BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇزاق دەمالۋ دەنساۋلىققا ٴقاۋىپتى – عالىمدار

فوتو: Фото: FTimes.ru

عالىمدار ٴپاسسيۆتى دەمالىستىڭ (از قيمىلداپ دەمالۋ، سپورتپەن ۇيلەسەتىن اكتيۆتى دەمالىسقا قارسى – اۋد.) جانە ۇزاق ۋاقىت جۇمىسسىز ٴجۇرۋدىڭ ەڭ اۋەلى ميعا زيان ەكەنىن دالەلدەدى. سونداي-اق ول ادامنىڭ فيزيكالىق دەنساۋلىعىنىڭ ناشارلاۋىنا سەبەپ بولادى، دەپ حابارلايدى baq.kz اقپارات اگەنتتىگى menslife.com-عا سىلتەمە جاساپ.

ۇلىبريتانيادا زەرتتەۋشىلەر ۇزاق ٴارى پاسسيۆ دەمالىستىڭ قانداي زارداپتارى بار ەكەنىن انىقتادى. عالىمدار ۇزاق مەرزىمدى دەمالىس ادام دەنساۋلىعىنا كەرى اسەر ەتەتىنىن دالەلدەدى. ەگەر ادام ۇزاق ۋاقىت ارەكەتسىز بولسا، ونىڭ بارلىق سوزىلمالى اۋرۋلارى اسقىنۋى مۇمكىن.

مۇنداي قورىتىندىعا ليۆەرپۋل ۋنيۆەرسيتەتى مەن ەرلانگەنا ۋنيۆەرسيتەتىنىڭ دارىگەرلەرى كەلدى.

عالىمدار بىرلەسىپ زەرتتەۋ جۇمىسى ناتيجەسىندە دەمالىس نەمەسە ۇزاق جۇمىسسىزدىق ەڭ الدىمەن ادامنىڭ مي جۇمىسىنىڭ دامۋىنا كەرى اسەر تيگىزەتىنىن انىقتادى. سونداي-اق فيزيكالىق دەنساۋلىعىنىڭ دا ناشارلاۋىنا الىپ كەلەدى.

زەرتتەۋگە ەكى اپتا بويى اقىل-وي جۇكتەمەسى مەن فيزيكالىق جۇكتەمەدەن بوساتىلعان 35 پەن 40 جاس ارالىعىنداعى ەرىكتىلەر قاتىستى. ماماندار تاجىريبە كەزىندە ەرىكتىلەر دەنساۋلىعىنداعى 1-كۇننەن 2 اپتا وتكەنگە دەيىن ارالىقتاعى وزگەرىستەردى تالدادى. دەمالىس كەزىندە بارلىق قاتىسۋشىلاردىڭ سالماعى ارتىپ، مايدىڭ اعزاداعى ماسساسى مولايعانى بايقالعان. دەنەنىڭ بۇلشىق ەت ماسساسى كەرىسىنشە ايتارلىقتاي تومەندەگەن. ينتەللەكتۋالدىق قابىلەتتەرىنىڭ دە ناشارلاعانى بايقالعان.

وسى تاجىريبە ارقىلى عالىمدار دەمالىس كەزىندەگى بوساڭ ٴومىر سالتى دەنساۋلىققا ەداۋىر زيان ەكەنىن انىقتادى. مامانداردىڭ ايتۋىنشا، فيزيكالىق جانە ينتەللەكتۋالدىق جۇكتەمەنى ەسكەرمەۋگە بولمايدى. ياعني، دەمالىس بەلسەندى جانە ناتيجەلى بولۋى كەرەك. دەمالىس كەزىندە سپورتتىڭ كەز كەلگەن تۇرىمەن اينالىسىپ، تاريحي جەرلەردى ارالاپ، سونداي-اق قىزىقتى ساياحات جاساۋعا بولادى.

دايىنداعان گۇلجان رامانقۇلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي