BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تولىق ەمەس وتباسىدا بالانى قالاي تاربيەلەۋ كەرەك؟

قازىرگى تاڭدا تولىق ەمەس وتباسىلار قاتارى كۇننەن-كۇنگە كوبەيىپ كەلە جاتىر. ول ەرلى-زايىپتىلاردىڭ ٴبىر-بىرىن تۇسىنبەگەننەن، الدى-ارتىن شورقاق ويلاعاننان ورتادا بالالار كوپ زارداپ شەگەدى. سول تۇسىنبەۋشىلىكتىڭ اسەرىنەن بالاعا تاربيە بەرۋ قيىنعا سوعىپ، بارلىق تالىم-تاربيەنىڭ مىندەتتەرى جالعىز اكەسىنىڭ نەمەسە اناسىنىڭ مويىنا ارتىلادى. وسى زاماندا بالانى جالعىز ٴوسىرىپ جەتىلدىرۋ قيىن ەكەنى بارىنە ٴمالىم. جالعىز باستى انا اتانۋ نەمەسە جالعىز باستى اكە اتانۋ وكىنىشتى جاعدايلاردىڭ ٴبىرى، ول تاعدىر.

ەندەشە قۇربى-قۇرداستارىمىزعا كومەك رەتىندە پسيحولوگيالىق كەڭەستەرىمىزدى ۇسىنامىز:

1.اناسى ٴسىز ٴوزىڭىزدى جالعىزبىن دەپ ويلاماڭىز. بۇل زاماندا بالانى جالعىز ٴوسىرىپ جاتقان جالعىز ٴسىز عانا ەمەس. بالاڭىزدىڭ قاسىنداعى دوستارىنىڭ اكەسى بار بالالارعا قاراپ، بالاڭىزدى اياپ، كوڭىلىڭىز ٴتۇسۋى قالىپتى جاعداي. ونداي جاعدايدا ٴوزىڭىزدى سابىرلى ۇستاڭىز.

2.بالاڭىزدى ەركىن، بولاشاعى جارقىن ەتىپ تاربيلەڭىز. ول ٴسىزدىڭ قولىڭىزدان كەلەدى.

3.جالعىز باستى انالاردىڭ نەمەسە اكەلەردىڭ ٴجيى جىبەرەتىن قاتەلىكتەرىنىڭ ٴبىرى – بالاعا اكە دە، شەشە دە بولادى. ول دۇرىس ەمەس. بۇل بالانىڭ وتباسىلىق سەنىمىنە سىزات كەلتىرەدى. بالاعا جاقسى انا بولىڭىز نەمەسە اقىلىن ايتاتىن اكە بولىڭىز.

4.بىرگە تۇرىپ جاتقان ەرلى-زايىپتىلار ٴبىرىن-بىرى تۇسىنبەي باقىتتى قىلا المايدى. وزدەرى باقىتسىز جاندار ەشكىمگە باقىت سىيلاي المايدى. ٴوز بالاسى بولسا دا.

5. اكە - بالا ٴۇشىن بيىك شىڭىراۋ. اكەسىن وزىڭىزدەن بيىك قويىڭىز. اكەسى تۋرالى جامان سوزدەر ايتپاڭىز. ەگەردە اكەسى تۋرالى تەرىس پىكىرلەر ايتساڭىز ۇل بالالار بولاشاقتا ومىردە ٴوز ورنىن تابا المايدى، ال قىز بالالار ەر ازاماتقا سەنبەيتىن، جەك كورۋشىلىك قاسيەتتەرى پايدا بولادى. ٴارقاشان شىندىقتى ايتىڭىز.

6.بالانى جالعىز تاربيەلەۋ وڭاي ەمەس. جاقىن ادامدارىڭىزدىڭ كومەگىنەن باس تارتپاڭىز.

7. بالاڭىزدىڭ اكەسى جوق دەپ شامادان تىس ەركەلەتىپ، قالاعانىن ورىنداي بەرمەڭىز. بولاشاقتا ول بالا سىزگە راحمەت ايتۋدىڭ ورنىنا ٴوزىمشىل بولادى.

8.بالاعا نەگە جالعىز اكەسىز تۇرىپ جاتقانىن جايمەن ٴتۇسىندىرىڭىز. ٴتۇسىندىرىپ ايتپاساڭىز بولاشاقتا ٴسىزدى كىنالايتىن بولادى.

9. بالاڭىزعا مەيىرىم-شاپاعاتىڭىزدى اياماڭىز. جاسىندا مەيىرىمدى وتباسىندا بولعان بالا بولاشاقتا جاقسى ازامات بولادى.

10. ٴسىز اناسىز الايدا وتباسىنداعى قيىنشىلىقتاردى ٴوز بالاڭىزدان كورمەڭىز، وشتەسپەڭىز. بالادان ٴوش الۋ سىزگە ەشقانداي دا پايدا اكەلمەيدى. ٴسىزدىڭ ولاي ىستەۋگە قاقىڭىز دا جوق، ولاي جاساساڭىز ٴسىز انالىق ماحابباتتىڭدى جوعالتاسىز. سونىمەن بىرگە ٴوزىڭىزدى جوعالتاسىز.

11. بالاڭىزعا ايعايلاپ جۇرەگىنە اۋىر تيەتىن سوزدەردى ايتۋشى بولماڭىز. بولاشاقتا كەكشىل، دورەكى بولادى.

12. بالاڭىزعا دۇرىس كوڭىل ٴبولىپ، ويىمەن كەڭەسىپ، ٴوز اقىلىڭىزدى بەرە وتىرىپ تۇسىندىرسەڭىز بالاڭىز ٴسىزدى تىڭدايتىن بولادى.

13.بالاڭىزعا سەنىم ارتىڭىز، كۇدىكتەنبەڭىز، بالاڭىزعا سەنبەي قىسىم جاساي بەرسەڭىز بولاشاقتا وتىرىك ايتىپ، ايلاكەر بولادى

anabol.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي