BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساپاربايەۆ: جاستار اراسىنداعى قىلمىس، اجىراسۋ، جۇكتىلىك – ٴبارى تاربيەدەگى ولقىلىقتىڭ ناتيجەسى

قر پرەزيدەنتى نۇرسۇلتان نازاربايەۆتىڭ اقتوبەدە ٴوتىپ جاتقان «اناعا تاعزىم» انالار سلەتىنىڭ قاتىسۋشىلارىنا ارنالعان قۇتتىقتاۋ ٴسوزىن اقتوبە وبلىسىنىڭ اكىمى بەردىبەك ساپاربايەۆ وقىپ بەردى، دەپ حابارلايدى baq.kz اقپارات اگەنتتىگى.

- «رۋحاني جاڭعىرۋ» باعدارلاماسىنىڭ اياسىندا العاش رەت وتكىزىلىپ جاتقان انالار سلەتى – ەلىمىزدەگى وتباسىلىق احۋالدى جاقسارتۋعا باعىتتالعان اسا ماڭىزدى شارا. انا – ٴاربىر شاڭىراقتىڭ، سونداي-اق تۇتاس وتانىمىزدىڭ تىرەگى. ال قازاقستاندىق انالاردىڭ الەۋمەتتىك جاعدايى جاقسى بولىپ، ۇرپاعىنىڭ بولاشاعىنا الاڭداماي، باقىتتى عۇمىر كەشۋى – مەن ٴۇشىن ەڭ باستى ماقساتتاردىڭ ٴبىرى. سول سەبەپتى «قازاقستان-2050» ستراتەگياسىندا «انا مەن بالانى قورعاۋ – مەملەكەتتىڭ الەۋمەتتىك ساياساتىنىڭ ماڭىزدى بولىگى» دەپ جاريالادىم،- دەلىنگەن ەلباسىنىڭ قۇتتىقتاۋ سوزىندە.

سونىمەن قاتار، مەملەكەت باسشىسى نۇرسۇلتان نازاربايەۆ سلەت قاتىسۋشىلارىنىڭ جۇمىسىنا جەمىس تىلەگەن.

ەكى كۇندىك سلەتكە قازاقستاننىڭ تۇپكىر-تۇپكىرىنەن كەلگەن بارلىعى 1200-دەن اسا دەلەگات جينالدى. شارانىڭ باستى قاتىسۋشىلارى – مادەنيەت، سپورت، بيزنەس، ٴبىلىم مەن عىلىمنىڭ دامۋىنا ۇلەس قوسقان ايەلدەر، كوپ بالالى انالار.

سلەتتىڭ سالتاناتتى اشىلۋى كەزىندە وبلىس اكىمى بەردىبەك ساپاربايەۆ شارانىڭ باستى ماقساتى قوعام مەن بيلىكتىڭ وتباسى قۇندىلىقتارى مەن ۇلت دەنساۋلىعىن قورعاۋدا، وسكەلەڭ ۇرپاقتى تاربيەلەۋدە بىرىگۋى، وتباسىن، انا مەن بالانى قولداۋ ٴۇشىن ۇسىنىستار ازىرلەۋ بولىپ تابىلاتىنىن اتاپ ٴوتتى.

- بۇگىندە قوعامنىڭ، اسىرەسە جاستاردىڭ رۋحاني جانە مورالدىق دەنىنىڭ ساۋلىعى ٴبىرىنشى كەزەكتە. مۇندا جەكە-جەكە العانداعى ٴاربىر وتباسىنىڭ «دەنساۋلىعىنىڭ» ماڭىزى زور، -دەپ اتاپ ٴوتتى وبلىس اكىمى ٴوزىنىڭ سوزىندە.

ول ەلدىڭ بولاشاعى ٴۇشىن وسكەلەڭ ۇرپاقتى تاربيەلەۋدەگى پروبلەمالارعا قوعامنىڭ ەنجار قاراۋىنا قۇقىعى جوق ەكەنىن اتاپ ٴوتتى.

- كامەلەت جاسقا تولماعاندار اراسىنداعى قىلمىس، جاس وتباسىلاردىڭ اجىراسۋى، ەرتە جۇكتىلىك – وسىنىڭ ٴبارى تاربيە بەرۋ كەزىندە جىبەرىلگەن ولقىلىقتاردىڭ ناتيجەسى. بۇل پروبلەمالار ٴبىزدىڭ ٴارقايسىسىمىزدى تولعاندىرادى. بۇگىن ٴبىز كۇن تارتىبىندەگى سۇراقتى كونسترۋكتيۆتى تالقىلاپ قانا قويماي، وسى پروبلەمالاردى شەشۋدە ناقتى ۇسىنىستاردى ازىرلەيمىز دەپ ۇمىتتەنەمىن،-دەدى بەردىبەك ساپاربايەۆ.

شارا كەزىندە سونداي-اق، كسرو حالىق ٴارتىسى بيبىگۇل تولەگەنوۆا، سوسياليستىك ەڭبەك ەرى ۆەرا سيدوروۆا، بالالار قۇقىقتارى جونىندەگى ۋاكىل، سەنات دەپۋتاتى ساۋلە ايتبايەۆا، قر ەڭبەك سىڭىزگەن قايراتكەرى م.ايتقوجينا، قر ەڭبەك سىڭىرگەن قايراتكەرى التىنشاش جاعانوۆا ٴسوز سويلەدى.

ايتا كەتەيىك، اقتوبە وبلىسىندا بيىل رۋحاني-ادامگەرشىلىك قۇندىلىقتاردى، نەكە جانە وتباسى ينستيتۋتىن قوعام مەن مەملەكەتتىڭ تۇراقتىلىعى مەن اماندىعىن ساقتاۋدىڭ نەگىزگى قۇرالى رەتىندە نىعايتۋ.

ماسەلەن، 2018 جىل وڭىردە «باقىتتى بالا» جىلى بولىپ جاريالانعان بولاتىن. سونىڭ اياسىندا بالالارعا تاربيە بەرۋ، ساۋىقتىرۋ جانە ٴبىلىم بەرۋ جوبالارىن جۇزەگە اسىرۋعا 4،7 ملرد تەڭگە اۋدارىلدى. بۇدان باسقا، دەمەۋشىلەردىڭ قاراجاتتارى بەلسەندى تارتىلۋدا. وسى جىلدىڭ شىلدە ايىندا اقتوبەدە رەسپۋبليكالىق اكەلەر فورۋمى وتكەن بولاتىن. اكەلەر اللەياسى اشىلدى. بۇدان وزگە سلەتتى وتكىزۋ كۇندەرىندە اقتوبەدە رەسپۋبليكاداعى تۇڭعىش «اناعا تاعزىم» رۋحاني-ادامگەرشىلىك تاربيە بەرۋ ورتالىعى مەن انالار اللەياسى اشىلدى. نىسان مازمۇنى جاعىنان عانا بىرەگەي ەمەس، عيماراتتىڭ ديزاينى دا نازار اۋدارۋعا تۇرارلىق، كەشەن انانىڭ اق جاۋلىعى ىسپەتتى تۇرعىزىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي