جىلى «بەيبىتشىلىك باقشاسى»، «جاۋدى اياعان جارالى» سياقتى تىرناقالدى شىعارمالارى باسىلعان. بالالارعا ارنالعان العاشقى ولەڭدەر جيناعى 1961 جىلى جارىق كورگەن. سودان بەرگى ۋاقىتتا 31 جىر كىتابىن شىعاردى. ليريكا، ٴان ماتىندەرىن جازىپ، ساتيرا جانە اۋدارما جانرلارىمەن دە اينالىسىپ كەلەدى. كوپتەگەن بايقاۋلاردىڭ جەڭىمپازى، جۇلدەگەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي