BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە وبلىسىندا انالار سلەتى وتەدى

مەملەكەت باسشىسى ن.ٴا.نازاربايەۆتىڭ "رۋحاني جاڭعىرۋ" باعدارلاماسىن جۇزەگە اسىرۋ اياسىندا 20-21 قىركۇيەك كۇندەرى اقتوبەدە انالار سلەتى وتەدى، دەپ xابارلايدى baq.kz اقپارات اگەنتتىگى.

اۋقىمدى شاراعا ەلىمىزدىڭ دامۋىنا ٴوز ۇلەستەرىن قوسقان مەملەكەتتىك قىزمەت، كاسىپكەرلىك، مادەنيەت، ٴبىلىم، دەنساۋلىق ساقتاۋ جانە سپورت سالالارىندا ەڭبەك ەتەتىن 1200-دەن استام وكىل قاتىسادى.

سلەتكە قاتىسۋشىلار ٴۇشىن اقتوبە قالاسىنىڭ مادەني جانە سپورتتىق نىساندارىن ارالاۋ، سونداي-اق، ۇلكەن ٴىس-شارالارعا قاتىسۋلارى قاراستىرىلعان ەكى كۇندىك اۋقىمدى باعدارلاما دايىندالدى.

دوڭگەلەك ۇستەل بارىسىندا سلەتقا كەلگەن ارنايى وكىلدەر ايەلدەردىڭ قوعامداعى الەۋمەتتىك ٴرولى مەن مارتەبەسىن ارتتىرۋدىڭ، دەموگرافيالىق ساياساتتى دامىتۋدىڭ وزەكتى ماسەلەلەرىن، سونداي-اق، قازىرگى زامانعى وتباسى، انا مەن بالا ماسەلەلەرىن تالقىلاپ، ولاردى شەشۋدىڭ ناقتى جولدارىن تالداي الادى.

انالار سلەتىندە "تۋعان جەرگە تاعزىم" اكسياسى اياسىندا مەسەناتتار قاراجاتىنا سالىنعان قازاقستانداعى تۇڭعىش "اناعا تاعزىم" رۋحاني-تانىمدىق تاربيە ورتالىعىنىڭ اشىلۋى جوسپارلانعان. اتالمىش جوبا ٴبىزدىڭ ٴارقايسىمىز ٴۇشىن ەسىمدەرى قاسيەتتى بارلىق انالارعا قۇرمەت كورسەتۋگە ارنالعان. قوناقتار ورتالىقتىڭ ەكسپوزيسيالىق زالىندا قازاقستان تاريحىندا ماڭىزدى ٴرول اتقارعان قازاق حالقى ايەلدەرىنىڭ ٴومىرى مەن ەرلىك ىستەرى تۋرالى تانىسا الادى.

"اناعا تاعزىم" ورتالىعىندا جاستاردىڭ قازىرگى قوعامدا قاجەتتى قۇندىلىقتى باعدارلارىن دامىتۋعا مۇمكىندىك بەرەتىن، وسكەلەڭ ۇرپاققا ٴبىلىم بەرۋ مەن تاربيە جۇمىستارىن جۇرگىزۋ، پسيحولوگيالىق كەڭەس بەرۋ، جالپى دامۋ ٴۇشىن قولدانبالى ونەر، سونداي-اق، مۋزىكالىق تاربيە، ستيليستيكا جانە ديزاين، سونىمەن قاتار، وتباسىلىق ترەنينگ كابينەتتەرى جانە باسقا دا قىزمەت تۇرلەرى جۇمىس جاسايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي