توقايەۆ «شۆەيساريا-قازاقستان» پارلامەنتارالىق توبىنىڭ ٴتوراعاسىن قابىلدادى - پارلامەنت|01 قازان 2018، 20:17
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ «شۆەيساريا-قازاقستان» پارلامەنتارالىق توبىنىڭ ٴتوراعاسىن قابىلدادى

فوتو: Сенаттың баспасөз қызметі

پارلامەنت سەناتىنىڭ ٴتوراعاسى قاسىم-جومارت توقايەۆ شۆەيساريا كونفەدەراسياسى فەدەرالدىق جينالىسى كانتوندار كەڭەسىنىڭ حالىقارالىق قاتىناستار كوميتەتىنىڭ ٴتوراعاسى، «شۆەيساريا-قازاقستان» پارلامەنتارالىق توبىنىڭ ٴتوراعاسى فيليپپو لومبارديمەن كەزدەستى، دەپ حابارلايدى ۆaq.kz اقپارات اگەنتتىگى.

قازاقستان مەن شۆەيساريا اراسىنداعى ەكىجاقتى قارىم-قاتىناستىڭ دەڭگەيىن جوعارى باعالاعان سەنات ٴتوراعاسى شۆەيساريانىڭ فەدەرالدىق پرەزيدەنتى د.ٴليويتحاردتىڭ وتكەن جىلى استاناعا كەلگەنىن جانە پرەزيدەنت ن.نازاربايەۆپەن كەلىسسوز جۇرگىزگەنىن ٴارى «ەكسپو-2017» اياسىندا شۆەيساريا ۇلتتىق كۇنىن مەرەكەلەۋگە قاتىسقانىن ريزاشىلىقپەن اتاپ ٴوتتى.

ق.توقايەۆتىڭ پىكىرىنشە، ەكى ەل پارلامەنتتەرىنىڭ اراسىنداعى بايلانىس قارقىندى دامىپ كەلەدى. قازاقستان مەن شۆەيساريانىڭ زاڭ شىعارۋ ورگاندارىنىڭ ەقىۇ پارلامەنتتىك اسسامبلەياسى مەن ەۋروپا كەڭەسى اياسىنداعى ىنتىماقتاستىعى ناتيجەلى جۇزەگە اسۋدا.

قوس تاراپ ساۋدا-ەكونوميكالىق، ينۆەستيسيالىق جانە كولىك-لوگيستيكالىق بايلانىستارىن تەرەڭدەتۋ ماسەلەلەرىن تالقىلادى. شۆەيساريا تاۋار اينالىمىنىڭ كولەمى بويىنشا ەلىمىزدىڭ ەۋروپاداعى نەگىزگى ارىپتەستەرىنىڭ قاتارىنا ەنەدى. ق.توقايەۆ قازاقستاننىڭ ترانزيتتىك الەۋەتى ارتا تۇسكەنىن اتاپ ٴوتىپ، «نۇرلى جول» ستراتەگياسىن ىسكە اسىرۋ جانە ونىڭ قىتايلىق ۇلى جىبەك جولى باستاماسىمەن ۇيلەسىمى تۋرالى حابارلادى. سونداي-اق، سەنات ٴتوراعاسى استانادا حالىقارالىق قارجى ورتالىعىنىڭ اشىلۋىنا بايلانىستى قارجى ىنتىماقتاستىعىنىڭ اۋقىمدى مۇمكىندىكتەرىنە ف.ٴلومبارديدىڭ نازارىن اۋداردى.

ق.توقايەۆ پەن ف.لومباردي قازاقستان مەن شۆەيساريا ايماقتارىنىڭ ٴوزارا ىنتىماقتاستىعىنىڭ كەلەشەگى زور ەكەنىن اتاپ ٴوتتى. الماتى جانە لۋگانو قالالارىنىڭ اراسىنداعى سەرىكتەستىك بۇعان دالەل بولىپ تابىلادى، سونداي-اق الماتى وبلىسى مەن تيچينو كانتونى اراسىنداعى بايلانىس تا نىعايا تۇسۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي