BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جارىڭىز اشۋلانباۋ ٴۇشىن نە ىستەۋ كەرەك؟

ٴاربىر ەر ادام ٴوزىنىڭ مىنەز-قۇلقىمەن، ادەتىمەن، ومىرگە دەگەن كوزقاراسىمەن ەرەكشەلەنەدى. ايەلى كۇيەۋىنىڭ نەنى ۇناتاتىنىن، نەنى ۇناتپايتىنىن ٴبىلۋى ٴتيىس. كۇيەۋىڭىزدىڭ كوڭىلىنەن شىعىپ، اراداعى سۇيىسپەنشىلىكتى ارتتىرۋ ٴۇشىن نەنى ەستە ساقتاعان ٴجون؟

اشتىق

جۇمىستان سوڭ: «...ٴدامدى ٴبىر نارسە دايىنداپ قويعان بولار» دەگەن ويمەن اسىعىپ ۇيىنە كەلگەن كۇيەۋى ەشتەڭە دايىندالماعانىن كورسە، البەتتە، اشۋلانادى. سوندىقتان، استى ۋاقىتىلى ٴارى ٴدامدى ەتىپ دايىنداساڭىز، جارىڭىزدىڭ كوڭىلىنەن شىعاسىز.

بالالارىنا، ٴۇي شارۋاسىنا كوڭىل بولمەۋ

ەسىڭىزدە بولسىن، جينالماعان ٴۇي، كۇتىم كورمەگەن بالالارىڭىزدى كورگەن جۇبايىڭىز ەكىنشى رەت ۇيگە اسىعىپ كەلۋى ەكىتالاي. وعان دايىندالماعان استى قوسىڭىز.

ىسىراپشىلدىق

جارىڭىزدىڭ ماڭداي تەرىمەن تاپقان تابىسىن وڭدى-سولدى جۇمساپ، بولماشى نارسەلەردى ساتىپ الساڭىز اشۋلانارى ٴسوزسىز. نە نارسە بولسا دا كۇيەۋىڭىزبەن كەڭەسىڭىز.

جاقىندارىمەن رەنجىسۋ

جۇبايىڭىزدىڭ اتا-اناسى، اعا-اپكەسىمەن ٴسوز تالاستىرىپ، ولاردى رەنجىتسەڭىز، جارىڭىزدىڭ جۇرەگىنە جارا سالدىم دەي بەرىڭىز. سوندىقتان تۋىستارىمەن ارا-قاتىناسىڭىز مەيلىنشە جاقسى بولعانى دۇرىس.

mazhab.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي