BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى دالا ەلىنە ساياحات — «جاڭا جىبەك جولى» باعىتى بويىنشا ەكسپەديسيا تارازعا جەتتى

« ۇلى دالا eلىنە ساياحات» جوباسى اياسىندا ٴوتىپ جاتقان «جاڭا جىبەك جولى» باعىتى بويىنشا ەكسپەديسيا تاريحى تەرەڭ تاراز قالاسىنا كەلىپ جەتتى، دەپ حابارلايدى baq.kz اقپارات اگەنتتىگى primeminister.kz سىلتەمە جاساپ.

ەكسپەديسيا قاتىسۋشىلارى ەجەلگى تارازدىڭ ەكى مىڭ جىلدىق تاريحىمەن تانىستى. ەرتە كەزدەن بەرى ۇلى جىبەك جولىنىڭ بويىندا تۇرعاندىقتان بۇل قالانىڭ ماڭىزى وتە جوعارى بولعان. بۇل — كوپەستەر مەن قولونەرشىلەردىڭ قالاسى، مۇندا ازيا مەن ەۋروپا اراسىنداعى ساۋدا جولدارى توعىسقان. قازىرگى تارازدىڭ ماڭىندا تاريحي وقيعالاردىڭ كۋاسى بولعان ەسكەرتكىشتەر وتە كوپ، ولار: قاراحان مەن داۋىتبەك كەسەنەلەرى، امىرشىلەردىڭ سارايلارى، ەجەلگى ارحيتەكتۋرانىڭ ەرەكشە تۋىندىلارى — باباجى قاتىن جانە ايشا ٴبيبى كەسەنەلەرى، تەكتۇرماس كەشەنى، اقىرتاس قالاشىعى، قالي ٴجۇنىس مونشاسى، قالا ورنىنا تۇرعىزىلعان «ەجەلگى تاراز» ارحەولوگيالىق ساياباعى جانە تاعى باسقالارى. باباجى قاتىن مەن ايشا ٴبيبى كەسەنەلەرى يۋنەسكو دۇنيەجۇزىلىك مۇراسىنىڭ تىزىمىنە كىرەدى. سونداي-اق، ەكسپەديسيا مۇشەلەرى تاراز قالاسىنان 40 شاقىرىم جەردەگى اقىرتاس قالاشىعىنا باردى.

«تاريحى تەرەڭ قالامىز بۇگىندە مادەني جانە تاريحي ەسكەرتكىشتەرگە باي، ولار تۋرالى اڭىزدار شەتەلدەردە دە اسا تانىمال. بۇل فاكت وسى ايماقتىڭ تۋريستىك الەۋەتىنە ىقپال ەتەتىنى ٴسوزسىز. ارحەولوگتار جىل سايىن تاراز ماڭىنان ٴارتۇرلى بۇيىمدار مەن جادىگەرلەردى تاۋىپ الادى، ولار جەرگىلىكتى مۇراجايلاردا ساقتاۋلى. ٴبىز، ٴوز تاراپىمىزدان ينفراقۇرىلىمدى دامىتۋعا، تۋريستەردىڭ قاۋىپسىزدىگىن قامتاماسىز ەتىپ، ولارعا جايلى جاعداي جاساۋ ٴۇشىن قولىمىزدان كەلگەننىڭ ٴبارىن جاسايمىز»، — دەدى تاراز قالاسى اكىمىنىڭ ورىنباسارى ەرمەك قارابايەۆ.

تارازدىڭ جانە ونىڭ اينالاسىنىڭ كورىكتى جەرلەرىن كورىپ بولعان سوڭ، جوبا قاتىسۋشىلارى جامبىل جانە تۇركىستان وبلىستارىنىڭ اۋماعىندا ورنالاسقان، ورتا ازيا مەن قازاقستانداعى ەڭ ەسكى قورىقتاردىڭ ٴبىرى اقسۋ-جاباعىلىعا بەت الادى.

ارى قاراي ولار باتىس تيان-شان تاۋلارىنىڭ سولتۇستىك-شىعىسىنداعى سايرام-وگەم مەملەكەتتىك ۇلتتىق تابيعي ساياباعىنا بارىپ، سول جەردەن تەڭىز دەڭگەيىنەن 2350 مەتر بيىكتە ورنالاسقان سايرامسۋ كولىن كورىپ قايتادى. سونداي-اق قاتىسۋشىلار تۇركىستان وبلىسىنىڭ اۋماعىنداعى وتىرار قالاسى، ارىستان باب، قوجا احمەت ياسساۋي كەسەنەلەرى، ساۋران قالاسى مەن باسقا دا نىساندار ٴتارىزدى ارحەولوگيالىق جانە تابيعي ەسكەرتكىشتەرگە بارادى.

ەسكە سالا كەتەيىك، « ۇلى دالا ەلىنە ساياحات» جوباسى قازاقستان ايماقتارىنا جاسالاتىن ەڭ ٴىرى ەكسپەديسيا. ەكسپەديسيا التى باعىت بويىنشا التى تۋريستىك كلاستەردى قامتي وتىرىپ، ماڭىزدى تابيعي نىساندارعا بارۋ ارقىلى جۇرگىزىلەدى. ەكسپەديسياسىنىڭ ماقساتى — جاڭا تۋريستىك باعىتتاردى جاساۋ ٴۇشىن تابيعي، تاريحي، كيەلى مەكەندەرى زەرتتەۋ، ىشكى تۋريزم مەن ينفراقۇرىلىمدى دامىتۋ، جانە تۋعان ەلدى زەرتتەۋ. وعان قوسا، ەكسپەديسيا تۋرالى ماتەريالدار قازاقستاننىڭ تۋريستىك دەستيناسيا رەتىندە تانىلۋىنا جانە حالىقتى ىشكى تۋريزمگە تارتۋعا ىقپال ەتەدى. ەكسپەديسيا ناتيجەسىندە ەلىمىزدىڭ تابيعي نىساندارى بويىنشا جاڭا تۋريستىك باعىتتار، ساپالى فوتو-جانە ۆيدەوبانكتەر قۇرىلادى. ولاردىڭ قازىرگى جاعدايى تۋرالى وزەكتى اقپارات الىنادى، يلليۋستراسيالانعان جولنۇسقا جاسالاتىن بولادى.

مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ تاپسىرىسى بويىنشا ەكسپەديسيانى ۇيىمداستىرۋشى «kazakh tourism» ۇك. «جاڭا جىبەك جولى» ەكسپەديسياسىنىڭ باعىتىن «qazaqgeography» رقب جۇزەگە اسىرۋدا.

«جاڭا جىبەك جولى» باعىتى بويىنشا ەكسپەديسيا توبى 17 قىركۇيەكتە الماتى قالاسىنان شىققانىن ەستەرىڭىزگە سالا كەتەيىك. 13 كۇندە قاتىسۋشىلار الماتى، جامبىل جانە تۇركىستان وبلىستارىنا بارىپ قايتاتىن بولادى.

ەكسپەديسيا قۇرامى تاجىريبەلى ساياحاتشىلاردان، تۋروپەراتور وكىلدەرى مەن شەتەلدىك جانە قازاقستاندىق ترەۆەل-بلوگەرلەردەن، سونداي-اق «national geographic رەسەي» كومانداسىنان قۇرالعان.

ەكسپەديسيانىڭ العاشقى كۇندەرى الماتى وبلىسىندا ٴوتتى. قاتىسۋشىلار قازاقستان–قىتاي شەكاراسىندا بولىپ، قورعاس بەكەتىنە بارار جولدا جاركەنتتەگى ەرەكشە مەشىتكە سوقتى. بۇل مەشىت بىردە ٴبىر شەگەسىز، تيان-شان شىرشاسىنان سالىنعان. ارى قاراي ەكسپەديسيا مۇشەلەرى قازاقستانداعى ەڭ كورىكتى جەرلەردىڭ ٴبىرى – كولسايعا بارىپ، ونىڭ سۇلۋ كولدەرى مەن قايىڭدى كولىن تاماشالادى.

ارى قاراي ەكسپەديسيا اقتاۋ تاۋىنا، ايعايقۇمعا، شوقان ٴۋاليحانوۆ بۇلاعىنا، تالحيز قالاشىعىنا بارىپ، سوڭىنان الماتى قالاسىنىڭ كورىكتى جەرلەرى: «مەدەۋ» مۇزايدىنىن، «شىمبۇلاق» تشك مەن ۇلكەن الماتى كولىن كوردى. سونداي-اق ساياحاتشىلار الماتى وبلىسىندا يۋنەسكو دۇنيەجۇزىلىك مۇراسىنىڭ نىسانى بولىپ تابىلاتىن تامعالى شاتقالىنا بارىپ قايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي