BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋلىق كاسىپكەر جەرلەستەرىنە «وpen air» كەشەنىن تارتۋ ەتتى

فوتو: Автор

«گورمولزاۆود» كاسىپورنى كوكشەتاۋدىڭ ورتالىق ساياباعىندا قالالىقتارعا سپورتتىق جاتتىعۋ كەشەنىن تارتۋ ەتتى، دەپ حابارلايدى baq.kz ايماقتاعى ٴتىلشىسى.

اشىق اسپان استىنداعى «وpen air» كەشەنى «رۋحاني جاڭعىرۋ» باعدارلاماسى اياسىندا پايدالانۋعا بەرىلىپ وتىر. بۇل ماقساتقا 5 ملن تەڭگە قاراجات جۇمسالعان.

«جاستاردىڭ ٴتۇزۋ جولدان تايقىماي، سالاۋاتتى ٴومىر سالتىن ۇستانۋى ٴۇشىن بارىنشا جاعداي جاسالىنۋدا. وسى ورايدا كوشە سپورتىنىڭ دامۋىنا ٴبىز دە ٴوز ۇلەسىمىزدى قوسقىمىز كەلدى. جاقىندا قالاداعى ۆاسيلكوۆ مولتەك اۋدانى مەن №4 ورتا مەكتەپ اۋماعىندا ەكى سپورت الاڭىن ورناتۋدى جوسپارلاپ وتىرمىز»، – دەيدى «گورمولزاۆود» كاسىپورنىنىڭ ديرەكتورى اسەن جاقسىلىقوۆ.

قالادا بۇقارالىق سپورتقا ايرىقشا كوڭىل بولىنۋدە. كوپقاباتتى ٴۇي اۋلالارىنا بەلتەمىر، باسقا دا سپورتقا قاجەتتى قۇرالدار ورناتىلۋدا.

«بۇگىندە سپورت زالدارىنا بارىپ جاتتىعۋعا كوپشىلىكتىڭ ۋاقىتى بولا بەرمەيدى. ال، كوشە بويلارىنا، اۋلالارعا ورناتىلعان قۇرالدارمەن كەز كەلگەن ۋاقىتتا جاتتىعۋ جاساۋعا بولادى. اسىرەسە جاستاردىڭ سپورتپەن اينالىسۋىنا، سالاۋاتتى ٴومىر سالتىن ۇستانۋىنا سەپتىگىن تيگىزەدى. مۇمكىندىگى شەكتەۋلى ازاماتتارعا قولايلى بولۋى ٴۇشىن ارنايى قۇرالدار ورناتىلدى»، – دەيدى قالالىق دەنەشىنىقتىرۋ جانە سپورت ٴبولىمىنىڭ جەتەكشىسى ٴۋاليحان گاليەۆ.

جاڭا الاڭداردىڭ كوپتەپ اشىلىپ جاتقانىنا تۇرعىندار دا رازى. بىلتىر وبلىس ورتالىعىندا 15 ميلليون تەڭگەگە 5 جاتتىعۋ الاڭى سالىندى. جاتتىعۋ الاڭدارى ۇلكەن-كىشى، جاس-كارىنىڭ بارلىعىنا ارنالعان.

«شىندىعىندا، كەز-كەلگەن فيتنەس كلۋبقا بارا قالساڭىز، اجەپتەۋىر قارجى تولەۋىڭىز كەرەك. ونى اركىمنىڭ قالتاسىنىڭ كوتەرە بەرمەۋى دە مۇمكىن عوي. ال مىناداي اسپان استىنداعى جاتتىعۋ الاڭى كەز-كەلگەن تۇرعىن ٴۇشىن قولجەتىمدى»،–دەيدى «التىن جاس» بىرلەستىگىنىڭ مۇشەسى ولگا زيتەۆا.

فوتو: اۆتور

قالاداعى «جايلاۋ» مولتەك اۋدانىنداعى №21 ورتا مەكتەبى، «سۇڭقار» مولتەك اۋدانى مەن ورتالىق ساياباق ماڭىنداعى جاتتىعۋ الاڭدارى قالالىقتاردىڭ سۇيىكتى ورنىنا اينالعان.

– ٴوزىم ساباقتان قولىم قالت ەتسە، وسىنداي الاڭدارعا كەلۋشىلەردىڭ ٴبىرىمىن. اسىرەسە، اقشاسى از ستۋدەنتتەرگە جاقسى دەپ ويلايمىن. ويتكەنى، بۇل ەشقانداي دا قارجىنى قاجەت ەتپەيدى. سوندىقتان مۇنداي ورىنداردىڭ كوبەيە تۇسكەنىن قالايمىن، – دەيدى ايدانا ساكەنقىزى ەسىمدى ستۋدەنت.

كوكشەتاۋلىق «empire workout» كوشە گيمناستيكاسى كومانداسى وسىدان ٴۇش جىل بۇرىن قۇرىلعان. كوماندا سپورتتىق ويىنداردا جوعارى كورسەتكىشتەرگە قول جەتكىزىپ ٴجۇر. بۇگىندە اتالمىش سپورت تۇرىنە قىزىعۋشىلاردىڭ قاتارى ارتىپ كەلەدى.

«سپورتتىڭ بۇل ٴتۇرىنىڭ ارتىقشىلىعى كوپ. street workout دەنەنى شىنىقتىرۋعا عانا ەمەس، سونىمەن قاتار اقىل-وي ٴورىسىن دامىتۋعا كومەكتەسەدى. سوندىقتان جاستار اراسىندا تانىمال بولۋدا. سەبەبى بۇل سپورتپەن كەز كەلگەن ادام شۇعىلدانا الادى. ونىمەن اينالىسۋ ٴۇشىن فيتنەس-كلۋبتارعا بارۋدىڭ قاجەتى جوق، ەسىك الدىنداعى الاڭداردا سپورت جابدىقتارى بولسا بولعانى»، – دەيدى «empire workout» كوشە گيمناستيكاسى كومانداسىنىڭ مۇشەسى ەرلان مۇسا ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
14 جەلتوقسان 2018, 14:17
air astana جاڭا ۇشاقپەن تولىقتى
كوممەنتاريي