BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىرىنشى نازاربايەۆ وقۋلارىنىڭ باستالۋىنا ون كۇن قالدى

استانا. 19 قاراشا. baq.kz - 29 قاراشادا ٴبىرىنشى نازاربايەۆ وقۋلارى «جاڭا الەمدەگى جاڭا قازاقستان» تاقىرىبىندا وتەدى. فورۋم نازاربايەۆ ۋنيۆەرسيتەتىندە ۇيىمداستىرىلادى. دامۋدىڭ قازاقستاندىق جولى الەمدە قىزىعۋشىلىق تۋدىرۋدا، دەپ حابارلايدى قر ٴبىلىم جانە عىلىم مينيسترلىگىنىڭ ٴباسپاسوز قىزمەتى.

«ن.ٴا. نازاربايەۆ مودەلىن» زەردەلەۋگە دەگەن قىزىعۋشىلىقتى ەسكەرە وتىرىپ، «نازاربايەۆ ورتالىعى» مەن ٴبىلىم جانە عىلىم مينيسترلىگى جىل سايىن نازاربايەۆ وقۋلارىن وتكىزۋدى داستۇرگە اينالدىرماق. ول جەتەكشى ساراپشىلاردىڭ، ساياسي قايراتكەرلەردىڭ جانە الەم عالىمدارىنىڭ قاتىسۋىمەن وتەتىن بولادى.

حالىقارالىق وقۋلاردىڭ جۇمىسى «قازاقستاننىڭ سىرتقى ساياسي باستامالارى»، «جاڭا ەكونوميكالىق مودەل»، «قازاقستاننىڭ يننوۆاسيالىق دامۋى»، «قازاقستاننىڭ الەۋمەتتىك جاڭعىرتىلۋى»، «زاماناۋي مەملەكەت  قۇرۋ» اتتى بەس پانەلدىك سەسسيا بويىنشا  وتەدى.  جاستار ساياساتى جەكە  قارالماق. نازاربايەۆ وقۋلارىنىڭ شەڭبەرىندە ەلباسىمىز ن.ٴا.نازاربايەۆقا ارنالعان كىتاپ جانە سۋرەت كورمەسى ۇيىمداستىرىلادى.

قازىرگى تاڭدا ٴبىرىنشى نازاربايەۆ وقۋلارىنا 1500-دەن استام ادام قاتىساتىندىعىن ٴمالىم ەتتى. بەدەلدى ساراپشىلار كوميسسياسى نازاربايەۆ وقۋلارىنىڭ نەگىزگى تاقىرىپتارى بويىنشا 14 پلەنارلىق، 62 پانەلدىك جانە 409 ستەندتىك باياندامانى ىرىكتەپ الدى.

الداعى بولاتىن ٴىس-شاراعا جەتەكشى شەتەلدىك پروفەسسورلار دا قىزىعۋشىلىق تانىتتى. ولاردىڭ ىشىندە - رافيز ابازوۆ، كولۋمبيا ۋنيۆەرسيتەتىنەن (اقش); ەكحارت ديتتريح، ماگدەبۋرگ  ۋنيۆەرسيتەتىنەن (گەرمانيا); دەوم جان مارك، لۋۆا ۋنيۆەرسيتەتىنەن (بەلگيا); مارلەن ماريا باۋەر، ديوزەسا-لينس پەداگوگيكالىق ۋنيۆەرسيتەتىنەن (اۆستريا).

سونىمەن قاتار، تانىمال ساياسي قايراتكەرلەر، حالىقارالىق ساراپشىلار جانە الەمنىڭ 51 ەلىنەن اتاقتى عالىمدار قاتىساتىنىن راستادى. قازاقستان بويىنشا پارلامەنتارالىق توپتىڭ ٴتوراعاسى  لورد دجون ۋەيۆەرلي ( ۇلىبريتانيا)، «وركەنيەت ديولوگى» فورۋمىنىڭ حالىقارالىق ۇيلەستىرۋ كوميتەتىنىڭ ٴتوراعاسى ۆالتەر شۆيممەر، فرانسيانىڭ ەۋروپالىق سەناتى قاۋىمداستىعىنىڭ ٴتوراعاسى  كريستيان پونسەلە، م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچيي سياقتى قۇرمەتتى قوناقتار دا قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي