BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تۋعان ەلگە تاعزىم» ەكسپەديسياسى باستالدى

فوتو: Автор

سولتۇستىك قازاقستان، baq.kz ٴتىلشىسى. «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمىنىڭ ۇيىمداستىرۋىمەن «تۋعان ەلگە تاعزىم» تانىمدىق-ولكەتانۋ ەكسپەديسياسى باستالدى. جوبا اياسىندا قازاقستاننىڭ بارلىق وبلىستارىنىڭ وقۋشىلارى باسقا وڭىرلەرگە ساياحات جاساپ، ٴتۇرلى باعىتتا زەرتتەۋ جۇرگىزەدى.

بيىل «اق قايىڭدار ولكەسى» اتتى تاقىرىپقا يە بولعان تانىمدىق-ولكەتانۋ ەكسپەديسياسى اياسىندا ماعجان جۇمابايەۆ، ٴسابيت مۇقنوۆ، عابيت مۇسىرەپوۆ، شوقان ٴۋاليحانوۆ سىندى ۇلتىمىزدىڭ ۇلىلارىن بەسىگىندە الديلەگەن قاسيەتتى قىزىلجار توپىراعى شىرايلى شىمكەنت پەن قۇت قونعان قىزىلوردادان كەلگەن مەيمانداردى قابىلدادى. وڭتۇستىك وڭىرلەردەن كەلگەن وقۋشىلار ٴبىر اپتا بويى سولتۇستىك قازاقستاننىڭ كورىكتى جەرلەرىن ارالايدى. ال پەتروپاۆل قالاسىنداعى نازاربايەۆ زياتكەرلىك مەكتەبىنىڭ وقۋشىلارى شىرايلى شىمكەنتكە تابان تىرەدى.

«2012 جىلدان بەرى نازاربايەۆ زياتكەرلىك مەكتەپتەرىندە «تۋعان ەلگە تاعزىم» جوباسى جۇزەگە اسىرىلىپ كەلەدى. وعان دەربەس ٴبىلىم بەرۋ ۇيىمىنىڭ قۇرامىنداعى 20 مەكتەپ قاتىسادى. قازاقستان – تابيعاتى كوركەم، تاريحى باي مەكەن. اتا-بابالارىمىزدىڭ نايزانىڭ ۇشىمەن، بىلەكتىڭ كۇشىمەن، قاسىق قانى قالعانشا قورعاعان بۇل جەر – جاس ۇرپاققا امانات. جوبانىڭ باستى ماقساتى – جاس ۇرپاقتىڭ وتانىنا دەگەن سۇيىسپەنشىلىگىن ارتتىرىپ، بويلارىنا پاتريوتتىق سەزىم ۇيالاتۋ. شىمكەنت پەن قىزىلوردادان كەلگەن وقۋشىلار ٴبىر اپتا بويى سولتۇستىك قازاقستاننىڭ تاريحي-مادەني ورىندارىن ارالاپ، مول ماعلۇمات الادى. ايىرتاۋ اۋدانىنداعى اعىنتاي مەن قاراساي باتىرلاردىڭ مەموريالدىق كەشەنىنە، ايعانىم قونىسىنا، شوقان ٴۋاليحانوۆ مۋزەيىنە بارادى. ماعجان بابامىزدىڭ تۋعان اۋىلى سارىتومارداعى مۋزەيىنە ساياحات جاسايدى»، - دەيدى پەتروپاۆل قالاسىنداعى نازاربايەۆ زياتكەرلىك مەكتەبى ديرەكتورىنىڭ تاربيە ٴىسى جونىندەگى ورىنباسارى ساۋلەت مۇقانوۆا.

پەتروپاۆلدى ارالاعان مەيماندار، قالاداعى ساۋلەت ونەرىنىڭ ەسكەرتكىشتەرىنە اينالعان عيماراتتارمەن تانىستى. ٴبىر عاسىردان ارتىق ۋاقىت شەجىرەسى بار نىساندار وسى كۇنگە دەيىن جاقسى ساقتالعان. كونەنىڭ كوزى - مەملەكەت قورعاۋىنا الىنعان.

«پەتروپاۆل – مەن ويلاعاننان ادەمى قالا ەكەن. اسىرەسە تاريحي ەسكەرتكىشتەردىڭ كوپتىگىنە كوزىم جەتتى. مەن مۇندا سولتۇستىك ٴوڭىردىڭ مادەنيەتىمەن، تىنىس-تىرشىلىگىمەن تانىسۋ ماقساتىندا كەلدىم. قالادا ماعجان جۇمابايەۆتىڭ ٴبىر ەمەس، ەكى ەسكەرتكىشى بار ەكەن. ەكەۋى دە ەڭسەلى، كوركى كوز تارتادى. ونى كورگەندە اقىن بابامىزعا دەگەن ەرەكشە كوزقاراس سەزىلدى. ماعجان اتامىزدىڭ تۋعان جەرىنە، مۋزەيىنە بارعىم كەلەدى»، - دەدى ەكسپەديسيادان العان اسەرىمەن بولىسكەن شىمكەنت قالاسىنىڭ نازاربايەۆ زياتكەرلىك مەكتەبىنىڭ وقۋشىسى اسىلبەك ٴسادۋاقاس.

قازاقي قوناقجايلىلىق پەن ۇلتتىق ٴداستۇردى بەرىك ۇستانعان ولكەدە ٴوڭىر ماقتانىشىنا اينالعان تاريحي ورىندار بارشىلىق. سونىڭ ٴبىرى – وبلىس ورتالىعىنداعى ەلباسى نۇرسۇلتان نازاربايەۆ ٴوزى تۇساۋىن كەسكەن ابىلاي حان رەزيدەنسياسى. وندا وقۋشىلار ٴۇش ٴجۇزدىڭ باسىن قوسقان قازاقتىڭ ۇلى تۇلعاسىنىڭ ٴومىرى مەن قىزمەتى جايىندا ماعلۇمات الىپ، قازاق تاريحىنىڭ تۇڭعيىعىنا تەرەڭ بويلاي الادى. سونىمەن قاتار، وقۋشىلاردى وبلىستىق تاريحي-ولكەتانۋ، بەينەلەۋ ونەرى مۋزەيلەرىمەن تانىستىرۋ جوسپاردا بار.

«وڭتۇستىك وڭىرلەردەن كەلگەن وقۋشىلار ٴۇشىن اق قايىڭدار ولكەسىندەگى «تۋعان ەلگە تاعزىم» ەكسپەديسياسى قىزىقتى ٴارى پايدالى وتەدى دەپ ويلايمىن. ٴبىر اپتا بويى ەكسپەديسياعا قاتىسۋشىلار سولتۇستىك قازاقستانداعى تاريحي-مادەني ورىنداردى ارالاپ، وزدەرىنە سارقىلماس رۋحاني بايلىق الادى. ساياحات اياقتالعان سوڭ، بالالار عىلىمي، پۋبليسيستيكالىق ەڭبەك جازادى. ٴبىزدىڭ مەكتەپتە جاس ۇرپاقتىڭ ساناسىن سەرپىلتىپ، وقۋشىلاردىڭ بويىنداعى تۋعان ەلگە دەگەن سۇيىسپەنشىلىگىن ارتتىراتىن شارالار بولاشاقتا دا جالعاسىن تابادى»، - دەدى پەداگوگ-ۇيىمداستىرۋشى ساۋلە ۋاليەۆا.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي