BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴتىل ماسەلەسى تالقىلاندى

الماتى، baq.kz قازاقستان رەسپۋبليكاسى مادەنيەت جانە سپورت مينيسترلىگى ٴتىل ساياساتى كوميتەتى شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى «جاڭا ەملە ەرەجەلەرىن مەڭگەرتۋ: ٴادىسناماسى مەن ادىستەمەسى» تاقىرىبىندا رەسپۋبليكالىق سەمينار-كەڭەس وتكىزدى.

"سەميناردىڭ ماقساتى – لاتىن گرافيكاسىنا نەگىزدەلگەن جاڭا ەملە ەرەجەلەرىن مەڭگەرتۋدىڭ عىلىمي-پراكتيكالىق ۇستانىمدارىن تالقىعا سالىپ، وقىتۋ پروسەسىندە كەزدەسەتىن قيىندىقتاردى انىقتاۋ جانە ولاردى شەشۋدىڭ ٴتيىمدى جولدارىن كورسەتۋ" - دەيدى ۇيىمداستىرۋشىلار.

لاتىن گرافيكاسىنا نەگىزدەلگەن جاڭا ەملە ەرەجەلەرى بەكىتىلگەننەن كەيىن ادىستەمەلىك جۇمىس توبىنىڭ جۇمىسى جاندانىپ، جاڭا ەملەنى مەڭگەرتۋ پروسەسىن ۇيىمداستىرۋ شارالارى قولعا الىناتىنى بەلگىلى. وسىعان وراي رەسپۋبليكاعا بەلگىلى ادىسكەر-عالىمداردىڭ، وڭىرلەردەگى تىلدەردى وقىتۋ ورتالىقتارى ماماندارىنىڭ جاڭا ەملەنى وقىتۋدىڭ العىشارتتارى جونىندەگى تەوريالىق جانە پراكتيكالىق وي-پىكىرلەرى مەن تۇجىرىمدارى تالداندى.

شاراعا قر مادەنيەت جانە سپورت مينيسترلىگى ٴتىل ساياساتى كوميتەتىنىڭ قىزمەتكەرلەرى، شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعىنىڭ ماماندارى، ۇلتتىق كوميسسيا جانىنداعى ادىستەمەلىك جانە ورفوگرافيالىق جۇمىس توپتارىنىڭ مۇشەلەرى، «ورلەۋ» باۇو» اق، ى.التىنسارين اتىنداعى ۇلتتىق ٴبىلىم اكادەمياسى، «وقۋلىق» رەسپۋبليكالىق عىلىمي-پراكتيكالىق ورتالىعىنىڭ، ۇلتتىق تەستىلەۋ ورتالىعىنىڭ وكىلدەرى، رەسپۋبليكالىق وقىتۋ ورتالىقتارىنىڭ باسشىلارى مەن ادىسكەرلەرى، باق وكىلدەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي