BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴقازاقفيلمنىڭ تەحنيكالىق جابدىقتالۋى تومەن – مينيستر 

بۇگىن قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا بايانداما جاساعان قر مادەنيەت جانە سپورت ٴمينيسترى ارىستانبەك مۇحامەدي ۇلى «قازاقفيلم» كينوستۋدياسىنىڭ تەحنيكالىق جابدىقتالۋى تومەن ەكەنىن مالىمدەدى، دەپ حابارلايدى baq.kz ٴتىلشىسى.

«ٴسىز بۇقارالىق اقپارات قۇرالدارىنا بەرگەن سۇحباتتارىڭىزدا «استانافيلم» اتتى جاڭا كينوستۋديا قۇرىلاتىنىن ٴجيى ايتىپ ٴجۇرسىز. ارينە، ەلوردادا كينووندىرۋشى قۋاتتى كومپانيا جۇمىس جاسايتىنى قۋانتارلىق جايت. الايدا، بىزدە ونىمدىلىگى جوعارى «قازاقفيلم» جانە 35 جۋىق باسقا دا جەكەمەنشىك كينوستۋديا بار ەكەنىن ەسەپكە الا وتىرىپ، جاڭا قۇرىلعان كينوستۋديا جۇمىسى تۇرالاپ قالادى دەگەن ٴقاۋىپ جوق پا؟» - دەپ ساۋال جولداعان بولاتىن دەپۋتات ايزادا قۇرمانوۆا.

دەپۋتات سۇراعىنا جاۋاپ بەرگەن ارىستانبەك مۇحامەدي ۇلى «استانافيلم» كينوستۋدياسىنىڭ قۇرىلۋى ۋاقىت تالابى ەكەنىن ايتتى.

«بۇل - مەملەكەت باسشىسىنىڭ تاپسىرماسى. ٴقازىر ٴبىز ەكونوميكالىق نەگىزدەمەسىن ازىرلەپ جاتىرمىز. جالپى، بىزگە ەكىنشى كينوستۋديا سالۋ قاجەتتىلىگى جوعارى. ۆەنگريا، چەحيا سەكىلدى شاعىن مەملەكەتتەردىڭ وزىندە بىرنەشە كينوستۋديا بار. مىسال رەتىندە، «موسفيلم» ٴقازىر مەملەكەتتەن ٴبىر تيىن دا تالاپ ەتپەيتىن، كومەك سۇرامايتىن تاۋەلسىز مەكەمەگە اينالعان. كەرىسىنشە، ونىڭ تابىسى جوعارى. ول كينو قىزمەتىن پايدالى قۇرۋدىڭ ۇلگىسى بولىپ تابىلادى. سول سياقتى، «لەنفيلمنىڭ» دە جۇكتەمەسى جوعارى. ٴبىز وتاندىق تۋىندىلاردى شىعارۋ، شەتەلدىك كينوستۋديالاردى تارتۋدى العا ماقسات ەتىپ وتىرساق، وندا «قازاقفيلم» بۇل جۇكتەمەنى جۇزەگە اسىرا الماۋى مۇمكىن»، - دەدى مينيستر.

مۇحامەدي ۇلى «قازاقفيلم» كيونستۋدياسىنىڭ تەحنيكالىق جابدىقتالۋى دا قازىرگى زامانعا ساي ەمەستىگىن اتاپ ٴوتتى.

«ٴقازاقفيلمنىڭ تەحنيكالىق جابدىقتالۋى جوعارى ەمەس. ٴبىزدىڭ كوپتەگەن كينووندىرۋشىلەر، كليپ نەمەسە تەلەۆيزيالىق جوبالاردى تۇسىرەتىن ماماندار تەحنيكالىق قامسىزداندىرۋ ٴۇشىن شەتەلگە بارادى. مىسالى، ماسكەۋگە، تاشكەنتكە. سەبەبى، ولاردىڭ تەحنيكالىق جابدىقتالۋى جوعارى. سول سەبەپتى، ٴبىز ٴاستانافيلمنىڭ تەزىرەك قالىپتاسۋىنا مۇددەلىمىز. ارينە، «قازاقفيلم» شەتتە قالىپ قالادى ما دەگەن ٴقاۋىپ بار. الايدا، ٴبىزدىڭ جوسپارىمىز بويىنشا اتالعان كينوستۋديا ەركىن ەكونوميكالىق اۋماققا اينالسا، ونىڭ تابىسى دا، جۇمىسى دا جوعارى دەڭگەيدە بولادى»، - دەدى ۆەدومستۆو باسشىسى.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى جانە وتاندىق كينوتەاترلاردىڭ جۇمىسىن باقىلاۋعا الۋ كەرەكتىگىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي