سەنات كوميتەتىندە 2018-2020 جىلدارعا ارنالعان رەسپۋبليكالىق بيۋدجەتكە تۇزەتۋلەر قارالدى - پارلامەنت|24 قازان 2018، 21:53
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەنات كوميتەتىندە 2018-2020 جىلدارعا ارنالعان رەسپۋبليكالىق بيۋدجەتكە تۇزەتۋلەر قارالدى

فوتو: Сенаттың баспасөз қызметі

استانا، baq.kz. پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «2018-2020 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار قارالدى.

2018 جىلعا ارنالعان ماكروەكونوميكالىق كورسەتكىشتەر بولجامى ناقتىلانىپ، نەگىزگى سسەنارييدە 2018 جىلى مۇنايدىڭ باعاسى باررەل ٴۇشىن 55 اقش دوللاردان 60 اقش دوللارعا دەيىن ارتتى.

2018 جىلعى نومينالدى ٴجىو 58 242،9 ميلليارد تەڭگە كولەمىندە باعالانادى، بۇل 2017 جىلعى ساۋىردە ماقۇلدانعان كورسەتكىشتەن سالىستىرمالى تۇردە 1 036،2 ميلليارد تەڭگەگە جوعارى. حالىقتىڭ جان باسىنا شاققانداعى ٴجىو 9 114،2 اقش دوللارىن قۇرادى. ٴجىو ناقتى ٴوسۋى وزگەرگەن جوق جانە 103،8 پايىزدى قۇراپ وتىر.

ەكسپورت بويىنشا بولجام 2،6 ميلليارد اقش دوللارىنا ۇلعايعان جانە 56،5 ميلليارد اقش دوللارىن قۇرايدى. يمپورت كولەمى 917،5 ميلليون اقش دوللارىنا تومەندەي وتىرىپ، 33،2 ميلليارد اقش دوللارىنا دەيىن تۇزەتىلگەن.

2018 جىلعا ارنالعان رەسپۋبليكالىق بيۋدجەتتىڭ كىرىستەر بولجامى (ترانسفەرتتەر ٴتۇسىمىنسىز) وزگەرىسسىز قالىپ، 5 718،2 ملرد. تەڭگەنى قۇراپ وتىر. ترانسفەرتتەر ٴتۇسىمى 15،0 ميلليارد تەڭگەگە ۇلعايۋمەن جالپى سوماسى 2 933،5 ميلليارد تەڭگە كولەمىندە كوزدەلگەن.

رەسپۋبليكالىق بيۋدجەت شىعىستارى ناقتىلانعان بيۋدجەتپەن سالىستىرعاندا 12،6 ميلليارد تەڭگەگە ۇلعايۋمەن 9 655،5 ميلليارد تەڭگە سوماسىندا كوزدەلگەن.

مەملەكەت باسشىسىنىڭ ەلىمىزدەگى اكىمشىلىك-اۋماقتىق قۇرىلىستى وزگەرتۋ، شىمكەنت جانە تۇركىستان قالالارىنىڭ اكىمشىلىك مارتەبەلەرى تۋرالى جارلىعىن ىسكە اسىرۋعا بايلانىستى 29،7 ميلليارد تەڭگە بولىنەدى.

ەلباسىنىڭ 2018 جىلعى 5 قازانداعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ايتىلعان جەكەلەگەن تاپسىرمالارىن ورىنداۋ ماقساتىنداعى شارالار 39،4 ميلليارد تەڭگەمەن قارجىلاندىرىلادى.

پرەزيدەنتتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك»، «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جىل سايىنعى جولداۋلارى مەن بۇرىن قابىلدانعان مىندەتتەمەلەرى اياسىنداعى تاپسىرمالارىن ىسكە اسىرۋعا 44،5 ميلليارد تەڭگە باعىتتالادى.

قازاقستان رەسپۋبليكاسىنىڭ ۇلتتىق قورىنا تۇسەتىن تۇسىمدەردىڭ ناقتىلانعان بولجامى 2018 جىلى جوسپارداعىدان 1 133،0 ميلليارد تەڭگەگە ۇلعايۋمەن 3 138،1 ميلليارد تەڭگە سوماسىندا بەلگىلەندى.

زاڭ جوباسى پالاتانىڭ قاراۋىنا جىبەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي