BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: ٴبىز تاجىكستانعا ٴاردايىم كومەك كورسەتىپ، قولداۋ بىلدىردىك

فوتو: Ақорда

قازاقستان پرەزيدەنتى نۇرسۇلتان نازاربايەۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەستى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

مەملەكەت باسشىسى بيىلعى 28 قىركۇيەكتە وتەتىن تمد ەلدەرى باسشىلارى كەڭەسىنىڭ وتىرىسىنا قاتىسۋ ٴۇشىن دۋشانبە قالاسىنا باردى.

قازاقستان پرەزيدەنتى تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەسۋ وتكىزدى.

كەزدەسۋدە تاراپتار ەكى جاقتى قاتىناستاردىڭ قازىرگى ماسەلەلەرىن جانە ەكونوميكانىڭ ٴتۇرلى سەكتورلارىنداعى ىنتىماقتاستىقتى ودان ٴارى دامىتۋدىڭ پەرسپەكتيۆالارىن تالقىلادى.

– ەلدەرىمىز اراسىندا ٴوزارا سەنىمگە نەگىزدەلگەن قارىم-قاتىناس ورنادى. ٴبىز تاجىكستانعا ٴاردايىم كومەك كورسەتىپ، قولداۋ بىلدىردىك. بۇگىندە وسى ىنتىماقتاستىعىمىزدى تەرەڭدەتىپ، ٴوزارا ساۋدا-ساتتىقتى ىلگەرىلەتۋدى كوزدەپ وتىرمىز، – دەدى مەملەكەت باسشىسى.

سونىمەن قاتار، نۇرسۇلتان نازاربايەۆ تمد ەلدەرى اراسىنداعى بايلانىستاردى ودان ٴارى نىعايتۋ جانە ينتەگراسيالىق ۇدەرىستەردى كەڭەيتۋ ٴۇشىن شارالار قابىلداۋدىڭ ماڭىزدى ەكەنىنە نازار اۋداردى.

تاجىكستان پرەزيدەنتى ەكى ەل اراسىندا قالىپتاسقان قاتىناستاردىڭ ستراتەگيالىق سيپاتى تۋرالى ايتتى.

– قازاقستان تاجىكستاننىڭ نەگىزگى ستراتەگيالىق جانە ەكونوميكالىق ارىپتەستەرىنىڭ ٴبىرى. ٴبىزدىڭ ساۋدا-ەكونوميكالىق قاتىناستارىمىز كەڭەيىپ كەلەدى، – دەدى ە.راحمون.

تاجىكستان پرەزيدەنتى ەمومالي راحمون نۇرسۇلتان نازاربايەۆتىڭ حالىقارالىق ارەناداعى بەدەلىن ەرەكشە اتاپ ٴوتىپ، كورسەتىپ وتىرعان ەكونوميكالىق جانە ساياسي قولداۋى ٴۇشىن قازاقستانعا ريزاشىلىق ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي