BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەر سىلكىنگەندە نە ىستەۋ كەرەك؟

فوتو: Сурет интернеттен алынды

اپات ايتىپ كەلمەيدى. «ساقتانساڭ ساقتايدى» دەگەن ٴسوز بار. سوڭعى كەزدە الەمدە عانا ەمەس، قازاقستاندا دا جەر سىلكىنىسى جيىلەپ كەتتى. ارىعا بارماي-اق، 9 تامىز الماتى وبلىسىندا تاڭعى ساعات التىلار شاماسىندا بىرنەشە جەر سىلكىنىسى تىركەلگەنىن حابارلاعان بولاتىنبىز. وسىنداي توتەنشە جاعداي كەزىندە نە ىستەۋ كەرەگىن نازارلارىڭىزعا ۇسىنامىز.

ەڭ ٴبىرىنشى – سابىرلى بولىڭىز، ۇرەيگە بوي الدىرماڭىز. ٴبىراق جىلدام قوزعالۋىڭىز قاجەت. رەتسىز ٴىس-قيمىل جاساعاندا وسىنداي ۇرەي تۋىندايدى.

ٴۇيدىڭ ىشىندە:

سىلكىنىس كەزىندە دالاعا جۇگىرىپ شىعۋدى پاتەرىڭىزدىڭ قاي قاباتتا ورنالاسقانىنا قاراي شەشەسىز. ەگەر كوپ قاباتتى تۇرعىن ٴۇيدىڭ ٴبىرىنشى نەمەسە ەكىنشى قاباتىندا تۇراتىن بولساڭىز، سىرتقا شىعۋعا مۇمكىندىگىڭىز بار. ال ٴۇشىنشى جانە ودان جوعارى قاباتتاردا تۇرساڭىز دالاعا شىعۋ وتە ٴقاۋىپتى. سول سەبەپتى سىلكىنىس كەزىندە ٴۇي ىشىندەگى ٴقاۋىپتى جانە ٴقاۋىپسىز جەرلەردى انىقتاپ العان ٴجون.

ٴۇي ىشىندە قالىپ قويساڭىز الدىمەن گاز، سۋ جانە جارىقتى ٴسوندىرىڭىز;

الدىن الا تاڭدالعان ورىنعا تىعىلىڭىز (مىسالى، مىقتى قابىرعا، بوساعا ەسىك جاقتاۋى، ۆاننا، توڭازىتقىش، پارتا، كەرەۋەت);

تەرەزەگە جاقىنداماڭىز;

جيھازداردان اۋلاق تۇرىڭىز;

ليفت قىزمەتىن پايدالانباڭىز.

دالادا:

بيىك عيماراتتار مەن بيىك اعاشتاردان اۋلاق بولىڭىز;

ۇزىلگەن سىمداردان اباي بولىڭىز;

جەر استى وتكەلدەرىمەن جۇرمەڭىز;

عيماراتتارعا كىرمەڭىز.

كولىكتە:

سىلكىنىس باستالعاندا دەرەۋ اشىق جەرگە توقتاڭىز;

ٴدۇمپۋ اياقتالعانشا كولىكتەن شىقپاي، ٴبىر ورىندا وتىرىڭىز;

ال قوعامدىق كولىك جۇرگىزۋشىسى مۇنداي جاعدايدا ەسىكتى اشىق قالدىرۋى ٴتيىس.

جەر سىلكىنىسىنەن كەيىن:

سابىرلى بولىڭىز، زارداپ شەككەندەرگە كومەكتەسىڭىز;

راديوقابىلداعىشتى قوسىپ، جەرگىلىكتى بيلىك پەن ازاماتتىق قورعانىس ورگاندارىنىڭ نۇسقاۋلىقتارىنا قۇلاق ٴتۇرىڭىز;

قيراعان عيماراتتارعا كىرۋشى بولماڭىز;

جاراقاتتانباۋ ٴۇشىن مىقتى اياق كيىم كيىڭىز;

قۇتقارۋ جۇمىستارىنا اتسالىسۋ كەرەك بولسا، قالىس قالماڭىز;

باستىسى، ۇرەيگە جول بەرمەڭىز!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي