BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇبت-عا بارا جاتقان وقۋشىعا بەس كەڭەس

فوتو: Архив

ۇبت – التىن ۇياسىنان ۇزاماعان بوزبالا مەن بويجەتكەن ٴۇشىن وڭاي سىناق ەمەس. ٴسىزدىڭ بولاشاعىڭىزدىڭ ٴبىر كىرپىشى وسى ۇپايمەن قالانادى. ەندەشە ۇبت-عا بارماس بۇرىن مىنا بەس كەڭەسكە نازار سالىڭىز.

1. ۇيدەن شىققاندا ايتىلاتىن دۇعانى ۇمىتپاۋ. «ٴبيسميللاھ، تاۋاككالتۋ ٴالاللاھ، ٴۋا ٴلا ٴحاۋلا ٴۋا ٴلا قۋۋاتا ٴيللا ٴبيللاھ» («اللانىڭ اتىمەن، اللاعا تاۋەكەل ەتتىم. اللا تاعالانىڭ كۇش-قۋاتىنان اساتىن ەشقانداي كۇش-قۋات جوق»). كىمدە-كىم ۇيدەن شىعاردا وسى سوزدەردى ايتسا، وعان: «سەن تۋرا جولداسىڭ، قۇتىلدىڭ ٴارى قورعاۋلىسىڭ» دەپ ايتىلادى. سول كەزدە شايتان ول ادامنان قاشادى دا باسقا شايتانعا بارىپ: «سەن تۋرا جولداعى، قۇتىلعان ٴارى قورعالعان ادامعا نە ىستەي الاسىڭ؟» – دەپ ايتادى». عالىمدار وسى حاديستەگى «قۇتىلۋ» سوزىنە قاتىستى: «ول ادام ەكى دۇنيەدە ۋايىم سالاتىن نارسەنىڭ بارىنەن قۇتىلادى» دەگەن [1].

2. نيەتتى تۇزەۋ. «ٴاربىر امال نيەتكە بايلانىستى..» [2]. ياعني، ادامنىڭ نيەتى دۇرىس بولعان سايىن اللاعا ۇنامدى، اللانىڭ جاردەمى جاقىن. ۇبت بالى ساعان نە ٴۇشىن كەرەك؟ بىرىنشىدەن، ٴبىلىم تالاپ ەتۋ – ٴاربىر مۇسىلمانعا پارىز ەتىلگەن. ول وسى ارقىلى ناداندىقتان قۇتىلادى، وزگەلەرگە كومەكتەسەدى. ەكىنشىدەن، ٴبىلىمدى، مىقتى بولعان، كاسىبىن كەمەل يگەرگەن مۇسىلمان – ٴالسىز مۇسىلمانعا قاراعاندا اللاعا سۇيىكتىرەك. ەگەر ول سول مەڭگەرگەن كاسىبى ارقىلى وتانىنا، قوعامعا، تۋعان-تۋىسىنا پايدا كەلتىرسە، تاعى دا اللاعا ۇنامدى بولادى. تورتىنشىدەن، اتا-انا بالاسىمەن ماقتانعىسى، ونىڭ جەتىستىگىن كورگىسى كەلەدى. ونىڭ جوعارى بالل جيناپ، جاقسى ماماندىقتىڭ وقۋىنا ٴتۇسۋى – اتا-اناسىن رازى ەتەتىن ىستەردەن. ال اللانىڭ رازىلىعى – اتا-انانىڭ رازىلىعىندا. ەندەشە، باۋىرىم، سەن دە نيەتىڭدى ىزگىلىككە قاراي باستا!

3. تاۋەكەل ەتۋ. قۇراندا: «كىم اللاعا جۇگىنىپ، وعان ٴىسىن تاپسىرسا (تاۋەكەل ەتسە)، ول وعان جەتكىلىكتى. اقيقاتىندا، اللا – ٴىسىن سوڭىنا جەتكىزۋشى. اللا ٴاربىر نارسەگە ولشەم بەلگىلەگەن» [3] دەلىنگەن. جەتكىلىكتى! اللاعا دۇرىس تاۋەكەل جاساعان ادامعا باسقا ەشنارسە قاجەت ەمەس دەگەن ٴسوز. دۇرىس تاۋەكەل ەكى رەتپەن جاسالادى: ٴبىرىنشىسى – سەبەپتەرىن ورىنداۋ، ەكىنشىسى – اللاعا تاپسىرۋ. ماسەلەن، ساپار الدىندا مۇزداقتىڭ بولۋىنان حاباردار بولعان جۇرگىزۋشى، ساپالى ٴارى جاڭا دوڭگەلەگىنە ەمەس، ەمتيحان تاپسىرعالى وتىرعان ستۋدەنت نە وقۋشى بىلىمىنە ياكي اقشاسىنا، تانىسىنا ەمەس، ٴبىر اللاعا سەنۋى ٴتيىس. ويتكەنى، كەيدە جاڭا دوڭگەلەكتى كولىكتەر اپاتقا ۇشىرايدى، جاقسى وقيتىن، اقشاسى مەن تانىسى كوپ وقۋشىلار دا تومەن ۇپاي جينايدى. سوندا وقۋشى، بار كۇشىن سالىپ دايىندالىپ بولعاننان كەيىن: «يا، مەيىرىمدى دە قۇدىرەتتى اللا! مىنە، مەن قولىمنان كەلگەنىن جاسادىم، ارى قاراي ەشنارسەگە كۇشىم جەتپەيدى. تەك سەن قولداساڭ، سەن قالاساڭ عانا ٴىسىم وڭعا باسپاق! وزىڭنەن عانا جاردەم سۇرايمىن!» دەپ ناتيجەنى اللاعا تاپسىرۋى ٴتيىس. ال اللا تاعالا وعان «مەن ساعان جەتكىلىكتىمىن، ٴىسىڭدى سوڭىنا جەتكىزەمىن» دەپ ۋادە بەرىپ قويعان. كۇللى الەم قازىنالارىنىڭ، جۇرەكتەردىڭ، ىستەردىڭ يەسى بولعان اللاعا تاۋەكەل ەتكەننىڭ ۋايىمى بولمايدى.

4. تەستىلەۋدى اللانىڭ اتىمەن باستاۋ. «ٴبيسميللاھير-راحمانير-راحيم» (اسا قامقور، ەرەكشە مەيىرىمدى اللانىڭ اتىمەن) دەگەن سوزبەن باستالعان ٴىس بەرەكەلى بولادى. اللا تاعالا دا قۇراندا ٴوز اياتتارىن وسى سوزبەن باستايدى جانە مۇحاممەد پايعامار دا (وعان اللانىڭ يگىلىگى مەن سالەمى بولسىن) ىستەرىن اللانىڭ اتىمەن باستاعان. سونداي-اق، تەستىلەۋ بارىسىندا سابىرلى قالىپتى ساقتاپ، ۋاقىتتى كۇزەتىپ، اسىعىستىققا بەرىلمەگەن دۇرىس. قازاق حالقىنىڭ «اسىققان – شايتاننىڭ ٴىسى» دەگەن ٴسوزى قاسيەتتى حاديس ماتىندەرىمەن استاسىپ جاتىر. اللا ەلشىسى (وعان اللانىڭ يگىلىگى مەن سالەمى بولسىن): «سابىر – اللادان، اسىعۋ – شايتاننان»، دەگەن [4]. وقۋشى اللانىڭ مەيىرىمدى، ەستۋشى، كورۋشى، ٴادىل، ٴبىلۋشى ەكەنىن ۇمىتپاسىن. سەن وعان دۇعا جاسادىڭ با، وعان عانا تاۋەكەل ەتتىڭ بە، وندا اللا تاعالانىڭ سەن ٴۇشىن قايىرلى نارسە ٴناسىپ ەتەتىندىگىنە سەن. وزىڭە عانا جاقسىلىق تىلەپ، باسقالارعا تەرىس نيەتتى بولۋدان ساقتان. كەرىسىنشە، سىنىپتاستارىڭ، اۋديتوريالاستارىڭ ٴۇشىن دە دۇعا جاسا. سوندا ۇتاسىڭ! ويتكەنى، حاديستە: «مۇسىلماننىڭ مۇسىلمانعا جاساعان دۇعاسى قابىل بولادى. مۇسىلمان باۋىرى ٴۇشىن تىلەك ايتقاندا، پەرىشتەلەر «ٴاۋمين، اللا ساعان دا باۋىرىڭ ٴۇشىن سۇراعاندى بەرسىن» دەپ ايتادى [5]. قانداي كەرەمەت! سەن ادام ٴۇشىن دۇعا ەتسەڭ، سەن ٴۇشىن پەرىشتە دۇعا ەتەدى!

5. تاعدىرعا رازى بولۋ. قانداي دا بىركەلەڭسىزدىك، ساتسىزدىك بولسا دا بار يمانىڭدى جيناپ، بۇيىرعانعا رازى بولۋعاتىرىس. «بۇيىرعان كەتپەيدى، قۋعان جەتپەيدى». ويتكەنى، سەن باسقا جاراتىلىستان ەمەس، الەمدەردىڭ راببىسىنان سۇرادىڭ، وعان الدەقاشان ٴىسىڭدى تاپسىرىپ قويعانسىڭ. دەمەك، بولعان ىستە سەن ٴۇشىن ۇلكەن قايىر بار. الايدا، سەن ونى بىلمەيسىڭ. كەرىسىنشە، قيىندىقتىڭ ارتىنان كەلەتىن جاقسىلىقتى كۇت. سونداي-اق، اللا ەلشىسى (وعان اللانىڭ يگىلىگى مەن سالەمى بولسىن): «سەندەردىڭ بىرەۋلەرىڭ قاندايدا ٴبىر قيىندىققا تاپ بولعاندا، ەگەر دە مەن بۇلايىستەمەگەندە، بۇل نارسە بولماس ەدى» دەمەسىن، «ٴبارى دە اللانىڭ قالاۋىمەن» دەسىن. ويتكەنى، «ەگەر» شايتانعا ەسىك اشادى»، [6] دەگەن. ولاي بولسا، «قۇدايسىز قۋرايدىڭ دا سىنبايتىنىن» ۇمىتپاعايسىڭ، باۋىرىم!

دەرەككوز: muftyat.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي