BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اباي» وپەراسى تۇڭعىش رەت يتاليادا ۇسىنىلماق

«استانا وپەرا» تەاترى يتالياعا گاسترولدىك ساپارمەن جول تارتپاق. ۇجىم 8 جانە 10 قاراشا كۇندەرى اتاقتى گەنۋيالىق «كارلو فەليچە» تەاترىنىڭ ساحناسىندا ونەر كورسەتەدى، دەپ حابارلايدى baq.kz اقپارات اگەنتتىگى.

كورەرمەن نازارىنا ا.جۇبانوۆ پەن ل.ٴحاميديدىڭ «اباي» وپەراسى، سونىمەن قاتار ل.ۆ.بەتحوۆەننىڭ №9 سيمفونياسى ۇسىنىلادى. گاسترول قر مادەنيەت جانە سپورت مينيسترلىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا وتەدى.

ديريجەرلىك پۋلت باسىندا – قر ەڭبەك سىڭىرگەن قايراتكەرى، «استانا وپەرا» تەاترىنىڭ باس ديريجەرى، الەمگە ايگىلى ماەسترو الان بورىبايەۆ. ونىڭ پارتيتۋرانى جەتكىزە ٴبىلۋى ەرەكشە: مۋزىكالىق ماتەريال انىق-قانىق ٴتۇسىندىرىلىپ، وي شىڭىنىڭ اسقاق بيىگىندە وقىلعان. ا.بورىبايەۆتىڭ باسقارۋىنداعى وركەستردىڭ ٴۇنى دە ايرىقشا.

قازىرگى زاماننىڭ اتاقتى سسەنوگرافى ەسيو فريدجەريو مەن كوستيۋمدەر بويىنشا سۋرەتشى – «وسكار» سىيلىعىنىڭ لاۋرەاتى فرانكا سكۋارچاپينونىڭ كەرەمەت ۇيلەسكەن شىعارماشىلىق جۇبىنىڭ وپەرانى جاساۋ بويىنشا اتقارعان جۇمىسىنا كورەرمەننىڭ بەي-جاي قالمايتىنى انىق. بىرەگەي سسەنوگرافيا اقىننىڭ ىشكى جان-دۇنيەسىن اشقانداي: يتالياندىق ونەرسۇيەر قاۋىم ابايدىڭ جۇمىس ورنىنان التىن ٴتۇستى وراسان زور كىتاپحانا، گلوبۋس، ارميللياردى ... كورە الادى. ال بولمەنىڭ ەسىگى تاڭدانعان جۇرتشىلىقتىڭ الدىندا ايقارا اشىلادى. سوڭعى كورىنىستە پايدالانىلاتىن 3d-تەحنولوگياسى وتە ورىندى قوسىلىپ، شاتتىققا تولى اسەرگە بولەيدى.

«استانا وپەرا» موبت قويىلىمىنداعى «اباي» وپەراسى 2018 جىلعى ادەبيەت جانە ونەر سالاسىنداعى مەملەكەتتىك سىيلىق الۋعا ۇسىنىلىپ، ەكىنشى كەزەڭىنە وتكەنىن ايتا كەتكەن ٴجون. مۋزىكا سىنشىلارى اتالمىش ساحنالىق قويىلىمنىڭ الىپتىعىن، كوپقىرلىلىعى مەن اۋقىمدىلىعىن بىرنەشە رەت اتاپ ٴوتتى. ول قازاقستاننىڭ وپەرا ونەرىنىڭ جاڭا كەزەڭى بولىپ تابىلادى جانە الەمنىڭ ۇزدىك ساحنالارىندا تالاي رەت ۇسىنىلاتىنى ٴسوزسىز.

«كارلو فەليچە» تەاترىنىڭ باسشىلىعى يتالياندىقتاردىڭ «استانا وپەرانىڭ» نيۋ-يورك، پاريج جانە ەۋروپا مەن اقش-تىڭ باسقا دا قالالارىندا ٴساتتى وتكەن گاسترولدەرى جايلى ەستىپ، قانىق بولعاندىعىن جەتكىزدى.

«بۇل يتاليانىڭ وپەرا تاريحىنداعى عالامات «اباي» سپەكتاكلىنىڭ تۇڭعىش ورىندالۋى بولماق. وقيعاعا ەرەكشە ماڭىزدىلىق ۇستەيتىن ونىڭ قازاق تىلىندە قويىلۋى»، - دەپ اتاپ ٴوتتى «كارلو فەليچە» تەاترىنىڭ ديريجەرى دجۋزەپپە اكۋاۆيۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي