BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا «ارقانىڭ اسىل مۇراسى» اتتى كورمە ٴوتتى

فوتو: Автор

پاۆلودار، baq.kz ٴتىلشىسى. پاۆلودار وبلىستىق گ. پوتانين اتىنداعى تاريحي-ولكەتانۋ مۋزەيىندە «ارقانىڭ اسىل مۇراسى» اتتى كورمە ۇيىمداستىرىلدى. مادەني شارانى ۇيىمداستىرۋعا قاراعاندى وبلىستىق مۋزەيى مۇرىندىق بولدى.

«رۋحاني جاڭعىرۋ» باعدارلاماسى شەڭبەرىندە وتكەن «ارقانىڭ اسىل مۇراسى» كورمەسى بۇقار ٴجىراۋدىڭ 350 جىلدىعىنا ارنالادى.

«ەرتىس ٴوڭىرىنىڭ تۇرعىندارىنا قاراعاندى تاريحي-ولكەتانۋ مۋزەيىنىڭ قورىنداعى 300-دەن استام جادىگەردى ۇسىنامىز. بۇل كونە ەكسپوناتتاردىڭ بارلىعى سارىارقا جەرىنىڭ تاريحى، سول زاماندا ٴومىر سۇرگەن حالىقتىڭ تۇرمىس-تىرشىلىگى تۋرالى سىر شەرتەدى. قوياندى جارمەڭەسى جايىندا مول ماعلۇمات بەرەتىن، سول كەزەڭدەگى ساۋدا-ساتتىقتىڭ قارىشتاپ دامىعانىن ايعاقتايدىن قۇندى زاتتار دا جەتەرلىك. كورمەنى ۇيىمداستىرۋ بارىسىندا كەنشىلەر وڭىرىندەگى 20-دەن استام قاسيەتتى جەرلەردىڭ ماڭىزدىلىعىنا دا ٴمان بەردىك»، - دەيدى قاراعاندى وبلىستىق تاريحي-ولكەتانۋ مۇراجايىنىڭ باسشىسى ەرجان نۇرماعانبەتوۆ.

ەلەڭ ەتكىزەر جادىگەرلەردىڭ قاتارىندا 2010 جىلى ايماقتىق «مادەني مۇرا» باعدارلاماسى اياسىندا جۇرگىزىلگەن قازبا-جۇمىستارى ناتيجەسىندە تابىلعان سارىارقانىڭ «التىن ادامىنىڭ» كوشىرمەسى بار. ونىڭ ٴتۇپنۇسقاسى استاناداعى ۇلتتىق مۋزەيدە ساقتاۋلى. قارقارالى وڭىرىنەن تابىلعان قورىمنىڭ ىشىندە 200 ۇلكەن جانە 20 مىڭنان استام ۇساق بولشەكتەر تابىلعان. وسى بولشەكتەردەن ساق پاتشاسىنىڭ كيىمى قۇراستىرىلعان.

«كورمەگە كەلۋشىلەر نازارىنا قاراعاندى وبلىسىنىڭ جەرىنەن تابىلعان قولا داۋىرىنەن باستاپ، ورتا عاسىرلارعا جاتاتىن ارتەفاكتىلەر ۇسىنىلدى»، - دەيدى مۋزەي ديرەكتورى.

ايتا كەتەيىك، قاراعاندى وبلىستىق تاريحي-ولكەتانۋ مۋزەيى 1932 جىلى اشىلىپ، 1938 جىلى وبلىستىق دارەجەگە يە بولدى. مۇراجايدىڭ ەكسپوزيسياسى 1800 شارشى مەتردى قۇرايتىن 14 زالدان تۇرادى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي