BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ وقۋلارىنا 1500 ادام قاتىسادى

استانا. 19 قاراشا. baq.kz - 29-شى قاراشادا ٴى نازاربايەۆ وقۋلارى وتەدى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ ٴباسپاسوز ٴماسليحاتى بارىسىندا قر ٴبىلىم جانە عىلىم مينيسترلىگىنىڭ جاۋاپتى حاتشىسى ٴاليا عالىموۆا مالىمدەدى.

«29-شى قاراشادا ٴى نازاربايەۆ وقۋلارى وتەدى. تاقىرىبى – «جاڭا الەمدەگى جاڭا قازاقستان». فورۋم نازاربايەۆ ۋنيۆەرسيتەتىندە وتەدى. دامۋدىڭ قازاقستاندىق جولى الەمدە قىزىعۋشىلىق تۋدىرۋدا. نۇرسۇلتان ٴابىش ۇلى نازاربايەۆ مودەلىن زەردەلەۋگە دەگەن قىزىعۋشىلىقتى ەسكەرە وتىرىپ نازاربايەۆ ورتالىعى مەن ٴبىلىم جانە عىلىم مينيسترلىگى جىل سايىن نازاربايەۆ وقۋلارىن وتكىزۋدى داستۇرگە اينالدىرماق. ول جەتەكشى ساراپشىلاردىڭ، ساياسي قايراتكەرلەردىڭ جانە الەم عالىمدارىنىڭ قاتىسۋىمەن وتەتىن بولادى»، - دەدى ٴا.عالىموۆا. 
ونىڭ ايتۋىنشا، حالىقارالىق وقۋلار جۇمىسى قازاقستاننىڭ سىرتقى ساياسي باستامالارى، جاڭا ەكونوميكالىق مودەل، قازاقستاننىڭ يننوۆاسيالىق دامۋى، قازاقستاننىڭ الەۋمەتتىك جاڭعىرتىلۋى، زاماناۋي مەملەكەتتى قۇرۋ اتتى 5 پانەلدىك سەسيادان تۇرماق. سونىمەن قاتار، جاستار ماسەلەلەرى جەكە قارالاتىن بولادى. 

«نازاربايەۆ وقۋلارىنىڭ شەڭبەرىندە ەلباسى نۇرسۇلتان ٴابىش ۇلى نازاربايەۆقا ارنالعان كىتاپ جانە فوتوسۋرەت كورمەسى ۇيىمداستىرىلادى. قازىرگى تاڭدا ٴى نازاربايەۆ وقۋلارىنا 1500-دەن استام ادام قاتىساتىنى بەلگىلى بولىپ وتىر. بەدەلدى ساراپشىلار كوميسسياسى نازاربايەۆ وقۋلارىنىڭ نەگىزگى تاقىرىپتارى بويىنشا 14 پلەنارلىق، 62 پانەلدىك جانە 409 ستەندتىق باياندامانى ىرىكتەپ العان. قازىرگى تاڭدا الەمنىڭ 51 ەلىنەن تانىمال ساياسي قاراتكەرلەر، حالىقارالىق ساراپشىلار مەن اتاقتى عالىمدار قاتىساتىنىن راستادى»، - دەپ تولىقتىردى ول.

 

ديانا قۇلماعانبەتوۆا

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي