BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى: شىعىس قازاقستان وبلىسى ەلىمىزدىڭ ٴىرى ونەركاسىپتىك ٴوڭىرىنىڭ ٴبىرى

ەلباسى شىعىس قازاقستان وبلىسىنا جۇمىس ساپارىنىڭ قورىتىندىسى بويىنشا باق وكىلدەرىنە ارنالعان بريفينگ وتكىزدى، دەپ حابارلايدى اقوردانىڭ ٴباسپاسوز قىزمەتى.

قازاقستان پرەزيدەنتى شىعىس قازاقستان وبلىسى ەلىمىزدىڭ ٴىرى ونەركاسىپتىك ٴوڭىرىنىڭ ٴبىرى ەكەنىن جانە قازىرگىدەي كۇردەلى جاعدايدا جاقسى ٴوسىم قارقىنىن كورسەتىپ وتىرعانىن اتاپ ٴوتتى.

– مەن وبلىسقا ەل تاۋەلسىزدىگىنىڭ 25 جىلدىعىندا كەلىپ وتىرمىن. ونەركاسىپتىك ٴوندىرىس ٴوسىمى بيىلعى 5 ايدا 39% بولعانى، اۋىل شارۋاشىلىعى 13%-عا وسكەنى، ال ەڭبەكاقى 11%-عا ۇلعايعانى قۋانتادى، – دەدى مەملەكەت باسشىسى.

نۇرسۇلتان نازاربايەۆ وڭىردە يندۋستريالىق باعدارلامانىڭ، سونداي-اق «نۇرلى جول» باعدارلاماسى اياسىندا اۆتوموبيل جولدارى قۇرىلىسىنىڭ ٴتيىمدى جۇزەگە اسىرىلىپ جاتقانىن ايتىپ، وبلىستىڭ ونەركاسىپتىك الەۋەتىنە توقتالدى.

– مۇندا «قازمىرىش»، «قازاقمىس»، وسكەمەن تيتان-ماگنيي كومبيناتى، ٴۇلبى مەتاللۋرگيا كومبيناتى، ەڭ ٴىرى سۋ ەلەكتر ستانساسى سياقتى ەلىمىزدىڭ جەتەكشى كاسىپورىندارى ورنالاسقانى ٴمالىم، – دەدى قازاقستان پرەزيدەنتى.

مەملەكەت باسشىسى جۇمىس ساپارىنىڭ ٴبىرقاتار نەگىزگى تۇستارىنا توقتالىپ ٴوتتى.

– مەن ٴبىزدىڭ ماشينا جاساۋ يندۋستريامىزدىڭ العاشقى قارلىعاشى – «ازيا اۆتو» كاسىپورنىنا باردىم. قازاقستان ەشقاشان اۆتوموبيل شىعارماعان ەدى، ال ٴقازىر بىزدە قۇراستىرۋ ٴوندىرىسى جولعا قويىلدى. دامىعان اۆتوموبيل يندۋسترياسى بار كوپتەگەن ەل ناق وسى قۇراستىرۋدان باستاعان. سوسىن ماماندار دايارلاپ، جەرگىلىكتى قىزمەتكەرلەر ۇلەسىن ۇلعايتىپ، بىرتىندەپ ٴتول ٴوندىرىسىن ىسكە قوستى، – دەدى نۇرسۇلتان نازاربايەۆ.

مەملەكەت باسشىسى شەتەلدە وقىپ كەلىپ، بۇگىندە وتاندىق كاسىپورىنداردا جۇمىس ىستەپ جاتقان جاس مامانداردىڭ ۇلەسىن اتاپ ٴوتتى.

قازاقستان پرەزيدەنتى «100 مەكتەپ، 100 اۋرۋحانا» مەملەكەتتىك باعدارلاماسى اياسىندا ىسكە قوسىلعان وبلىستىق قان ورتالىعى سياقتى الەۋمەتتىك مەكەمەلەر قىزمەتىنىڭ ماڭىزدىلىعىن ايتتى.

– بۇل نىسان دەنساۋلىق ساقتاۋ سالاسى ٴۇشىن وتە ماڭىزدى، حالىق تا مۇنى ٴتۇسىنىپ، قان وتكىزۋ ٴۇشىن توپ-توپ بولىپ كەلىپ جاتىر، – دەدى نۇرسۇلتان نازاربايەۆ.

سوڭىندا مەملەكەت باسشىسى وبلىستىڭ جالپى قالىپتى دامىپ كەلە جاتقانىن، ال تۇيتكىلدى ماسەلەلەر جۇيەلى شەشىمىن تاباتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي