BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: ەلدەگى نەمىس دياسپوراسى مەن گەرمانياداعى قازاقستاندىق نەمىستەر - اراداعى التىن كوپىر

بۇگىن اقوردادا بەس مەملەكەتتىڭ ەلشىلەرى قازاقستان پرەزيدەنتى نۇرسۇلتان نازاربايەۆقا سەنىم گراموتالارىن تابىستادى. شارادا ەلباسى قازاقستاننىڭ گەرمانيا، ۋكراينا، برازيليا، ليۆان مەن پəكىستانمەن قارىم-قاتىناسىنا توقتالدى، دەپ حابارلايدى baq.kz ٴتىلشىسى.

"گەرمانيامەن بۇگىنگى سەنىمدى قارىم-قاتىناسىمىز ستراتەگيالىق دەڭگەيگە كوتەرىلدى. بۇل رەتتە گەرمانيا پرەزيدەنتىنىڭ وتكەن جىلعى شىلدەدەگى استاناعا العاشقى رەسمي ساپارى جانە ەكسپو-2017 كورمەسىنە قاتىسۋى ەكى جاقتى ىنتىماقتاستىققا تىڭ سەرپىن بەردى. ٴبىز گەرمانيالىق əرىپتەستەرىمىزبەن بىرلەسىپ قازاقستانعا ٴتورتىنشى ونەركəسىپتىك رەۆوليۋسيا ەلەمەنتتەرىن ەنگىزۋ، وزىق تەحنولوگيا مەن ينۆەستيسيا تارتۋ جونىندە كەشەندى جۇمىستى جالعاستىرۋعا نيەتتىمىز. ٴتيىستى ەكى جاقتى قۇجاتتار قابىلدانعان بولاتىن. قازاقستانداعى نەمىس دياسپوراسى مەن گەرمانياداعى قازاقستاندىق نەمىستەردى ەكى ەل اراسىنداعى التىن كوپىر ەتىپ پايدالانۋىمىز كەرەك"، - دەدى مەملەكەت باسشىسى.

سونداي-اق، ەلباسى ٴوز سوزىندە قازاقستاننىڭ ۋكراينا، پاكىستان، برازيليا، ليۆان ەلدەرىمەن قارىم-قاتىناسىنا جەكە-جەكە توقتالىپ ٴوتتى.

"بىرلەسكەن جۇمىسىمىز دوستىق پەن سەنىمدىلىك ارقىلى ساۋدا مەن ينۆەستيسيانى ارتتىرۋعا سەپتىگىن تيگىزەدى دەپ سەنەمىن"، - دەپ تۇيىندەدى نۇرسۇلتان نازاربايەۆ.

اتاپ وتسەك، بۇگىن اقوردادا ليۆان رەسپۋبليكاسىنىڭ ەلشىسى جيسكار əل-حۋري، ۋكراينانىڭ ەلشىسى يۆان كۋلەبا، برازيليا فەدەراتيۆتىك رەسپۋبليكاسىنىڭ ەلشىسى مارسيا دوننەر ابرەۋ، گەرمانيا فەدەراتيۆتىك رەسپۋبليكاسىنىڭ ەلشىسى تيلو كليننەر، پاكىستان يسلام رەسپۋبليكاسىنىڭ ەلشىسى يمتياز احماد كازي قازاقستان پرەزيدەنتى نۇرسۇلتان نازاربايەۆقا سەنىم گراموتالارىن تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي