BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴشامشى قالداياقوۆ پەن نۇرعيسا تىلەنديەۆتىڭ شىعارماشىلىعىنا ارنالعان كەش وتەدى

استانا، baq.kz. قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇيىمداستىرۋىمەن ەلباسىنىڭ «رۋحاني جاڭعىرۋ» باعدارلاماسى اياسىندا ۆالس كورولى ٴشامشى قالداياقوۆ پەن قازاقتىڭ ۇلى پەرزەنتى نۇرعيسا تىلەنديەۆتىڭ شىعارماشىلىعىنا ارنالعان «ۇمىتىلماس اندەر» اتتى كەش وتەدى.

كەش اياسىندا ٴشامشى قالداياقوۆ پەن نۇرعيسا تىلەنديەۆتىڭ «ارىس جاعاسىندا»، «ساعىنىشىم مەنىڭ»، «باقىت قۇشاعىندا»، «شىعىستىڭ شولپانى»، «انا تۋرالى جىر»، «ٴوز ەلىم»، «تۋعان جەر»، «ساعىندىم عوي» سىندى حالىققا تانىمال ٴھام سۇيىكتى اندەر شىرقالادى.

«ۇمىتىلماس اندەر» كونسەرتىنە قازاقستان جانە تاتارستاننىڭ حالىق ٴارتىسى نۇرجامال ۇسەنبايەۆا، قازاقستاننىڭ ەڭبەك سىڭىرگەن ٴارتىسى باعدات سامەدينوۆا، قازاقستاننىڭ ەڭبەك سىڭىرگەن قايراتكەرلەرى ازامات جىلتىركوزوۆ، قايىرجان بەردىباي، مادەنيەت سالاسىنىڭ ۇزدىگى نۇرعالي تۇرلىبەكوۆ، حالىقارالىق جانە رەسپۋبليكالىق بايقاۋلاردىڭ لاۋرەاتتارى ارايلىم راحىمقىزى، شاحريزادا تىنىشتىق، التىنبەك ٴابىلدا، ٴداستۇر اسىلحان، مۇراتبەك حايرولدا، ديحان ىلياشەۆ ت. ب. قاتىسادى.

اتالمىش كەش ساناعا ساۋلە، جۇرەكتەرگە نۇر شاشادى. سەبەبى، ەشقاشان ەسكىرمەيتىن اندەردىڭ تۇعىرى بيىك. استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ كونسەرتى «رۋحاني جاڭعىرۋ» باعدارلاماسىنىڭ اياسىندا تاريحي-مادەني مۇرانى ساقتاۋ، دامىتۋ جانە دارىپتەۋ ماقساتىندا ۇيىمداستىرىلۋدا. كەش قازان ايىنىڭ 27 كۇنى ساعات 18:00-دە «استانا» كونسەرت زالىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي