وندىرىسكە كەدەرگىلەر جويىلۋى ٴتيىس - سەناتور - پارلامەنت|13 قاراشا 2018، 18:47
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وندىرىسكە كەدەرگىلەر جويىلۋى ٴتيىس - سەناتور

استانا، baq.kz. پارلامەنت سەناتىنىڭ دەپۋتاتى سارسەنباي ەڭسەگەنوۆ ەۋرازيالىق ەكونوميكالىق وداق اياسىنداعى ەكونوميكالىق قاتىناستارعا كەدەرگىلەردى زەردەلەۋ ماقساتىندا ەلىمىزدىڭ باتىس ايماقتارىندا ساپاردا بولدى

سەناتور اقتوبە وبلىسىندا بولعان كەزدە وبلىس ورتالىعىندا جانە العا اۋدانىنىڭ اۋماعىندا ورنالاسقان شاعىن جانە ورتا اۋىلشارۋاشىلىعى كاسىپورىندارىن ارالاپ، جۇمىستارىمەن تانىستى.

اقتوبە وبلىسىنداعى جىلىجاي، مال بورداقىلاۋ، ولاردىڭ ونىمدەرىن وڭدەۋ جانە وتكىزۋ، سونىڭ ىشىندە ەكسپورتقا شىعارۋ تاجىريبەلەرىمەن تانىسۋ بارىسىندا «izet greenhouse» جىلىجايىندا، «ايبەك» اۋىلشارۋاشىلىعى وندىرىستىك كووپەراتيۆىندە، «رايىمقۇل» شارۋا قوجالىعىندا، 13 مىڭ باس سيىر ۇستاۋعا ارنالعان «العا مال بورداقىلاۋ» جانە «العا ەت ٴوندىرۋ» كەشەندەرىندە بولىپ، ەڭبەك ۇجىمدارىمەن كەزدەستى. كاسىپكەرلەرمەن پىكىرلەسۋ كەزىندە مەملەكەت تاراپىنان قولداۋ، اكىمشىلىك كەدەرگىلەر، ەكسپورتقا شىعارۋدا تۋىنداپ وتىرعان ماسەلەلەر، جۇمىس قولىنىڭ جەتىسپەۋشىلىگى تۋرالى ۇسىنىستار ايتىلدى.

سەناتور ساپارى كەزىندە اقتوبە وبلىستىق اۋىلشارۋاشىلىعى باسشىسىنىڭ ورىنباسارى اسىلxان ابتيەۆ پەن العا اۋدانىنىڭ اكىمى ناعىمجان سماعۇل ۇلى بىرگە بولدى.

س.ەڭسەگەنوۆ باتىس ايماققا ساپار اياسىندا اتىراۋ وبلىسى، يساتاي اۋدانى جانباي اۋىلدىق وكرۋگىنە قارايتىن قىزتۋعان ۋچاسكەسىندەگى بالىق ٴونىمىن وڭدەۋ جانە قايتا وڭدەۋ كاسىپورنىندا دا بولدى. 12 ساعاتتا 3 توننا بالىق ونىمدەرىن وڭدەيتىن «شاعالا اتىراۋ» كاسىپورنىنىڭ باسشىسى ابدولxاسان ۇعىباي ٴوندىرىستىڭ ەكونوميكالىق جاعدايىمەن تانىستىرا كەلىپ، اتىراۋ وبلىسى اكىمىنىڭ قولداۋىمەن «جايىق» ٴموب مەكەمەسىنىڭ ەلەكتر جەلىسىنە قوسىلىپ جارىق الىپ وتىرعانىن ايتتى. سونداي-اق «قازاگرو» اق ارقىلى جابدىقتار تولىق الىنىپ، قۇراستىرىلىپ ورناتىلعان، الايدا قازىرگى ۋاقىتتا ٴوسىمىن قوسقاندا مەكەمەنىڭ 106 ميلليون تەڭگە بەرەشەگى بار. ٴوندىرىس ىسكە قوسىلعاندا 80 ادام تۇراقتى جۇمىسقا الىنادى، دەيدى كاسىپكەر.

ٴبىراق كاسىپورىن ىسكە قوسىلماي تۇر. ونىڭ سەبەپتەرى: بالىق اۋلاۋعا ليميت جوق (بۇل جەردە وبەكتيۆتى سەبەپتەر بار)، جايىق وزەنى بويىنداعى ٴبولىنىپ قالعان كولشىكتەر تاۋارلى بالىق ٴوسىرۋ ٴۇشىن بەرىلمەي وتىر، مەملەكەت ەسەبىنەن ينۆەستيسيالىق سۋبسيديالاۋدا شەشىلمەي تۇرعان ماسەلەلەر بار. «بۇنداي كەدەرگىلەر ىسكە دەگەن قۇلشىنىستى سۋ سەپكەندەي باسادى ەكەن، ٴبىراق ٴۇمىتىم ۇزىلگەن جوق»، - دەگەن كاسىپكەر جۇمىسىن جالعاستىرۋدا. شاعىن كاسىپورىن، تۇراقتى جۇمىس ورنى اشىلعاندا مەملەكەتتىك ورگاندار تاراپىنان ناقتى قولداۋ بولسا جۇمىسى جاندانىپ كەتەتىنى، ال ٴسوزبۇيدالىققا سالىنسا، كاسىپكەرلىك سالاسى ەشكىمنەن قولداۋ تاپپاسا، جابىلىپ قالاتىنى ايتىلدى.

ساپار كەزىندە سەناتورمەن بىرگە اتىراۋ وبلىستىق ٴماسليxاتىنىڭ دەپۋتاتى، كاسىپكەر ايتپاي سيسەنوۆ بىرگە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي