BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: 2022 جىلعا قاراي «زەنيت» زىمىرانى دايىن بولادى

مەملەكەت باسشىسى «وڭىرلەردىڭ استاناعا تارتۋى» جوباسى اياسىندا قىزىلوردا وبلىسى سالعان زىمىران-عارىش تەحنيكاسى مۋزەيىنىڭ اشىق ەكسپوزيسياسىن ارالاپ كوردى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

قازاقستان پرەزيدەنتى ەكسپوزيسيا اۋماعىندا قىزىلوردا وبلىسىنىڭ جۇرتشىلىق وكىلدەرىمەن اڭگىمەلەستى.

ەلباسىعا عارىش اپپاراتتارىن قۇراستىرۋ-سىناۋ كەشەنىنىڭ مۇمكىندىكتەرى تانىستىرىلدى.

مەملەكەت باسشىسى عىلىم مەن جاڭا تەحنولوگيالاردى دامىتۋ ىسىندەگى عارىش ونەركاسىبىنىڭ ماڭىزدىلىعىن اتاپ ٴوتتى.

"مەنىڭ تاپسىرمام بويىنشا فرانسۋز تاراپىمەن بىرلەسىپ، جاساندى جەر سەرىگىن قۇراستىراتىن زاۋىتتى ىسكە قوستىق. جۋىردا ٴوزىمىزدىڭ جەر سەرىكتەرىمىزدى قۇراستىرۋعا كىرىسەمىز. بىزدە زىمىران ۇشىراتىن قۇرىلعى بار، 2022 جىلعا قاراي «زەنيت» زىمىرانى دايىن بولادى. وسىلايشا، عارىش ونەركاسىبىمىز جاڭا تەحنولوگيالىق دەڭگەيگە كوتەرىلىپ، قازاقستان تولىققاندى عارىش دەرجاۆاسىنا اينالاتىن بولادى"، – دەدى نۇرسۇلتان نازاربايەۆ.

***

مۋزەي «قازاقستان عارىش ساپارى» ۇلتتىق عارىش ورتالىعىنىڭ اۋماعىندا ورنالاسقان. استانانىڭ 20 جىلدىعىنا سىيعا تارتىلعان زىمىران-عارىش تەحنيكاسى مۋزەيىنىڭ اشىق ەكسپوزيسياسىندا «سويۋز»، «پروتون»، «زەنيت» زىمىران تاسىعىشتارىنىڭ، سونداي-اق «بوران» وربيتا كەمەسىنىڭ ۇلگىلەرى قويىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي